بنات اللي تقولون لاتعطينها شي الا لين ست شهور

ترى غللللللط

اذا كمل الطفل اربع شهور خلاص نبتدي نأكله بس على خفيف

فيه سيريلاك بالارز مخصص لعمر اربع شهور

ولازم خضار مسلوقه وزبادي وفواكه بس بكميات قليله جداً

غاليتي أنا أم بكرية بنتي عمرها حاليا 6 شهور ونص وكنت أدور وأسأل دايما متا أبدأ أعطي بنتي أكلها وتعبت كثير وما لقيت أحد يفيدني كل حد له كلام , عطيتها على 3 شهور ونص كمية سيريلاك بالقمح وبسكويت مع ماي بس صارلها أمساك ...
طبعا استعجلت على بنتي لأني ما قدرت أرضعها طبيعي واعتمدت عالصناعي من ولادتها بالإضافة أن وزنها كان طبيعي بس مو كثير كان عاجبني وضغوطات أهل زوجي بأني أأكلها .
بدأت أدور فالانترنت ومواقع أجنبية عن تغذية الرضع , وأفضل شي تبدين فيه هو التفاح المسلوق والمهروس , الكمثرى , دقيق الأرز والنشا , عصير الجزر والبطاطا ...

ومرة عرضت بنتي ع استشاري أطفال وعطاني ورقة تفصيلية عن أكل الأطفال ,

تبدأي في عمر 4 شهور ونص عطي الطفل وجبتين فاليوم طعام مهروس ومتماسك قليلا مثل (بطاطا , تفاح مسلوق , عصير جزر , مهلبية نشا أو أرز )

وبعدها من عمر 5-8 شهور 3 وجبات فاليوم

واهتمي تكون الوجبات مغذية ومفيدة فيها كل العناصر الغذائية مثل كالسيوم وحديد مهم جدا وفيتامينات

حاولي تقللي من المنتجات الصناعية وتطبخي لبنتك بنفسك , مع ان منتجات الأطفال محتفظة بقيمتها الغذائية أكثر بس أنا ماحبيت بنتي كله تاكل صناعي يكفي الحليب , ممكن تاخذي سيريلاك قمح , وبسكويت أطفال الي يذوب بسرعة أحطها لها فالرضاعة مع الحليب , بس بنتي غلبتني شوي ف أكلها بالنسبة للكمية ماكنت أعرف وللحين اذا كانت تكفيها وتشبعها أو لا , وأيضا لما بدأت أعطيها الأكل صارت تقلل كثير من الحليب وترفضه وتضل أحيانا ما بين 5-6 ساعات بدون حليب ترفضه بس بدون ماتبكي من الجوع تريد تلعب فديتها , وهذا كان في فترة التسنين .

وإذا حبيتي أفيدك بوجبات أطفال جمعتها من الانترنت عطيني خبر .

أتمنى أكون أفدت الجميع ودعواتكم لي بالخير لي ولبنتي ...

تلاقي اكل مثل السيريلاك في الصيدليات نسيت اسمه بالضبط
انتي اسألي الصيدلي قولي ابغى الاكل اللي ياكله الطفل من عمر 4 شهور بتلاقيه بكرتونه في نكهات بس الافضل لطفلك بما انها اول وجباته اعطيه نكهة الرز مره لذيذه او حطي ملعقه في رضعته مره باليوم اول النهار ..
و نصيحه ابي معه في اول وجباته حددي لك نظام يومي اقل شي اسبوع تأكليه يوميا بنفس الوقت مثلا 3 العصر لمدة اسبوع عشان ما تتعب معدته و يمديها تتأقلم على طبيعة الاكل و يمديه يهضمها ..
و برضو فيه وجبات صغيره معلبه في قسم الاغذيه في الصيدليات من عمر 4 شهور اعطيه الخضار قبل الفواكه عشان ما يعتاد على طعم الحلى و يرفض ياكل بعدين و الافضل تخليها عندك وقت طلعتك اذا انتي برا البيت و و بالنسبه للفواكه اسلقي نص او ربع تفاحه بشوية مويه لحد ما تلين و اهرسيها بعدين اخلطيها في الخلاط و اكليه على دفعات و شربيه مويه او عصير و الافضل بعمره عصير التمر انقعي 3 تمرات بمويه حاره و صفيها و اهرسي بالشوكه و خليه يشرب منها تلين بطنه و نفس الوقت التمره راح تفيده و بتسمنه ..

نصيحه مني ابدي في تغذيته من عمر الاربعه اشهر لاني سمعت كلام بعض الدكتاره وما اعطيت طفلي شي الا بعد السته اشهر و للأسف ولدي صار يرفض الاكل اللحين ما يشتهيه لاني ماعودته من صغره..

و صح تذكرت هذي معلومه من دكتورة اطفال انا اعرفها شخصيا قالت افضل الخضار للاطفال الخضار الذهبيه اللي هي القرع و البطاطا الحلوه و الجزر فأنا كنت اسلق شوية قرع مع شوية بطاطا حلوه و اهرسهم و اكلهم ولدي نادر كنت استعمل الجزر بصراحه اكثر شي نصحتني فيه القرع تقول كلها فيتانيات تفيد البيبي مره :)

انا بنتي هلاء اربع شهور وعم بطعميها خضار وفواكه مسلوقه ومطحونه وزبادي على نكهات وماشالله صحتها الله يحفضها كتير منيحه
وخففت شوي من الحليب رغم انه هون بكندا بحكوا انه عالست شهور لازم يبداء البيبي ياكل بس انا متعوده كل اولادي بببلش اطعميهم من الاربع شهور بس خخفيلها بليل ولافضل ماتعطيها شيء الا الحليب وسلامتك