بعض المطاعم












مطعم يبيع الكباب البوسني اللي يعتبر من الاكلات التقليدية عندهم وياكثرها بالسوق القديم




الخروف المشوي على الطريقة البوسنية مشهورين فيه ولا الذ ينشوي جدام عيونكم




مطعم كيبا جو ولا اروع اذكر شفنا فيه اثنين من مذيعين الاخبار بقناة الجزيرة كانوا يتغدون فيه وفي كثير من المشاهير زاروه










وغيرها الكثير من المطاعم الرائعة

اكل لذيذ وشهي وتحسونه صج طازج غير الاطلالات الروعة لكل مطعم

والحمد لله

الله وفقنا بسفرتنا بمرشدين فيهم خير كثير

كانوا ياخذونا لاجمل الاماكن وافضلها

ولا استغلونا ونصبوا علينا

ما شاء الله عليهم ملتزمين وخايفين الله اسعدونا بمرافقتهم لنا

وكانت سيارتنا خاصة فينا انا وزوجي والمرشد طبعا

مو قروبات نفس اغلب الشركات السياحية اللي يضحكون علينا قبل لا نسافر

وننصدم باشياء وقت السفر

ويحليلهم يتكلمون عربي فصحى

في عندهم طبعا يتكلمون انجليزي وفي اللي يتكلمون عربي

واحنا اخترنا عربي

والحمد لله الله كتب لنا مرشدين فيهم خير وملتزمين لان انا وزوجي ملتزمين بعد وما نحب الخرابيط والمسخرة

وفي عندهم الملتزمين والغير ملتزمين بس مو راعين خرابيط ومسخرة ما شاء الله الله يرزقهم

ولهم مكتب بالكويت كثير من اللي نعرفهم احجزوا منه

والشركة الاساسية بالبوسنة

ادري تكلمت كثير عن الشركة

بس لانها اهم نقطة تعتمد عليها السفرة كلها

خاصة بوجود شركات النصب واللي يدورون التوفير على حسابنا وننصدم باشياء غير عن اللي اتفقوا معانا عليها قبل السفر

نصيحة لا بغيتوا تسافرون لاي دولة وكنتوا بتسافرون عن طريق شركة سياحية تنظم لكم جدول السفرة وامور حجوزات الفنادق والسيارة وغيرها

احرصوا انكم تختارون بحرص ولا تنخدعون

واللي حابة تعرف معلومات عن الشركة والتعامل معاها بالخاص ان شاء الله افيدها بالارقام والتويتر والانستغرام

وهي حاليا تعتبر الاولى بخدمات السياحة بالبوسنة ولهم فرع بالكويت ويتعاملون مع دول الخليج

ليش من طريقة اسلوبك كنك تسويين دعاايه للشركه السياحيه اللي رحتيها
الى الان محد طلبك اسم الشركه
ماله دااعي

لا يااختي مو هدفي الدعاية

بس حبيت افيد خواتي باللي عندي من معلومات

لان لما رحنا تركيا ما كانت الشركة اللي رحنا معاها بالمستوى

لا من ناحية المرشدين ولا المواصلات غير انهم يزحمونك مع قروبات

وماكوا معلومات سياحية تذكر عندهم

تحسين صج استغلال

ولان وقتها عرفنا صج قيمة هالشي

واهمية الاختيار الصح

عموما لو ابي اسوي دعاية حطيت الاسم وكتبت المعلومات

بس انا قلت اللي تبي تعرف عنها راح افيدها

واللي تبي معلومات عن البوسنة بشكل عام وسفرتي لها راح افيدها بعد وهذا هدفي من الموضوع وذكرته بالبداية

اتمنى احسان الظن قبل التسرع بالحكم