البيتزا بطريقتي سهله وسريعه بنتيجه ناجحهً​

السلام عليكم ورحمة الله وبركاته
اليوم بعطيكم وصفه سهله وسريعه لكل المبتدئات وناجحه ان شاء الله وانا اقدمها هنا من تجربتي الواسعه في مجال المطبخ ودعواتكم لي بالشفاء واني ارجع ثانيه اوقف في المطبخ وحشني المطبخ والطبخ
وبسم الله على بركة الله
العجينه
المواد الجافه
كاسين دقيق
ذرة ملح
اربع ملاعق مليانه حليب بودره
ثلاث ملاعق سكر ممسوحه
ملعقه كبيره مليانه خميره
ملعقه صغيره مليانه بيكنج بودر
ونخلطهم بالملعقه مع بعض او في العجانه تختلط زين
نطفي العجانه او نوقف عجن ونحط المواد السائله
فنجال قهوه يكون مكس بين زيت ذره او عباد الشمس وزيت زيتون
كاس مويه دافيه
نحط الزيت ونحط المويه بالتدريج الين تصير عجينه متماسكه ولا تخلينها لينه ولا قاسيه مره لا في الوسط اجمعيها في طاسه نظيفه وغطيها وخليها في مكان مظلم مكرويف او فرن لمدة ساعه
في هالساعه جهزي الصلصه
في الخلاط او فرامة البصل
حبتين طماطم
فصين ثوم
ونخلطها زين ولو احتاجت مويه نضيف مقدار فنجال قهوه بس مويه في القدر على النار نحط شوي زيت زيتون ونحط الصلصه حقتنا ونتركها تتسبك نحط عليها نص مكعب ماجي ملعقتين صلصة طماطم ملعقة صغيره بهارات نص ملعقه صغيره فلفل اسود ملعقه صغيره بودرة البصل ونص ملعقه كزبره ناشفه ونص ملعقه بودرة الثوم والمكونان اللي يعطي الصلصه طعم خرافي ملعقه صغيره زعتر ونصف وملعقه صغيره ارغانو او زعتر بري او الاثنين ونخلي الصلصه تتسبك زين ونطفي عليها النار ونتركها تبرد
الاضافات
حبتين هوت دوق مدخن مسلوق ومقطع شرايح
حبة فلفل بارد مقطع شرايح
زيتون اخضر واسود او واحد المتوفر عندك مقطع شرايح او شرايح جاهز الكميه حسب رغبتك
فطر معلب شرايح
جبن موزريلا
رشة روزماري او زعتر عادي وهاذي الحركه تعطي البيتزا طعم خورافي بعد
خمرة العجينه وانتفخت ارجع اعجنها مره ثانيه واحطها في صينيه مدهونه وادهن يدي بمسحه بسيطه زيت وامد العجينه في للصينيه ادهن وجهها بالصلصه احط الفلفل بعدين الهوت دوق بعدين الفطر بعدين الزيتون واخر شي الجبن وارش عليها الزعتر او الروزماري وادخلها فرن مسبق التشغيل من تحت رف نازل الين تستوي وتشقر من تحت تماماً اطلعها وادخلها من فوق تاخذ لون على رف وسط وبالعافيه