هذه طريقه البوفتيك بس بطريقه ثانيه
حبيت اني ما اقليه عشان الزيت
وطلع بالشكل هذا
طريقه اللحم :
اخذت شرايح من البوفتيك
وبس تبلتها بالملح و الفلفل الاسود و شوي فلفل حار احمر
ويبت مقلاه تيفال و حطيت شويه زيت عافيه
وحطيت قطع اللحم وخليتها تتحمر شوي مو كثير
بعدين قصرت النار و سكرت المقلاه بالمغطى و خليتها على نار هاديه
عشان اتأكد من استواء اللحم
بعدين يبت صوص الفطر
وزدته على المقلاه بس مو كله ( حطيت نصف المقدار ) بالشكل هذا
وسكرت المقلاه عشان على قولتهم يتسبك :):)
وقصرت النار حيل
الحين ابي اعلمكم الصوص
عباره عن :
جدر صغير
ملعقة سمنه او زبده ( الموجود )
ملعقتين من الطحين الابيض
حوسوهم عدل ( لان الطحين يصير كتله واحده )
نزيد عليه ماي مغلي حار و نكون مذوبين فيه حبه ماجي
و نحوسه عدل عدل عدل
يصير مثل خليط الباشميل ( ثقيل وقوامه متماسك )
اذا تبون تخففونه يخفف بالماء الحار
افتح علبه فطر مقطع و اضيفها عليه
وحطيته على نار هاديه و سكرت الجدر
و خليته وكل شوي اقلب عشان لا يتكتل
وبالاخير زدت عليه ملعقتين من صوص الصويا ( ماركه ماجي ) احلى شي ترا ماجي
وصار بالشكل هذا