ومساء الجوري للجميع
وطيب طيب يامنتدانا ...ذحين مسنتره فيك كل ابو دااااايم وآخرتها تبخل علي بكــــــاميرا<< فيس مبرتم اقووووى شي
بس وربي كان حماااااااااااااس مو طبيعي والله لو انه سحب على سياره
لبى قلبها حلومه تستاااااهل اكيد
ندخل على الموضوع الاساسي وهو لما تغيب الام عن االبيت والكوآرث تصير
وخصوصا لا دخل عليك ابوك وقالك تعالي يابنيتي السنعه عندي عزيمه رجال اليوم وماوصيك بيضي وجهي
يصير وجهــــــــي كذا:eek:
برمضان هالسنه صمت عند الاهل وكان آحلى رمضضان مر علي
لدرجه اني قاطعت منتداي الحبيب
صدق من قال رمضان حلاته اللمه
سافرت مامتي لــ خوالي....واخواني كلهم بصوت واااااحد ابووووووك ياالفله..!!<<< حقيرين صح ؟
عرفت قيمه الام بالبيت ..نوشه صلحي قهوه...نوشه المكتبه طاحت...نوشه حمودي كب الفيمتوا...نوشه متى تجي امي
نوشه جووو ريجيــــــل ...نوشه مابي اكل ..ونوشه ونوشه ونوشه
قلق
مايجي الفجر الا ورآآآآآسي كبر المركى
وكالعاده ادددق على امي ودموعي بخدي متى بتجين؟:icon33:
_ ليه وش تبين بجلس عند ابوي
_ ماصارت ياامي والله طولتي وعيالك جننوني مو قادره اتحملهم واصلاً مال البيت طعم دونك
_ مانيب جايه بجلس كم يوم اهتمي في اخوانك زين وعطوا جيرانا من الحليب
طووووط ....طوووووط
وفجـــــأه يجيك واحد طاااااااااير نوشه حمودي استفرغ...!!
انتحـــــــــــــــــــــر ولا انتحـــــــــــــــــــــــــــر:icon33:
ومثل ماقلت كله كوووم ويوم يجي ابوي ويقولي عندنا ضيوف كوووم ثاني
لان ابوي من النوع الحــــــــــار جداً لو تتاخر القهوه دقيقه يسطر وجهك كفين عـــــــــــادي بس بالامانه ماعمره سطرني
ويوقف عند الوحده لين تخلص اللي في يدها وانا ماحب كذا
كان واقف على راسي ويالله بسرعه يالله عجلي وشفيك بطيئه
وانا من الربشه اخذ الفناجين من الشغاله وافتح الثلاجه بحطها فيها..!!
وابوي يعطيني ذيك النظره اللي تصحصحني سنه خخخخخ
................
كان البيت جداً معاناه بدون الوالده رغم ان باباتي مايقصر مدلعنا كل سحور من برى
بس جداً صعب تشيلين هم عائله كبيره فيه منهم الصغير والمراهق والمدلع والمزاجي والشقي و.....و.....
لله درك يا امي يوم رجعتي رجع النظام في البيت واحس وقتنا مرتب
واخذت فتره نقاهه وهجيت من بيتهم خخخخخ
حيــــــــــــــــــــل اشتقتلهم .
..و مافي مثل ربه البيت مهما حاولنا نقوم بالواجب
كم احبـــــــــــــــــــــــــــك ياامي وكم انتم مزعجين يااخواني وكم انت تخرش يا ابي خخخخ
صدق من قال البيت بدون الام سلطه وماله طعم
.....
الله يحفظ امي وامهاتكم ولا يحرمكم منهم لو ليله وحده
الله يخليلك مامتك ويخليلنا ماماتنا
وربي وربي مانسوى شي بدونهم
عليك مواضيع جوناااان:)