البيتزا
المقادير
اولاً العجينة
2 كوب دقيق
2 ملعقة زيت زيتون
بيضة
نصف كوب لبن (حليب)
خميرة بيرة + ملعقة سكر
الطريقة
نضع الخميرة فى طبق وعليها السكر ونقلبها سوا لغاية ما تتفاعل
وبعدين نحط الزيت على الدقيق ونخلطه
وبعدين نحط الخميرة على الدقيق ونخلطه
وبعدين البيضة
واخيراً اللبن (يفضل يكون دافئ علشان العجينة تتعجن بسهولة)
ونعجنها كدة
ونغطيها بقماش نظيف ونتركها فى مكان دافئ لمدة ساعة علشان تختمر
ثانياً الخلطة
المقادير
2 كوب عصير طماطم
حبة فلفل اخضر مقطع صغير
حبة بصل احمر مقطع صغير
1/2 كوب مشروم
1/2 كوب لحم مفروم ومعصج
1/2 كوب زيتون اخضر واسود مقطع صغير
3 فصوص ثوم
زيت ذرة
جبنة موتزريلا
ملح وفلفل
نضع ملعقة زيت ذرة فى حلة على النار ولما يسخن الزيت نحط عصير الطماطم ورشة ملح وفلفل اسود
واول ما تغلى الطماطم نهرس الثوم عليها ..
ونسيبها على نار هادئة لغاية ما تتسبك بالشكل ده
بعدها اضيف كل الخضروات على التسبيكة
(المشروم واللحم المفروم والزيتون والبصل والفلفل الاخضر)
وبعدين اجهز صينية البيتزا بدهنها بقليل من الزيت
واجهز المكان اللى هافرد فيه العجينة وارشه بالدقيق واجهز النشابة اللى هافرد بيها وارش عليها دقيق برضوا علشان العجينة مش تلزق فيها
واجيب العجينة بعد ما اختمرت بالشكل ده
واخبطها بقبضة ايدى علشان تفرغ الهواء
واشيلها واحطها فى الصينية كدة
وبعد كدة افرد عليها الخلطة
وارش عليها الجبنة الموتزريلا كدة
وادهن العجينة بقليل من زيت الزيتون وادخلها فرن درجة حرارته 200 درجة لمدة 30 : 40 دقيقة
مع مراعاة ان الجبنة لونها ما يتغيرش (يعنى ما تفتحيش الشواية)
وتطلع بالشكل ده
وهنا من قريب
وناكلها وهى ساخنة
شوفوا الجبنة روعة ازاى
ونقدمها مع البطاطس الكرسبى مع الكاتشاب
وبالهنا والعافية
جربوا الطريقة دى هتلاقوا الطعم بجد مختلف وجميل