التأتأة عند الاطفال

مساء الخير بنات رمضان مبارك علينا وعليكم يارب


انا في هم مايعلم به الا الله
عندي ولد عمره سنه وعشرة شهور ذكي واجتماعي وشقي جداً الله يصلحه
حركته كثيرة ومؤذية وصرت نفسياً مضغوطه منه خصوصاً توني نفاس وعندي رضيع ومتوتره من الوضع
صار موقف انه كب العصير في بيت ناس وضربته على يده وكب كاس ثاني بعد وعصبت عليه😔
ثاني يوم بديت الاحظ عنده تأتأه بالكلام بعد ماكان منطلق بالكلام صار يمد حرف الالف قبل الكلام مو كل كلامه بعض الكلام بس ضاااق صدري مره حسيت انه بسببي كردة فعل بعد موقفي معاه قدام الناس
تكفون انا ميته من الندم وقلبي بيتقطع عليه وانهرت
اليوم ثالث يوم بعد هالموقف ومازالت التأتأه معاه وش اسوي وكيف اتصرف
واللي مرت بهالمشكله تريحني اتمنى انها عابرة وتروح بأسرع وقت
اخذت عهد ع نفسي ماارفع صوتي عليه ولا اضربه ابداً مع انه غصب عني اتحمل شقاوته لآخر لحظة وبعدين انفجر
ولاتزيدوني هم الله يخليكم احتاج احد يريحني ويفيدني بالتعامل معاه واذا لكم تجارب اطرحوها 😔😔💔💔💔💔💔