طيب هل الزوائد الجلديه تروح بالعلاجات الشعبيه ولا لا؟؟؟

الى أختي أميرة الورد..
حاولت ارسل عالخاص بس لاني عضوه جديده مارضيو يرسل لاني كان بقولك بالتفصيل الممل وعلشان ماأحد يعرفني
السلام عليكم اخبارك يالغلا والله يشفيك ويزيل الامك باسرع وقت
اعذريني نفسي ارد عليك بس مادري ليه مشاركاتي بس 3 في اليوم
اهم شي ياعمري توكلي على الله وسويها لاني سمعت تاخيرها يسبب اورام سرطانيه والله اعلم..
المهم لما كشف علي الدكتور سدحني على جنبي وكشف وانا متوقعه بواسير بس الحمدلله طلع شرخ شرجي وهو يطلع لك على شكل زوائد
طبعا مهما استخدمتي من ادويه ماراح يروح الا بجراحه المهم وضعية العمليه مثل وضعية الولاده احرااااااااااااااااااااااااااااااااج صح بس لصحتك اهم شي هذا شي ربي قدره علينا..وانا اتفقت مع دكتور التخدير ان البنج يكون موضعي قاعده اضحك على نفسي واقول بشوفهم وهم يعاملوني المهم يعطيك الدكتور موعد للعمليه وتروحي قبل العمليه بيوم علشان التنويم وبعدها العمليه ..المهم دخلت غرفة العمليات وانا مره مرتبكه وخايفه بعدين قلي الدكتور ايش البنج قلت نصفي قال هاتي العمود الفقري ادقك فيه وانا طرت من الخوف بعدها اخترت بنج كامل والحمدلله صح البنج الكامل لما تفوقي تصيحي وتتالمي من اثار العمليه بس يعطوكي مسكن ويهداء وطلعت ثاني يوم للبيت..اللي سوا بنج نصفي بقيوا منومين وضهورهم تاعباهم ..وبعده لازم تنتبهي عاأكلك كثري مويا وجرجير ..طبعا بعد العمليه لما تجي بطلعي شي تحسي بالم فضيع وتتمني انك ماسويتها وكانت دخلت الحمام بالنسبه لي رعب كبير تخيلي جلست 3ايام ماكل شي بس سوايل كله علشان ماحس بالام حق العمليه ودحين لي 4اسابيع من ان سويتها بس الحمدلله فرق كبيييييييييييييييييييييييييييييييييييييييييييييير بس لازلت احافض على الاكل الصحي ولازم تجلسي يوميا في مويا دافيه مايله للحراره وملح..واذا اكلت اكل فيه بسباس على طول يالمني مكان العمليه ..بس الحمدلله عملية الاخراج صارت سلسه مو زي اول ولازم تجهزي مويا دافيه بعد الاخراج على طول تجلسي فيه لانه يخفف الالم والله يشفيك ياااااااااااااااااااااااااااااااااااااااااااااااااارب انتي توكلي على الله ..انا كنت مستحيه ايش بقولو الناس وايش وايش واني بنت باقي صغيره حتى اهلي يقولولي ماحد بيخطبك بس طنشت والله توكلت على ربي وسويتها صحيح ذحين فيه الام بس فرق كثيييييييييييييييييييييييييييييييييير عن اول اصلا يبقالها شهرين لين تطيب نهائي..معليش اعذريني طولت عليك...اذا شفتي ردي عطيني خبر

الله يشفيكم يارب

جربي حبوب دافلون ماشاء الله روعة وتنقعي يوميا بمويه دافئة وملح وان شاء الله تخف

شوفي علاج الدكتور جابر في ناس جربته ونفعها بعد الله تاخذين اقماع الباذنجان وتجففينها ثم تطحن وتعجن بسمن اوفازلين وتستعمل مثل التحميله وادعي الله الشفاء

انا قررت اجرب الثوم واذا مانفع على طول عمليه دعواتكم لي

لن اتركك

تسلمين حبيبتي على الرد تعبتك معي

اممم أنا ودي اسوي العمليه من غير علم اهلي يعني ماينفع اني اطلب منهم ماينوموني

انا اقدر اطلع من البيت الساعه 6:00ص وارجع قبل الساعه 3:00العصر على اساس اني في الكليه لاني استحي من اهلي كثير ومستحيل اعلمهم

المهم يمدي الوقت ولا لا؟

انا اتوقع انهم يطلعوني بشرط اني اتحمل مسؤلية نفسي بس اخاف يمر الوقت ومااصحى من البنج

وانتي لما سويتيها حسيتي انك محتاجه احد من اهلك يكون معك ولا لا؟