عروب15 :

ههههههههه احس التجمع اللي بعدنا ممغوصات يقولون يو قربنات للتباشير ياويلنا 😝 نفس الحاله اللي جتنا لما فتحو تباشيرهم بنات نوفمبر وديسمبر

ههههههههه احس التجمع اللي بعدنا ممغوصات يقولون يو قربنات للتباشير ياويلنا 😝 نفس الحاله اللي جتنا...

Maha2021 :

الله يبارك فيكم جميعا ماقصرتو على دعائكم الله يجزاكم الجنه ودي ارد عليكم وحده وحده❤️❤️❤️ اكشني انا خلصت التاسع وكان عندي موعد تنويم وطلق صناعي يوم الخميس ١٣ يناير بس قبلها بكم يوم تنزل مني افرازات زي حقت التبويض وطول الوقت احس برطوبه رحت يوم الثلاثاء لاهلي قبل موعد تنويمي قلت بوسع صدري وبغير جو 🤭 رجعت بيتي وسهرت لين قبل الفجر ونمت ماحسيت بنفسي الا الصباح الساعه٧ يمكن رحت الحمام وانتو بكرامه وانا امشي احس بشي دافي ينزل على خفيف 😣 اول ماوصلت الحمام انكب في الارض مويه مخلوط بدم😭 قلت خلاص شكلها ولاده واروح المستشفى الساعه١٠ كشفو٢ سم ومعي طلق خفيف قالو امشي وامشي وجلست ٦ ساعات تخطيط وكشف صار من ٤الى٥ قالو ماراح نطلعك ولاده لين يصير فوق ٥ لان الطلق معي بارد واكل تمر واشرب قشر قهوه وامشي وادعي طول وقتي ان يجعلها ربي بردا وسلاما🥺 ويكشفون اخر شي صار ٧ سم بس الالم محتمل لان طلقي جدا بارد ومو منتظم بس على طول طلعوني ولاده اول مادخلت قلت ابي كمام وجابو لي ياه وحطته بحضني وانا ماسكته انتظر بس الطلقه وادخل في دوامة الطلق المووت صارو معطيني صناعي وانا ارقى في السماء وانزل في الارض 💔 واخذت ساعتين وفتح قالو يلا ادفعي وصارت تدفع بنيتي وانا طاقتي انتهت مانمت ولاعرفت ادفع ويضغطوني القابلات مع بطني بكوعتهم ويدخلون يديهم يحاولون يطلعونهاا وانا اصيح ابي عمليه خلااااص😭😭 قالو امسكي فخوذك ودفي بقوه واسمع صوت الدكتور برا يقول هذي ليه صوتها عالي☹️ دفعت يمكن خمس مرات مارضت تطلع وشقوني وضغطو مره ثانيه على بطني بأقوى ماعندهم عاد تخبرون قوة الافريقيات😣 وجت الدفعه الاخيره ودفعت بكل قوتي ابي الخلاااص وطلعت عروستي الله يصلحها وجت الدكتوره تخطيني الشق كان كبييير مرا😭 وجلست ارجف بعد الولاده جتني بروده فظيييعه والحمدلله على الخلاص بالسلامه وعقبالكم يارب تولدون ويجعلها ربي تساهيل عليكم طبعا فيه تفاصيل كثيييره ماقلتها لكم مابي اروعكم وكل وحده لها تجربه مختلفه عن الثانيه بس النصيحه لازم تمشون المشيه العسكريه وتوسعين خطواتك والدعاء كل يوم واكل التمر يساعد ان عنق الرحم يلين ويفتح بسهوله يعني انا فتح معي الرحم الحمدلله بسهوله مع الكشف والتحريض بس تعبت في الدفع☹️

الله يبارك فيكم جميعا ماقصرتو على دعائكم الله يجزاكم الجنه ودي ارد عليكم وحده وحده❤️❤️❤️...

cutey_2022 :

