عمركو فمره كنتو ماشيين في مول ولا فسوبر ماركت ولا حتي في الشارع ولقيتو فجاه حد بيوقفكو ويقولكو
لو سمحتي ممكن اخد من وقتك دقيقه احنا بنعمل مسابقه ثقافيه وجايزتها مفاجاه:o
ويطلع السؤال اهبلللللللل وعبيييييط لا وايه نبقي فرحانيين ومتفشخرين قوي ان احنا عرفنا نحله صح
المهم سيبوكو من السؤال دلوقتي الجزء الاهم وهو الجايزه اللي هاتطلع تفتكرو ايه؟؟؟؟
حفله لشخصين الزوج والزوجه وشرط الحضور معا عشان يبقو مدبسين وماحدش يتحجج بالتاني ولا يقول انا عايز افكر
وتفرحي ياعيني وتشجعي جوزك يروح وفي الاخر يتضح ان الموضوع كله عباره عن وهم كبير اسمه التايم شير اللي بقي الايام دي سرقه عيني عينك :06:
علي فكره يا جماعه اللي بقولهولكو ده عن واقع تجربه شخصيه انا مريت بيها واعرف ناس مرو بيها بس ماحدش وصل للي انا وصلتلو وبلا فخر:
رحت يا حبايبي وسمعت الاحلام الورديه والوعود الذهبيه اللي ادهولنا انا وجوزي وقالولنا اول ما ابتدو ان احنا واخدين المنحه دي من وزارة السياحه ده مقابل تخفيض الضراءب والتامينات مقابل تنشيط السياحه الداخليه ان هم بيدو الجايزه رحله لشخصين لمدة اسبوع والاسبوع ده مدي الحياه وانتي حره بقي تبيعيه تاجريه ان شالله تسلفيه وتبدليه بس طبعا فيه مقابل مادي علي شكل اقساط بس اللي كان بيتكلم بصراحه كان مقنع جدا وصفلي المكان علي انه جنه :04:
لا وجه عالجرح واتكي قعد يبصلي ويقولي وانتي بقي يا مدام اخيرا هاتلاقي وقت تقضيه مع جوزك لان في سويت ليكي انتي وجوزك وسويت للاطفال ده غير الناني اللي هتكون مع الاولاد ومش هاتتحسب مرافق المهم يا حوا انتي وهيه عملي البحر طحينه وانا بهبلي صدقت واقنعت جوزي يوافق وفعلا مضي العقد ودفع اول قسط:06:
ولما سالناهم امتي هنستلم العقد الموثق او المعترف بيه قالولنا لما تدفعو 45% من المبلغ وفعلا فضلنا نكع لحد ما اخدنا العقد اللي اكتشفنا فيه كوارث
اول بند لا نعترف بالوعود الشفهيه يعني كل الهجص اللي سمعناه غير معترف بيه:35:
ثانيا الشاليه مش شاليه دي غرفه في فندق لفردين واي زياده تعتبر مرافق حتي لو اولادكم:04:
المرفقات كوبايتين ومعلقه وكنكه وبوتجاز بعين واحده:p
مالناش حق الايجار الا في الهاي سيزون والبيع في حالة الاحتياج فقط:35:
بصو انا لما شفت العقد صعقت واقرب حل لتفكيري اني ارفع قضيه ارجع بيها فلوسي وفلوس جوزي لان ده عباره عن نصببببب علني والله ما مسامحينهم وحسبي الله ونعم الوكيل :angry2:انا بس بحذركم عشان ماحدش يعمل عملتي السوده لو حد عنده زي القصه دي او شبهها يقول وينبه الباقيين عشان احنا يا ستات مالناش الا بعضينا :33:
سوبر وومن @sobr_oomn
عضوة جديدة
يلزم عليك تسجيل الدخول أولًا لكتابة تعليق.
القهوة الملكية
•
يقابلونا في كلللللللللللللللللللللللللل مكان وكان شكلهم فعلا نصااااااااااااااااااابين
الصفحة الأخيرة