من غير مقدمات أنا يابنات متزوجه وعندي طفلين وساكنه بشقه ثلاث غرف وصاله وقصتي بدأت تقريبآ قبل سنتين لما كنت حامل بطفلي الثاني كنت مسويه عملية ربط وكان الدكتور مانعني من الحركه ووو....الخ
المهم زوجي قرر يجيب لي شغاله تساعدني والى ألحين وزوجي ماقصر معاي والله يجزاه عني كل خير !!
بتقولون وين المشكله فلا تستعجلووون ??
المشكله حبيباتي صارت قبل يومين تحديدآ وهي انو انا كنت أتكلم معاه عن الشغاله بخصوص رواتبها المتأخره فلها بذمت زوجي 6 شهور وكنت أقول له أنها طالبه راتب شهرحتى تشتري أغراض لها قبل سفرها فباقي لها من السنتين تقريبآ 16 يوم وباقي رواتبها تبي تحولها لأهلها فقال زوجي ماسألتيها اذا تبي ترجع والاأخرج لها نهائي فأستغربت وقلت له ليه حتى ترجع أنا الحمد لله طيبه وماني بحاجتها فبيتي صغير ومايحتاج شغاله وبنفس الوقت أنا ماني متوظفه حتى أترك عيالي معاها فخرج لها نهائي والله يرزقها ,,
فقال أنا ماأبيها لك أبيها لآمي !!
قلت اذا كذا ليش ماأسألها ,,
المهم سألت الشغاله وقالت أنا موافقه أمدد لكم سنتين مو مشكله بس حولو رواتب 6 شهور بالاول ,,
خبرت زوجي فحولها رواتبها المتأخره وجدد اقامتها سنتين ,, بعدين أنا جمعت أغراضها على انها راح ترووح بيت خالتي أم زوجي ,, فقال زوجي لا راح تجلس الشغاله هنا بالبيت وأول ماتحتاجها أمي راح أوديها لبيتها فقلت وليش ماتجلس عند أمك فقال لا أمي رافضه تقول راح تشغلني وخلها عندك وأول مايجتمعون خواتك جبها عندي !!
فعصبت وقلت وأنا وش ذنبي تقعد تقابلني الشغاله وتحبس حريتي لحد مايجتمعون خواتك عند أمك وتاخذها بعدين ترجعها وقت مايبون !!
فقال عاد هاذا مو شغلك البيت بيتي ومالك أدنى حق تعترضين على الداخل أو الخارج والشغاله راح تجلس هنا رضيتي والا أنرضيتي !!
بنات وربي أبموووت من القهر وش السواة أنا ماصدقت على الله تخلص السنتين وأخذ حريتي بيتي ألبس أضحك أبكي أطلع من دووون ماأشيل هم أحد يراقب تحركاتي أول بأول !!
تكفووون ساعدوني وعطوني رايكم ...
لوشن مشاعر @loshn_mshaaar
عضوة نشيطة
يلزم عليك تسجيل الدخول أولًا لكتابة تعليق.
نبض االفواد
•
الله يكون بعونك مجربه والله انا جبتها شهر الله لايوريك مراقبتني الليل والنهار تعبت لين خلص الشهر على خير بس مااقول الا الله يعينك طيب ليش ماتاجرينها باليوم او بالساعات ترا كثير من الناس ياخذ باليوم والحين انا احيانن اذا تجمع عندي الشغل اجيب باليوم من الساعه ثمان الصبح الى ثمان بالليل ب150 ريال شوفي شاوري زوجك وقولي ليش ماناجرها على الجيران واقاربك والي تعرفين منها توخر عن وجهك ماتجي الا بالليا ومنها تطلعون راتبها من الاجار واذا احتاجتها امه ذاك اليوم لا تاجرينها
الله يعينك بصراحه
خليه شوي يهدأ
بعدين تفاهمي معاه
يمكن أحد خواته ولا اخوانه يأخذونها
خليه شوي يهدأ
بعدين تفاهمي معاه
يمكن أحد خواته ولا اخوانه يأخذونها
صدقيني اختي نبض الفواد طرحت الفكره عليه لكن رافض يقول مستحيل أخاف تصيبني من وراها بلوى !!
الله يعينك صادقة انا مااحب الشغالات علشان كذا ماتاخذين راحتك في بيتك خصوصا اذا كانت شقة صغيره
الصفحة الأخيرة