اول شي مرررررررررره شكرا على كلامكم الحلو بجد فرحتوني الله يفرح قلوبكم
الي طلبت طريقة عمل الكبه انا نزلت لها شرح مفصل بقسم المقبلات والسلطات
وطريقة سلطة البطاطس بالزبادي
حبه بطاطس مسلوقه ومقطعه صغير ومتبلينها بالملح والفلفل الاحمر الحار والكركم
علبه زبادي
بصله صغيره مفرومه كزبره خضراء مفرومه
نخلطه ونرش عليها ملح وبالعافيه
وعادي انتي على كيفك بالكميه
انا طبعا ادبل الكميه
والي طلبت انها تدخل على ملفي اقول لها حلال عليك الملف وصاحبة الملف وخذي راحتك حبيبتي
والي طلبت طريقة الكفته ترى جدا سهله
انا بقول لك الطريقه وانتي تتحكمي بالمقادير لاني وربي ولا طبق اعتمد فيه على مقادير معينه كلها بالنظر
الموالح مو زي الحلا يبي له مقادير معينه
دجاجه مسلوقه تحطين معها كل المواد العطريه الي هي بصل احطها كامله وثوم كامل برضو وهيل وليمون اسود وقرفه وورق غار وعويدي وفلفل اسود طازج وخولنجان كلها كامله
اخليها تطبخ حتى تستتوي بعدين اطلع اللحم منها من كل مكان لاتبقين فتفوتة لحمه الا وتطلعينها
بعدين تفرمينها بالفرامه بس مو مره مطحونه خليها نص فرمه
بعدين تفرمين زحزر بالمفرمه نفسها الي فرمتي فيها الدجاج
وتقطعين بقدونس وكزبره وشبث ونعناع كلها كمشة يد
وطبعا تكوني سالقه بطاطس ومقشرتها وتهرسيها لالالالا تطحينها لان اذا طحنتيها النشا الي فيها بيطلع وتصير مطاطه وماتصير حلوه
بس اهرسيها وهي حاااره تقريبا بطاطستين كبيره
وحبه بصل تفرمينها مع الجزر وثوم بعد فصين بس
وتخلطينها بصحن كبير تحطين كل شي وتحطين بهارات كمون كزبره ناشفه ملح بس لاتكثرين وفلفل وانا احب احط بكل الحشوات والكفتات ملعقه صغيره قرفه وملعقه صيره دقه
وتحطين ملعقه صغيره دبس رمان
وتعجنينها كلها زييييييييييين
وحبه بيضه مع البيضا حطي قطره وحده خل انا قلت لك قطره مو تعبينها خل
واعجني واذا شفتيها خفيفه يعني سايله شوي غطيها وحطيها بالثلاجه ربع ساعه او نصف وطلعيها اذا لازالت خفيفه حطي شوي بقسماط واعجني حتى تصير ملمومه وتقدرين تشكلينها
شكليها بالشكل الي تبينه اصابع او دوائر وبعدها بالبيض وبعدها بالقسماط واقليها وتمتعي بالطعم
واذا تبين تفرزنينها حطيها بصحن كبير رصيها ودخليها الفريزر حتى تجمد بعدين اجمعيها بعلبه
وشش بعد طلبتو؟؟ خلوني اشوف وش طلبتو بعد لاني نسيت ههه

الي طلبت طريقة الشاورما
اول شي
تقلين بطاطس مقطع مكعبات صغيره
وتقطعين مخلل خيار
وتسوي دجاج <طريقتي بما اني استغفرالله ما احب الدجاج لازم اخفي ريحته وطعمه هههههههههههههه
اول شي اقطع الجاج صغيررر جدا
بعدين اقطع البصل شرائح وافرم ثوم مع فلفل مع زنجبيل اخضر
واقطع بقدونس كمشة يد وكزبره ونعناع وشبث
احط البصل على الزيت وخليه حتى يذبل بعدين احط الثوم والفلفل والزنجبيل
واحركهم شوي وبعدين احط الدجاج واحركه حتى احسه اخذ نكهة المواد الي قبله
بعدين احط بهارات كمون ملح بس شوي واحط فلفل اسود شوي لا تكثرين لانك حطيتي فلفل حار وقرفه ودقه
والسرررررررررر اني ما احط مويه وبس الموييه يكون منقوع فيها تمر هندي (حمر)
واحطه على الدجاج بس لاتكثري لان الدجاج مايحتاج مويه كثير حطي تقريبا نص كاس
ووطي في النار وغطيه اذا بقي فيه مويه قليل حطي الكزبره والبقدونس والشبث والنعناع
وقفلي النار وغطيه
بعدين في صينية الفرن حطي البطاطس بعدين الدجاج بعدين المخلل بعدين خلطة الجبن والمايونيز والقشطه بس احط مويه عليها علشان تصير سهله لما افردها لا تكثرين مويه انتبهي
بعين تحطين رشة سماق
وتدخلينها الفرن حتى تتحمر وبسسسسسسسسسس

الله يحميك شكله يشهي

الي طلبت مني طريقة الكبه
هذا رابطها
وسويها ماراح تندمي واي سؤال انا حاضره

http://forum.hawaaworld.com/showthread.php?t=3444027

ماشاء الله تبارك الرحمن