البهاق

الله يشفيك ويعافيك حبيت ارفع موضوعك 

جزاك الله خير

حبيبتي نورا الله يشفيك ويعافيك يارب
بخصوص البهاق أنا بنتي مريضه فيه الله يشفيكن ويعافيكن وكل مريض
سبق ورحت للمركز الوطني للبهاق و بصراحه جلسنا فتره تقريبا ست شهور و أكثر على جلسات الليزر
ألي هي الناروبند و بصراحه يا أختي مافيه أي نتيجه نهائي فقط خسرونا أسعارها مو هينه
و لا أقتنعت فيه لأنه مافيه نتايج تطمنك ..........
بعد كذا صرفو لها كريمات و محلول لازم تحطه ع البقع و تتعرض للشمس ربع ساعه
و أستمرينا على هالطريقه برضو فتررره طوويله و فيه نتائج بسيطه يعني أفضل من الليزر برأيي
بعدها وقفو المحلول و الأن صارفين لها كريم أليكوم و كريم بروتبيك و تستخدمها بالتناوب
و برضو للأن مستمرين عليها من فتره طويله فيه تحسن لكن بسيط جدا جدا و بطيئ

ألي أبيك تعرفينه حبيبتي أنه مرض البهاق ماله علاج ميه بالميه و علاجه يطووووول كثيرررر
حنا سنين معهم و للحين مافيه نتائج مرضيه ولا أختفى و طلبت من الطبيب يعطيها أبرة تحديد اللون
بحيث يكون لون الجلد كله بلون البهاق رفض قال الأبره مانعطيها ألا أذا كان البهاق منتشر بشكل كبير بالجسم

يعني حبيبتي لازم تطولين بالك مع هالمرض وتتكلين على ربك و تدعينه بالشفاء بأوقات الأجابه
و تكثرين من شرب ماء زمزم ....... وأذا فيه بقع بالوجه أو باليدين مسببه لك حرج فيه مكياج طبي للبهاق
يصرفونه الأطباء يغطي المنطقه و يكون بدرجات متعدده تناسب عدة أنواع من البشرات و يكون وقتي
شي مدته ساعتين شي ست ساعات و شي يوم كامل هالمعلومه حبيت أفيدك فيها أذا ماتعرفين عنها ....
ولا تيأسين من رحمة الله يا أختي و أستمري على الكريمات ألي يصرفونها لك ولا تملين و تطفشين
مثل ماقلت لك علاجه يطوووول و يزهق بس لازم نصبر و بأذن الله مأجورين
ولا تنسين بعد أنه النفسيه لها دور الحزن و الكأبه و العصبيه و التوتر و التعرض لصدمات نفسيه تزيد
المرض ..........
حبيبتي الله الله بالصبر و الأستمرار بالعلاج و طولت البال و لا تحزنين أنا أنصحك مثل ما أنصح بنتي
أحمدو ربكم أنه هالمرض مو عضوي أو معدي الحمدلله مشكلته فقط جماليه تأثر على المظهر
وشي أهون من شي كل ماتيأس بنتي و تحبط و تحزن أذكرها بغيرها من الناس ألي يعانو من أمراض
مستعصيه و يتألمون جسديا بسببها يعني ألي بيطالع مصيبة غيره يالغاليه تهون عنده مصيبته ......

و للعلم الشفاء من هالمرض علمه عند الله فيه وحده أعرفها مافيها ألا العافيه من توفى أبوها
ظهر لها المرض و سبحان الله جلست فتره و بعدها من نفسه أختفى الله عنده خير كثير يبغى من الصبر
يا حبيبتي و البعد عن الجزع و الأتكال عليه وقادر سبحانه يغير من حال ألى حال بلمح البصر
ولا تنسين الصدقات تصدقي بالي تقدرين عليه لو مويا تقدميها للعصافير ذي صدقه
الرسول اللهم صل وسلم عليه قال داوو مرضاكم بالصدقه
الصدقه علاج و دفعة بلا و تفريج للكرب و الهموم
الله يشفيكم ويعافيكم و الله ياحرنا و أياكم اللهم أمين

جزاك الله خير

يعني ارجع للادويهه :(
ماودي اخسر ع الفاضي

أيوه حبيبتي لازم تناقشي الطبيب بكل شي يخص مرضك
مثلا لما قرر لك العلاج بالليزر بدون مايكشف ع البقع هنا المفروض تستفسرين منه
لا تستحين أسألي و واجب عليه يجاوبك و يفهمك أنتي دافعه كشفيه ومن حقك تفهمين ليه ماكشف ؟!

ولازم تكوني صريحه معه يعني خبريه أنك سبق و أستخدمتي كريمات و وقفتيها من نفسك
و أنك تفضلين العلاج بالكريمات بالبدايه و أذا ما جابت نتيجه تلجأين بعد كذا لليزر
للأسف يا أختي همهم مادي أنا سحبو مني مبالغ و بعدها صرفو كريمات و محاليل
لازم الطبيب يستوعب أنك فاهمه طبيعة مرضك هم للأسف بيسحبون من المريض فلوس قد مايقدرون
و بيجربون عليه كل شي
ألي أعرفه المفروض يبدأ بالكريمات و المحاليل و التعرض للشمس فتره كم شهر خلال هالفتره لازم
يعطيك مواعيد حتى يشوف أذا فيه تحسن أو لا .... الكريمات تهيئ البقع لأنه يتغير لونها للبني من يلاحظ
الطبيب التغير هنا ممكن يستخدم الليزر حتى تتضح النتيجه أكثر هذا الصح وهذي الطريقه الصحيحه
الليزر المفروض يستخدم بعد أستخدام الكريمات .......
روحي له و فهميه أنك وقفتي الكريمات و عندك رغبه ترجعينها و تأجلين الليزر
أنا قلت لهم كذا و ما قالو شي و لاحظت نتايج صح بطيئه على بنتي بس أفضل من الليزر ألي ما عمل شي !!!

و أسأليه عن كريم الأليكوم و عن كريم البروتبيك هذي الكريمات ممتازه للبهاق
الله يفرجها عليك وعلى بنتي و يمن عليكم بالشفاء العاجل و يشفي كل مريض اللهم أمين