من جم يوم كنت اتعشى في مطعم وكان في بوفيه العشا نوع من الحلويات شد انتباهي طبعاً ما فوته وحطيت لي منه عشان اذوقه :30:
طعمه رووعه حلوو و خفيييييف
عملت بحث في النت بإسم الطبق ولقيت له جم وصفه في المواقع الأجنبيه وقلت انزل لكم وصفه سهله شفتها مع صورتها وان شاء الله باجر راح اجربها عشان صيام عرفه وراح انزل لكم صورة تطبيقي :)
ادري طولت عليكم وعورت راسكم بس صدقوني اذا طلع طعمها نفس الي ذقته بالمطعم ماراح تندمون وراح تدعون لي :D
المقادير
- 6 خبز سلايس مقطع قطع صغيره ( اهو نفسه الخبز التوست الي ناكله كل يوم :) )
- ملعقتين من الزيده بعد تذويبها
- نصف كوب من الزبيب ( اختياري ) انا ماراح احطه لأني ماحب الزبيب
- 4 بيضات مخفوقين
- 2 كوب حليب
- 3/4 كوب سكر
- 1 ملعقه سينابون ( قرفه = دارسين )
- 1 ملعقه خلاصة الفانيلا
الطريقه
1- اول شي شغلي الفرن على درجة 350
2- قطعي الخبز قطع صغيره وحطيه في صينيه مربعه وبعدين رشي الزبده فوقه
3- اذا حبيتي ضيفي الزبيب فوقه
4- في وعاء متوسط خلطي البيض , الحليب , السكر , السينابون والفانيلا . خلطيهم زين ليما يمتزجون عدل مع بعض
5- صبي الخليط فوق الخبز واخذي شوكه واضغطي على الخبز عشان تتأكدين ان خلطة البيض توزعت عدل وغطت الخبز
6- حطيه في الفرن لمدة 45 دقيقه
وبالهنا والعافيه :)
اعذروني الصوره مو واضحه لأنها من التلفون ويدي ماكانت ثابته