البيت ايجابي ...والدم سلبي :(

السلام عليكم

خواتي انا صار لي متزوجة ست شهور
من شهرين صار عندي حمل كيميائي (اللي يسقط بسرعه مايكمل حتى شهر ونص)
الشهر هذا حسيت باعراض حمل، دورتي المفروض تنزل بعد يومين (دورتي الحمدلله بالعادة منتظمة)
عملت اختبارين حمل في البيت والاثنين طلعو ايجابي .. مع ان الخط مرة فاتح لونه
اليوم سويت تحليل دم وقالت لي سلبي
قالت لي الدكتورة لو مانزلت الدورة ارجعي لي ونسوي الاختبار مرة ثانيه

بنات معقولة اختبارين البيت اثنينهم غلط؟ واذا ما كانو غلط ...وش تفسير اللي يصير معاي؟
يمكن تقولو المفروض ما اسوي اختبار الا عقب ما يمر موعد الدورة... لكن صاحبتي تاكد حملها قبل موعد دورتها، وغير كذا مابي اللي صار لي من شهرين يتكرر، يعني ابي اتاكد من حملي علشان ودي اخذ مثبتات حمل ...
في وحدة منكم صار لها كذا من قبل (سلبي وايجابي!) ؟؟