ماشاء الله ... تبارك الله
لاقوة الابالله
مثل ماوعدتكم كل طبخه أسويها بالقدر الكهرباء أني
أنزلها لكم عشان نعرف أشلون نستفيد منه ومانركنه بالمخزن
البيض الأسكتلندي غني عن التعريف الكل يعرفه
بسيط ولذيذ وشكل أكثر من رائع يفتح النفس
أنا طبعا راح أشرح المقادير والطريقه مع بعض
لاتقولون نبي المقادير بالضبط كلكم شاطرات وسنعات
وبتفهمونها وهي طايره
نحتاج لحم مفروم نضيف له بصل بقدونس وكزبره وثوم
مفرومين ناعم وبهارات مثل كمون وملح وفلفل اسود
وكزبرة ناشفه ( جلجلان ) وبيضه وشويه بقسماط
ونخلطهم مع بعض لغاية ماتتكون عندنا عجينه متماسكه
نسلق بيض ونقشره
شوية طحين
الطريقه
بعد مانخلط اللحمه بهذي الشكل
نغمس البيضه بالطحين
ناخذ قطعه من اللحمه ونضع فيها البيضه ونقلفها باللحمه
طبعا الطريقه بنتبعها مع كل البيض اللي عندنا
ونضع البيض في كسرولة القدر
ونغطيها ونضبط الوقت والحراره
الحراره 180 فهرنهايت والوقت شوفي كم ياخذ وقت لغاية مايتحمر
يتبع
نقطعه ونزينه على حسب معرفتج وطريقتج
هاااااااااااااااا إشرايكم ؟؟؟؟
وااااااااااااااااااااووو لذيذذذذذذذذذ
سويت خضار مسلوقه شغل الرجيم
مداخيل العافية
هذي قصة القدر العجيب وأول تجربه فيه
http://forum.hawaaworld.com/showthread.php?t=1977976