أسعدالله صباحكم يالغاليات :39:
واللي يعافيكم حبيباتي: شنو الحل مع الناس اللي تسأل ومااااااااااااااااااا تنسئل؟؟؟؟؟؟؟؟
يعني: حشريين وفضوليين لدرجة فظيعة, يسألونج عن البيضة من باضها والدياية من يابها, لا ويلحون في السؤال حتى لو حسستيهم انج متضايقة من لقافتهم وفضولهم وأسئلتهم, ما يهمهم على قولتهم(ويوههم منجب)
المشكلة اني ما أحب أفشل اللي جدامي , حتى لو انه (غاثني وملقوف و يسأل عن اللي ما له فيه)
باعطيكم أمثله علشان لا تحسون كلامي عايم والا غامض:
جم معاشج؟ يعني صراحة عيييب هالسؤال غير الأم و الأبو والاخوان محد له الحق يسألني هالسؤال, بعدين والله عمري ما شفت أحد قال جدام أحد ثاني جم معاشه (خاصة لما يكون المعاش تبارك الله راهي) والمصيبة اللي اسألتني (عمتي اخت أبوي) مع انه خواتها نفس وظيفتي !!! يعني تعرف المعاش جم!! بس تبي تختبرني اذا أقول أو لا!!! (يمه يالحريييييم!!) طبعا انحرجت وقلتلها وانا ما ودي أقول بس شسوي يعني أقول لها مو شغلج؟؟؟
على فكره عماتي كلهم نفس هالطبع, وبناتهم طالعين عليهم: تسألج عن خصوصياتج بس ما ترضى تسألينها المشكلة مااااااااااااااااااااااااااأقدر أسوي نفسهم و أخااااااااااااااااااااااف يزعلون وحتى ما عندي جرأة أسوي نفس ما يسوون
هذا غير سؤال كل شهر: استلمتي المعاش؟؟؟؟ (ايييييييييي وانتو شكوووو؟ يعني انت اللي ما استلمتي؟؟؟!!! وانت نفس معاشي وحتى ما تحبين أحد يسئلج طيب لييييييييييييش تسألين؟؟؟
أسئلة أيام الدراسة جم نسبتج؟؟/ بالجامعة: جم معدلج؟ شنو تلبسين؟؟؟
(على فكرة كل بنات عماتي متفوقات بس يااااااوييييله يا سواااااد ليييييله اللي يسأل عن الدرجات والنسب والمعدلاتّ!!! وهم : أول من يسأل!!!
(معاكم شباب بالقاعة؟؟؟( أهم سؤال عندهم >> حق تربط العصاعص)
ثنتين من بنات عماتي كانوا ينشبونلي: الا اقول لهم عن مواقف الجامعة واللي يصير لي ولما دشوها اهما من أسألهم يردون (الحمدالله) وهم منزلين روسهم يعني مساكين وماكو أجواء واهما أهل المغامرات والآكشن بس ما ايبينون للناس, وكل شي يخشونه, كل شي عندهم سر : حتى الطلعة , لي طلعوا مع بعض والا وحدة طلعت مع زوجها( سينما والا مجمع والا كافيه) والا أيا كان وما تبي تعلم تقول رايحة الطبيب/ رايحة المسيد/ وتقعد تفلم (تسوي أفلام وتمثل ويعني بتموت خلاص!!
وحدة منهم لما انخطبت وراحت وحدة تبارك لهم (البنية في السوق تجهز ويقولون للحرمة: رايحة طبيب الأسنان وا عليه ما نامت من أسنانها!!!
وغيييره وغيييره من المواقف (هذا غيض من فيض) والمصيبة ان آنا وأمي ما نطلع الا هم عارفين وين احنا رايحين واحنا لو نموت ما يعلمونا وين يطلعون( مو ميتين الا بنعرف بس نبي عداااالة في التعامل:تعلميني و أعلمج أو تغبين عني و أغبي عنج بس مو حلااال عليكم وحراااام علينا :mad:
آآآآآآآآآخ والله ودي أبطها في ويوهم وأرد بشجاااعة :
آسفة ما أقدر أقول.
اسمحيلي شي شخصي.
ودي أعاملهم بالمثل خاصة اني الحمدالله في حالي: يعني مو فضولية و أحترم خصوصيات الغير وكلش مالي شغل بغيري, انزين يعني مو من حقي الآخر يحترم خصوصيتي مثل ما آنا محترمةخصوصيته وما أتطفل على حياته الخاصة ( وش بيفيدكم يعني لو عرفتوا جم معاشي والا استلمت او ما استلمت؟؟؟؟ يا عاااالم خلكم في حالكم اشتبون مني؟؟؟) شيهمكم فيه ( وين طلعت ووين رحت والا وش سويت؟)
لا تقولوللي هالمواقف عادية ترى والله لو أسولف كل شي ماااااااأخلص يبيلي مجلداااااااااااااااااااااااااااات
هذا ولا شي من أسئلتهم في الحياة اليومية, واهما يحيطون نفسهم بهالة من الغموض و أمورهم كلها ماشية بالكتمان (خطبة زواج سفر طلعة عادية تجمع عائلي كل شي) وانا مرة طلعت عني اشاعة بالعايلة اني مخطوبة: والله ما بقى أحد ما سألنا آنا وامي, واهما بناتهم اتزوج وتحمل محد يدري عنها!!! و أولهم مرت عمي , اللي بنتها ملجت وقصوا مهرها, واحنا زرناها توجيب لأمها سهرنا عندها ما يابت طاري!!!!! ثاني يوم المغرب دزت مسج تقول للوالدة أمس بغيت أقولج موضوع بس ما قدرت (لييش ما قدرتي حلجج فيه حبة؟؟؟؟)ترى فلانة انخطبت.
