اكتر المشاكل الي بتواجه ربة الأسرة لما تعمل البيتزا هيي
1-عدم حب الأولاد لبعض مكوناتها
2-عدم حب الأطفال لأطرافها الي ما بتكون محشية
3-وإذا شلتي بعض هاي المكونات ما بتكون بيتزا ،، بتكون اي اشي تاني غير البيتزا
هون في هاي الوصفة حاولت اني اساعدكم في حل بعض المشكلات
خليكم معي ونبدأ ب
بسم الله الرحمن الرحيم
مقادير العجينة:
2كيلو طحين
2 ملقعة خميرة كبيرة نفورها بكوب ماء فاتر مع شوية سكر
ملعقة صغيرة باكنج باودر
رشة ملح
2فنجان زيت زيتون
2 كبيرة ملعقة حليب بودرة
نص ملعقة -- بصل وثوم بودرة-- بتعطي نكهة للعجينة بتجنن
اولا، نعجن العجينة:
نخلط كل المقادير الجافة مع بعض ونضع عليهم الزيت
وبعدين ندير الخميرة المفورة ونعجن وندير الماء الفاتر شوي شوي حتى تصبح عندك عجينة متماسكة غطيها بكيس نايلون واتركيها حتى تتخمر
وتصير هيك
الخطوة التانية:
لأنو اولادنا كثيري الشكوى ما بنحب الفلفل ولا الفطر ولا ولا
*فرمي المكونات الي ما بحبوها اولادك....
انا فرمت البصل والتومة والفلفل والفطر وحستهم بزيت على النار حتى ذبلو
*وحطيت عليهم رب البندورة وطبختهم كلهم مع بعض
* اضفت الفلفل الأحمر البودرة والملح والفلفل الأسود
حتى صارت عندي صلصلة بيتزا بكل مكوناتها مطبوخة
* وهيك راح تحتفظ البيتزا بكل المكونات الي بتحبيها وكمان راح يحبوها اولادك لأنهم ما راح يميزو انها موجودة اصلا
وهاي هيي الصلصة بكل المكونات
لا تردو ما خلصت
قطعيها ورقيها بالشوبك على شكل دائري بس يكون حجم العجينة اكبر من حجم الصينية
لأنو اولادنا ما بحبو اطراف البيتزا الغير محشية راح اعلكم هون طريقة بتخلي اطرافها محشية وبتصير البيتزا خيالية
جيبي الصينية الي بدك تشوي فيها البيتزا
مدي العجينة فيها ولبسي اطرافها بالعجينة الينزلت على الجوانب
متل هيك:
واحشيها متل مابدك انا حشيتها بصلصة البيتزا بعد ما دهنت وجه العجينة بزيت الزيتون، وحطيت المرتاديلا والزيتون وجبنة الموزاريلا وجبنة شيدر
قصي اطراف العجينة بالشكل هاد
بعد ما تحشيها وتقصي العجينة رجعي العجينة على الحشوة بهاي الطريقة