http://forum.hawaaworld.com/showthread.php?t=1304742
السلام عليكم ورحمة الله وبركاته
صباحكم / مسائكم ....
خير وبركة ...
حبيت أنقل لكم هذا الموضوع الرائع ....
هو شوي طويل لكن إبداااااع ....
جزاء الله صاحبته خير الجزاء.....
يحتوي الموضوع على :
* التانق زونق وطريقته
* العجينة اليابانيه
* وصفة السينابون
* الصامولي
*اضافة للتانق زونق لبعض العجائن
* تشكيلات ولفات للخبز
التانق زونق |tangzhong |Water roux starter
ما هو Tangzhong ؟
هي طريقه منتشره في اليابان والصين لصنع العجين باشكاله ( المكرونه الكعك ، النودلز )
يستخدم فيها خليط من الدقيق يقابله 5 اضعاف الكميه من الماء يتم تسخينه بالحراره لتصل حرارته 65 درجه مؤية
ثم يضاف للعجينه الأصليه مما يجعل الغالوتين في الدقيق يمتص الرطوبه اكثر فينتج عنه عجينه اكثر ليونه و تعيش لفتره اطول .
~~~~~~~~~~~
مقادير التانق زونق //
25 جرام دقيق
125 جرام ماء
شفتوا وش حلاته بس ماء ودقيق يكون الماء ضعف كمية الدقيق 5 مرات
نبدأ بالطريقه :
نقيس الماء ونضعه في قدر ستيل عشان ما يسود الخليط
نضيف مقدار الدقيق ونخلط الى نحصل على خليط مافيه اي كتل
ثم نرفعه على نار هادئه ونقلب وما نشيل ايدينا منه عشان ما يلصق الدقيق بقاع القدر
شايفين كيف شكله هو بيصير له مثل الرغوه
ونستمر بالتقليب حتى يبدا يتماسك ويصير قوامه مثل البشاميل من دون ان يغلي
انا ما عندي مقياس حراره هم يقولون لازم حرارته 65 درجه
طيب زمان ما كان فيه مقياس ويعرفون بالخبره والنظر وانا تابعت مقاطع كثيره
واتبعت طريقتهم .
المهم قوامه ثقيل شوي وقابل للصب
نصبه في اي صحن ونغلفه بنايلون ولازم يلامس سطح الخليط عشان ما تتكون قشره
ونخليه لين يصير بحرارة الغرفه ونبدا نستخدمه ,,
هم يقولون ممكن تحتفظ بالخليط في الثلاجه الى 3 ايام
او الى ان يتغير لونه ويصير غامق
انا الصراحه ما جربت احفظه كنت اسويه واستخدمه على طول في نفس اليوم
العجينة اليابانيه ||
تستخدم مع التانق زونق في صنع الخبز واكثر شيء يستخدم للتوست والبونس والصامولي واغلب انواع الخبز المنفوخه
تعطيك مخبوزات كانها قطنه وتحميرها حلو ومو معجنه على بعض وتشابه في مقاديرها خبز الباباروتي نفس طرواته
المقادير //
270 جرام دقيق
20 جرام حليب بودره
40 جرام سكر
نص ملعقه صغيره ملح
6 جرام خميرة فوريه
30 جرام بيضه مخفوقه
85 جرام ماء دافىء
22 جرام زبده
اضافه الى التانق زونق اللي فوق ..
الطريقه :~
نضع كل المقادير بالعجانه عدا الماء والزبده
ونبدأ نعجن ونضيف الماء بالتدريج الى ان تختلط المقادير زين ,,
واذا بدات تتماسك العجينه نضيف الزبده قطعه قطعه
شكلها لذيذه