يدتي كل يوم تتصل علينا تاخذ أخبارنا, تصدقون بالفترة اللي انخطبت فيها بنت العم واملجت غطت كلش (اختفت ولا دقت كلش واهي من عادتها تتصل كل يوم بحزة معينة!!!) أمي مسكينة حز بخاطرها وقالتلي: لو انت اللي مملوجة وما علمناهم ما يزعلون وعلى فكرة أمي عشرة عمر معاهم وحيييييييل زينة مع مرت عمي ونفستها بكل عيالها مع ان خواتها كلهم موجودين وأمها وسنييييييين تخدم حمولتها وهذا جزاها بس لأنها غريبة!
مرت عمي يخافون منها: موريتهم العين الحمرا عدل وأي شي يصير اهي أول من يعلم(صج القط ما بيحبش الا خناقووو)عذروني شبكت سالفة بسالفة بس والله من حر ما فيني
سوينا فعدة عندنا وامي أول ما اعزمت: تعزمت مرت عمي!!! انصدمت يوم شفتها داشة علينا (من صجها أمي اعزمتها !!!!!! على موقف ملجة بنتها) لما عاتبت أمي قالتلي: آنا متعمدة أبي أوريها اني أحسن منها) قتلها ( لا والله يمة غلطاااانه هالأشكال ماينفع معاها الا نفس أسلوبها, ما ينفع فيهم الطيب لو مهما سويتي).
سامحوني عالاطااااالة وأتمنى ألقى عندكم الجواب الشافي, بس من غيييررر تجريح وسلامتكم وصح لساني. رفعوا الموضوع الله يرفع قدركم زهقت منهم ومن أطباعهم عسى الله يعوضني في بيئة أحسن منهم مليووووون مرة.
وردة وسط صحرا @ord_ost_shra
عضوة جديدة
يلزم عليك تسجيل الدخول أولًا لكتابة تعليق.
لايهمونك الناس سواء قريبين منك أو بعيدين ولاتفكرين فيهم وطنشيهم
واذا قاموا يسألونك أسأله مالهم حق يسألونك وقفيهم عند حدهم عشان
مايسألونك المره الثانيه لان اذا سكتي بيطيحون فيك اسأله وبتندبل كبدك
وبيحطون في بالهم انك خبله وماتعرفين تكتمينهم وتردين عليهم << لاتزعلين علي فديتس
وفعلاً في بعض الناس بصراحه ماينطاقون حشريين بدرجه محد يتصورهاا
عاملي الناس مثل مايعاملونك بصراحه هالمثل هذا حطيه حلق بإذنك من جد
وبعدين الحقران يقطع المصران احقريهم ولاتردين عليهم طنننننننشي صدقيني
كذا بترتاحين واذا عن اللي تسأل عن راتبك كم قولي لها ليه بتزيديني !!!!! وبعدها غيري السالفه
عشان تفهم انك ماتبين تعلمينها ..
الله يعينك ع الناس اللي مثل كذا والله يرزقك بالبيئه اللي تفتح النفس وبعيده عن منغصات الحياه
واذا قاموا يسألونك أسأله مالهم حق يسألونك وقفيهم عند حدهم عشان
مايسألونك المره الثانيه لان اذا سكتي بيطيحون فيك اسأله وبتندبل كبدك
وبيحطون في بالهم انك خبله وماتعرفين تكتمينهم وتردين عليهم << لاتزعلين علي فديتس
وفعلاً في بعض الناس بصراحه ماينطاقون حشريين بدرجه محد يتصورهاا
عاملي الناس مثل مايعاملونك بصراحه هالمثل هذا حطيه حلق بإذنك من جد
وبعدين الحقران يقطع المصران احقريهم ولاتردين عليهم طنننننننشي صدقيني
كذا بترتاحين واذا عن اللي تسأل عن راتبك كم قولي لها ليه بتزيديني !!!!! وبعدها غيري السالفه
عشان تفهم انك ماتبين تعلمينها ..
الله يعينك ع الناس اللي مثل كذا والله يرزقك بالبيئه اللي تفتح النفس وبعيده عن منغصات الحياه
مثايل95
•
يا كثرهم الي جذية
والمشكلة لين سالوني ماقدر اجذب!!!!ماعرف ومثلج استحي احرجهم(((مالت بس!!
اذا لقيتي حل قوليلي
والمشكلة لين سالوني ماقدر اجذب!!!!ماعرف ومثلج استحي احرجهم(((مالت بس!!
اذا لقيتي حل قوليلي
الصفحة الأخيرة
وحتى عالخاص مو مسموحلي أراسلكم الا لين توصل مشاركاتي 50
الأخت هنادي راسلتني على موضوع (رشحوني للزواج ولكن) السموحة منج يالغالية.