البيت العربي القديم

هلا فيكم والله
حبيت بس إذا عندكم خبره تفيدوني بتصاميم للبيت العربي القديم
:41:بصراحه نفكر وايد نبني على النسق القديم بإغلب تفاصيله
فأرجوا اللي عندها أفكار أو تصاميم أو صور تساعدني فيه ما تقصر
يعطيكم العافيه

تفرجي على مسلسل

ليالي الصالحية

مره يجنن بيت سعدية

خذي أفكار

:26:

ياهلا أختي

أول ما يذكر البيت العربي القديم

يطري علي البيت اللي في مسلسل ... شجرة النارنج <<< قديمة
كان عاجبني حيل:23:

شفته وللحين راسخ بذهني من روعة تصميمة وجاذبيته

نافورة في وسط الحوش الكبير

وجلسة مرتفعة عن الأرضية يظلها سقف

تدرين شلون جيبوا لكم بناي شامي وقولو له هو أدرى فيه

وراح يسويه لكم مثل ماتبون ويمكن أحسن بعد

:26:

مشكورين خواتي أنكم شاركتوني
بصراحه أختي ملكة الحسن أحنا وايد عاجبنا البيووت الدمشقيه القديمه :23:
بيت سعديه روعه عاجبنا كثير
بس المشكله أنها ما تصلح إلا بالشام :06: تعرفي الغبار والهوا والشمس معنا مايسمحوا بالبناء على النمط هذا
مشكورة أختي جنان على مشاركتش
أنا ما تابعت مسلس شجرة النارنج بس حسيت أنك فهمتي اللي فكرنا فيه بالضبط أحنا نبي نوصل الى طريقة البيت العربي بكل تفاصيله ونعيشه بطبيعته مو بتكلف وأصطناع
وعلى فكره مو بس البيوت العربيه عند الشوام أحنا كانت عندنا بيوت قمه في الروعة بس اللي ميز البيوت الشاميه هو الخضرة والماء في وسط البيت يعطيها جو جنان :27:
وطبعا هذا زي ما قلنا يساعد عليه عامل الجو
الله يعطيكم العافيه أتمنى من الأخوات اللي عندهم أفكار أكثر يفيدونا

في مهندس معماري عربي الجنسيه يعتبر مدرسه في اسلوب عمارته وتصميماته وله كتب وتصاميم كثيره
وهو طور العماره العربيه بحيث استخدام مواد تناسب البيئه وتحاكي العماره العربيه القديمه بس باسلوب مطور ويشرح ادق التفاصيل وكدللك تصاميمه مستوحاه من العماره العربيع الاسلاميه بس بشكل يناسب العصر
المشكله اني تعاملت معاه وشفته بس ماني قادره ادكر اسمه اول مادكر السم برجع وبخبرج وممكن تتطلعين على كتبه بتفيدج وايد
وهو مصمم قصور في السعوديه على الطراز العربي واعتقد في مصر وكدللك في مشاريع نخيل مصمم البيوت العربيه في احد مشاريع نخيل
بس اعطيني فرصه ادكر اسمه مع انه ما ينسى بس والله من كثر الناس اللي اتعامل معاهم انسى الاسامي حتى اسامي اهلى مرات اعلق فيهم
ادا كنتي مهتمه برد عليج في اقرب فرصه