التافهه اشوفه مثل الجبال

مرحباً يااخوات أنا عمري اربعه وعشرين متزوجه وعندي اولاد المهم أنا أعاني بشكل ماتتصور بتكبير الامور كل شي في حياتي أشيل همه وهو مايسوى تعب صدري من شيل همي وهم غيري وماقدرت اسيطر على نفسي
المشكله اغلب المواضيع اللي اشيل همها بشكل مو طبيعي مواضيع تافهه جدا يعني مثلا اشيل هم أطعم ولدي وشي وهم بصدري كبير لين اطعمه اشيل هم اطبخ وهم بصدري لين اخلص اشيل هم ازور احد اشيل هم استقبل احد اشيل هم انوم ولدي. اشيل هم كبير اذا مرض زوجي يعني هو عنده انفلونزا كأني أنا التعبانه مع انه شي طبيعي كل شي اشيل همه بشكل غير عادي
وصدري انفجر من كثر الهموم علشان كذا دايم قلقه ومتوتره ومعصبه
وبعد أعاني بشكل كبير من انقلاب المزاج يعني اكون مبسوطه مره في يوم وفجأه ينقلب مزاجي لحزن شديد بسبب او بدون سبب
هل أنا طبيعيه وفيه احد يعاني مثلي وكيف اسيطر على نفسي مع أني ولله الحمد محافظه على صلاتي والأذكار والاستغفار