امووليتا :

عاد انا اليوم صارلي شيء غريب احس ف بطني زي المويه وطقطقه ماادري كيف اشرحها 🙁 جلست دقايق وراحت

عاد انا اليوم صارلي شيء غريب احس ف بطني زي المويه وطقطقه ماادري كيف اشرحها 🙁 جلست دقايق وراحت

امول الجميله :

يسسس يسسس بس تغير لونها بنفس يوم الولاده صارت تنزل بلون شفاف مع دم خفيف و لون بني

يسسس يسسس بس تغير لونها بنفس يوم الولاده صارت تنزل بلون شفاف مع دم خفيف و لون بني

om yazon :

السلام عليكم آكشني اولا والله م نسيتكم دعيتلكم وي رب يستجيب مقابلتي كانت اليوم قالت تجي بعد أسبوع اللي هو السبت ..خلال هالاسبوع مو حاسه بشئ سواء الحرارة والكحة وكل م اكح احس في شئ تحت بيطق وحركة البيبي بحسها تشقني من تحت لما يتحرك وألم مثل الدورة وافرازات ثقيله شفافه بعد الالم بس كان الألم عادي مقابل الكحة والحرارة طول الوقت دايخه ،، المهم طلعت من البيت 10ص والمستشفى مسافتها مثل ساعة من البيت ، وصلت لعندها فحصت بدون اي مقدمات قالت فاتح 4سم 🤕 ، قالتلي إذا بتروحي البيت روحي جيبي أغراضك وتعالي ، قلتلها بجي المغرب قالت لا كثير ، قلتلها بس ي دكتوره م حاسه ب اي شئ قالت كلها تساهيل من رب العالمين م حابه ازعلك كم يبيلك وقت قلت 3 ساعات ونسيت اقلها هو الطريق لحاله ساعتين رايح جاي ، المهم من لما فحصت وانا بدأ عندي الألم منتظم بس مجرد تحجر ، المهم جهزت واتصلت علي اخوي يمسك ولدي لأن م معي احد غير زوجي واخوي و قبلهم رب العالمين بالرياض توني ناقله ، قلت نعطيها حمام دافئ واغسل شعري لين نشوف ايش أخرة الولادة المفاجأة هذي للحين شاكة اني بولد اليوم ، بس سبحان الله نفسي مفتوحه قلت بتغدى واظبط شعري بعد شويات أشتد الألم ورحت المستشفى للسستر ، اللي موصينها علي،،، والسستر منتظره دوامها يخلص مع الدكتورة الثانية حتى تطلعني فوق ، 3م طلعت فوق الدكتورة قاست كان 4 للحين وفكت المويه واعطتني طلق صناعي ،و مصيبة زمان مدري ايش هي للإمساك الله يكرمكم ع طول جريت الحمام كان مع العصر ، وبعدها عملتلي تخطيط وجالي وجع منتظم ، طبعا انا مفكرة قربت وانفذ شمي وردة ومدري ايش والامور بخير واخذ نفس مع الطلقه مسويه فيها الاوضاع مستتبه وقيد السيطرة وبسسس اتفرج ع هذي وهذي لين جات الساعه 6 فحصت قالت ماشي ع الخمسه قومي امشي ، قمت اتمشى وجات 6 ونصف كل الهياط والسيطرة والوردة ومع الطلقه اشربي مويه وهالنصائح نسيتهم 😅😭 ومع الجوع جسمي ثلج ومو حاسه بشفايفي حاسه اني بفقد الوعي اتذكر كلامكم عن الجوع اتصلت ب زوجي يجيبلي شي اكله جد جد مو قادرة ، جارتي اعطتني فطيرة وزوجي جاب شغلات بس شربت عصير وبعدها اكل بين كل طلقة وطلقة 😞😅 اللي يشوفني يقول لي سنين جوعانه ، وبعدها احس بالالم دفععععع واصارخ الدكتوره واللي معها مع وحده بتولد ، صرت اصارررخ جات فحصت قالت 7ونص قربتي ، قالتلي لو حسيتي بدفع نادي ع السستر م كملت دقيقه وانادي ع السستر جات الدكتوره تكشف قالت قومي قومي انا قلتلها ابغى الحمام قالت حمام مين ي بنت ووولادة ، جلست ف طاولة الولادة واصلا هو يدفع ، الدكتور قالت الرأس قريب ادفعي ولا جلست ع الطاولة مثل العالم قالت ادفعي ادفع وهم يصارخواا احس الدم كله طلع لرأسي من الدفع حتى اخذ نفسي مو قادرة بس دفع دفع والدكتوره تقول قرب م ابغا افتحلك جدعة ادفعي واللي معها متفاعلين اسمعهن وشديت حيلي حاسه اني طلعت الوحش اللي جواتي وقتها ، وشرف حبيبي للدنيا الله يحفظه ويبارك فيه ويرزق كل مشتاق ، المشيمة م طلعت سمعوا اللي جنبي تنادي عليهم بتولد وولدت الحمدلله بنفس اللحظه حتى رجعوا للمشيمة طلعوها وشافت المنطقة قالت م يحتاج ، جات الدكتوره سألتها قالت اعطيها غرزة،، وبعدين الدكتورة قال أشوف أشوف لا لا سطحي ، قلتلها بقلبي لو فاتح قد البحر م ابي خياطه 😭😭😭 تبت م الولادة ، التوبة الثانية 🌚 ، جابولي البيبي شوي واخذوا للحين م شفته قالوا بكرا الصبح ، استودعته الله وي رب انو مثل م حكوا انو بخير ، بس كيف احمله ي بنات صغيررر حجمه وكيف احميه وانا لحالي 😞 ادعولي المغص اتعبننني 💔💔 * من لما دخلت التاسع بتمشى ساعه (يعني مشيت الأسبوع الاول من التاسع يوميا ) . وبعدين ولدي مرض اسبوع وتركت المشي والاسبوع اللي بعده انا مرضت *وبأكل تمر ع الريق5 م سويت شئ كثير بس الحمدلله تساهيل من ربي الحوقله ي بنات وربي تفرررق وتفائلوا انا جربت الاجهاض و ولادتي الاولى اصعب من هذا الحمدلله يا رب ربنا سهلها لي اكلوا ي بنات الجوع صععععبب الله يفرحنا فيكم قريب ي رب اعذروني ع الكلام الكثيييير

السلام عليكم آكشني اولا والله م نسيتكم دعيتلكم وي رب يستجيب مقابلتي كانت اليوم قالت تجي بعد...

بنت البلد 4290 :

الطقطقة تجيني اذا جيت باخذ شي من تحت او بسجد احس بصوت العظم والماي تقصدين ماي الجنين مافهمت

الطقطقة تجيني اذا جيت باخذ شي من تحت او بسجد احس بصوت العظم والماي تقصدين ماي الجنين مافهمت