هلا بكل من دخلت للموضوع ....
اليوم حتكلم على صرعه جديده دخلت حياة أطفالنا وححكى موقف حصل معى .
لا شك أغلبكم سمعت أو شاهدت أو أشترت هذه اللعبه .
التماقاتشي أو ما يسمونها اليوم بالكمبيوتر بيت أو الرفيق الحيوانى الألكترونى صارت متداوله بجنون بين أطفالنا خصوصاً هنا فى أمريكا وكندا
أنتشرت بين أطفال المدارس أبتدأ من الصف الأول أبتدائى .
الكل يبحث عنها ووصل الامر ألى انقراضها من الأسواق لكثرة الطلب عليها
وللأسف أنا واحده من الناس وقعت تحت ضغط أبنائى وألحاحهم وأشتريتها لهم
تعالوا أحكيلكم عنها وما الخطر الذى وجدته فيها
Tamagotchi
هى لعبة ديجيتال ألكترونيه كنوع من الفرتشول بيت أو الرفيق الانسانى الألكترونى أخترعها اليابانى اّكى ميتا (Aki Maita )
ويرجع أصل الكلمه الى كلمة ("tamago") اليابانيه والتى تعنى egg أو البيض وكلمة "chi" والتى تعنى affection أو الشعور أو الميول
يعنى معنى الكلمه "loveable egg" أو البيضه المحبوبه أو شيئ من هذا القبيل (المهم فيها حب )
فكرة اللعبه أن الطفل أول ما يفتحها تكون بيضه ووظيفته الأعتناء بها وتغذيتها من ناحية الاكل والشرب والنوم وأعطائها الدواء لما تمرض وما نسوا حتى دخولها للحمام وكل يوم تكبر وتمر بمرحله لحتى تصل سن البلوغ أو النضج يعنى الى هنا الحكايه تمام
ويتحكموا فيه عن طريق زراير اسفلها
و لها خيط يشتروه ويعلقوه فى اعناقهم هذا شكله
بس الخطر لما يكبر اللى داخل اللعبه بعضهم تطلع بنت وبعضهم يكون ولد ؟
هنا لازم تدخل الثقافه الغربيه يعنى أى شخص ناضج عندهم يبحث عن الحب :(
اللعبه فيها جزء الحب يطلع قلب صغير والطفل ساعتها لازم يعمل اتصال بحد من أصدقائه عنده نفس اللعبه يعنى شوفوا الخبث
مجرد توصيل راس لعبه بالثانيه تصير الاشكال اللى داخلها ترقص وتم المراد (لا حول ولا قوة الا بالله)
طبعاً ما تطلع صور ولا شيئ بس الشكل اللى داخل اللعبه يطله العاب ناريه وبس
تخيلوا شو راح الاطفال يفهموا ؟
بعدها اللعبه تولد :30:
ايوه لعبت بنتى خلفت تؤام (يا هنايا وسعدى)
المصيبه كل هذا وانا مبسوطه وانا أشتريت اللعبه بنفسى لعيالى وكل اولاد صديقاتى مشريين لعيالهم والمدرسه الاسلاميه كل الاولاد حاطين اللعبه بسلاسل بأعناقهم وبيلعبوا والالعاب تحب فى بعض وتخلف
وأحنا كل اللى نزرعه ونحاول نبعدهم عنه جأت التماقاشى ومسحته.
المهم بنتى جت فرحانه وورتنى التؤام (طالعين زى العسل)وقالت شوفى لعبتى جابت تؤام
أنا ما أنتبهت وقلت لها اكويس بعدين أنتبهت كيف جابت لعبتك يا رويدا؟
قالت لى عملت كونكشن مع لعبة زميلتى بالفصل وخلاص .
كان محمد ابنى واقف قالها لا كيف تعملى كونكشن مع لعبه بنت لازم مع ولد
أنا صعقت ويش هذا اللى ولد مع بنت ويجيبوا تؤام :eek: :eek:
قامت رويدا ردت لا صديقتى قالت عادى بنت تتزوج بنت هذا وانا فاتحه فمى وواقفه الكلام وقع على سمعى زى الصاعقه
والله يا بنات جانى شعور لا يُوصف لعنت البلد وأهلها والاختراعات والتكنولوجيا
ولمت نفسى كيف أنا أشتريتها وأنا حتى الكارتون سامحتلهم بجزء معين يناسب أفكارهم .
المهم خفت يكون عندهم معلومات أكبر من سنهم وبنفس الوقت أختلطت عندى الأمور .
فقلت لرويدا لا البنت تتزوج ولد وما فيه بنت تتزوج بنت ولا ولد يتزوج ولد حتى فى عالم الحيوانات
وربنا قال فى القرأن ذكر يتزوج أنثى واللى يقول لك غير كده ما يفهم وما عاد تسمعى كلامه وما تلعبى معه.
ترى الى اى حد وصل تفكيرها الصغير ؟
قلت لهم هاتوا اللعبه أنا ماراح اخليكم تلعبوا بيها الان لسه عمركم صغير عليها لما تكبروا يصير خير
كنت لحالى وابوهم لسه ما رجع طبعاً بوزهم شبرين.
اصدقكن القول خفت وقلت بروح من بكره اسجلهم فى مدرسه اسلاميه بس انا شفت اللعبه بعينى عند الاولاد بالمدارس الاسلاميه وسمعت الفاظ خارجه عن الادب من العيال وهم يتعاركوا فى فناء المدرسه
قلت خلاص برجع بيهم لبلدى بس قلت ما راح اغير شيئ هنا وهناك اللعبه موجوده والكلام نفسه.
أول ما رجع ابوهم اخذته على جنب وحكيتله تعرفوا ضحك علي وقال لى ليش امكبره الموضوع فهميهم وشيلى اللعبه منهم وخليك امتابعتهم زى قبل وهالشيئ متوقعينه ,حيكون فيه مواقف مشابهه كثير
أمال ليش واجبك المتابعه والتوجيه
وراح حكى معهم وقال لهم حناخذوا منكم الالعاب وتقدروا تتسلوا بأى شيئ ثانى ووضح لهم أشوى اشياء وأسئله ولعب معهم ومشى الموضوع
لكن ما راح أسامح نفسى كيف أنى أشتريت لهم المضره بأيدى
وحبيت أنبهكم ما تستصغروا عقول أطفالكم وتقولوا لا ما يفهموا وحاولوا توضحوا لهم كل شيئ باسلوب مو بعيد عن الحقيقه يعنى لو سألك أى سؤال فى عرفنا نخجل من الاجابه عليه حاولى اتجاوبى بالحقيقه بس بأسلوب يمشى مع عقله أفضل ما يروح يسأل أصدقاء المدرسه ويفهموه بطريقتهم.
بالمناسبه هالأيام طالعه صرعة اللعب بالسيارات الصغيره (ربنا يستر وما تطلع فيها مصيبه ثانيه)
بنات ينقصنا الكثير لنتعلمه عن الثقافه الجنسيه عند الاطفال وكيفية التعامل معهم ومع مفاجأتهم .
ربى يهدينا لتربيتهم وتنشئتهم ويحفظهم من رفقاء السوء والمعصيه
دعواتكم