السلام عليكم ورحمة الله وبركاته
مساء الخير جميعا
بقدملكم انهاردة بوفتيك لحم مع مكرونة على شكل قواقع بالصالصة وسلطة طحينة وسلطة ترنشات ,,, يلا نبدأ بالمقادير
نصف كيلو لحم (بوفتيك) مدقوق
التتبيلة
نصف علبة ذبادي
ملح وفلفل اسود وزنجبيل وشطة حسب الرغبة
بصلة مبشورة (ناخد ماءها فقط)
فص (سن) ثوم مدقوق
نصف حبة مرقة دجاج مهروسة ومخلوطة مع الزبادي
معلقة كبيرة خل او نصف ليمونة
للقلي: -
زيت
بيضة مخفوقة مع شوية فلفل اسود وملح خفيف
بقسماط مطحون
دقيق ابيض(ممكن استبداله بمعلقة نشا الذرة مخلوطة مع البقسماط)
الطريقة
نغسل اللحمة ونصفيها ونتبلها بمقادير التتبيله لمدة يوم كامل بالثلاجة قبل القلي او قبلها بساعتين
بعدين نحط طاسة (مقلاه) وفيها زيت غزير ع النار لحد الغليان
ونحط اللحم في البيض ثم البقسماط المطحون مخلوط بالدقيق او نشا الذرة... وتضغطي عليه ضغطه خفيفه بايدك عشان تلزق باللحم ، وبعدين نضعها بالراحة داخل طاسة الزيت (المغلي)
على نار متوسطة لحد ما تحمر ونقلبها ع الناحية التانية لحد ما تحمر برضو
ونطلعها ع مناشف المطبخ عشان يمتص الزيت
ودي النتيجة مع مع المكرونة
((معليش صورته ولسه ساخن عشان كدة البخار مش مخليها واضحة اوي ))
وطبعاً ده صحن المكرونة
والبطاطس المتبلة ممممممم (متبله بملح وفلفل اسود )
ودي سلطة ترنشات
واخيراً سلطة طحينة
وبالهنا والشفا
