البيت لراحة أهله ولا لراحة ضيوفه

سلام عليكم ياحريم حواء وصباحكم خير وبركه



حبيباتي أبي أعرض عليكم مشكلتي وأبي مشورتكم

هي مو مشكله بمعنى المشكله هي أنزعاج من طريقة تفكير زوجي

حبايبي أبي أسألكم أنتم تطاردون ورا شقق الايجار وتلفون من مكتب لمكتب ثاني ولا تجمعون هالفلوس عشان تشترون بيت العمر وكل هالحوسه عشان تبون راحتكم ولا راحة ضيوفكم؟؟؟!!!!!

الزبد ولا أطول عليكم الهرج أنا شقتي صغيره فيها أربع غرف ثنتين بأول الشقه وثنتين بأخر الشقه

هالثنتين اللي داخل وحده غرفتي والثانيه أصغر منها حاطه فيها دولاب ملابس عيالي

لأن عيالي ينامون عندي واحد معاق وبنتي ترضع مني مقدر أخليهم بروحهم في الليل

المهم غرفتي مع أثاثها صايره صغيره ولا بعد عيالي ينامون على الارض وصارت أضيق

قلت لزوجي المحترم أبي أحط دولاب ملابسنا في الغرفه الثانيه عشان تتوسع الغرفه

قال إذا جانا أحد وين ينام ؟؟؟؟؟؟؟؟؟

ها !!!!!!!!!!!! أنا فاتحه البيت فندق للي يبي نام؟؟!!!

ثار علي وطنشني

بالله عليكم أنا صادقه ولا لا

وإذا صادقه كيف أقنعه بفكرتي لأن غرفتي بالحيل كاتمه على نفسي ما أحس براحه فيها

أن شاءالله ما طولت عليكم وأن شاءالله ماتقصرون معي