بنات اخر بطني يجيني فيه الم غريب مدري شلون جاي 😞 احس وكأن فيني شي يتقطع ع اي حركه اسويها 😞 و اذا تحرك اللي تحت عاد رجوله مره تحت تألمني مرررره واحس كأنه بيطلع 😞 و رجولي يالله شايلتني لو تكرمون اروح للحمام وارجع اول مااجلس احس بتنميل من الفخوذ للرجول هذا غير اني احس كأني مضروبه قوه ومنهد حيلي تعبت خلاص ودي اولد ع الاسبوع الجاي من غير شر😞 المهم اني هالفتره هذي بس اتشكى امي او زوجي لو يقولون لي شلونك اتوقع انهم يندمون انفلت عليهم بالشكاوي والحين دوركم لو ان محد سألني 😞😂😂😂😂

بنات اخر بطني يجيني فيه الم غريب مدري شلون جاي 😞 احس وكأن فيني شي يتقطع ع اي حركه اسويها 😞 و اذا...

ورود وزهرة :

صباح الخير شخباركم كروشات 😍 أكشن ولادتي : ليلة الخميس طلعت مشيت تقريبا نص ساعة ورجعت وسبحت بماي حار ونمت قعدت يوم ثاني الصبح احس بنشاط وجاني احساس اني خلاص قربت اولد🥲 نظفت البيت كامل وجهزت نفسي وتنظفت ورتبت اموري وقلت خلاص اغسل شعري واسشوره 😂 وانا اسشوره جاني ألم مثل الدورة تقريبا استمر كم ثانية وراح وحسيت بافرازات تنزل قلت ها يا ورود شكل بدا الطلق وفعلا اخذ تقريبا من ١٥ الى ٢٠ دقيقة ورجع مثل الالم هني تأكدت هذا الطلق 🥺 جهزت شنطتي وشنطة البيبي وجهزت عيالي وقلت لزوجي خلاص بودي الاولاد عند أمي وبقعد عندها شوي لين يشتد الطلق وبعدين بنروح المستشفى .. لين حسيت صار الطلق تقريبا شوي منتظم طلعنا ع المستشفى ووصلنا بس قلت لزوجي ما بنزل بنطر شوي لين تقل المدة بين كل طلقة بروح لهم لين صار كل ١٠ دقايق يجيني واني مساكة نفسي من الالم قلت ل خلاص الحين انزل لهم رحت لطوارئ المستشفى وهناك الدكتورة المناوبة فحصتني الا تقول ٤ سم خلاص ولادة مافي ترجعين البيت بصراحة استانست وقلت جاني الفرج اللي انتظره الفرج الموعود 😂👏🏻 بدلت ودخلوني غرفة الولادة وكان الطلق يجيني ويروح وعطوني الكمام شنو سحر هههههه وقت يجيني الطلق اتنفس فيه بس احس روحي مو بدنيا انواع الهلوسات هههه حطو لي مغذي ورتبوا الغرفة لكل مستلزمات الولادة بعدها قام يشتد الطلق فحصتني الدكتورة شافت ٥ سم وانا هني خلاص بموت من الم الطلق بس احاول ما اصرخ وماسكة نفسي طبعا زوجي كان معاي من بداية الوقت 🥺 من شافني اتألم بزيادة ضل يرجف من الخوف وطلع من الغرفة🤣.. صار بعدها الالم متواصل ما وقف لدرجة رميت الكمام قلت لها مابيه دكتورة خلاص ماقدر احس ابي ادفع واطلع بنتي فحصتني الا تقول ٩ سم وبعدها مباشرة قالت ١٠ سم خلاص بسرعة ولادة وانا اصيح من الالم اقول لها خلاص ابي ادفع مو قادرة من الالم بموت ابي اولد الراس تحت احس فيه 😭😭😭 عجلت بالنرس وقالت لها ولادة جهزوا كل شي والدكتورة تقول لي خلاص الحين ادفعي وانا ادفع من ٢ الى ٣ دفعات تقريبا طلعت بنتي حبيبتي بالسلامة وخلوها فوق صدري كانت احلى لحظة نسيت فيها كل الالم اللي حسيت فيه 🥺😭 وقت الولادة ولين بعد الولادة ورجليني ترجف صادني شق بسيط من طلوع الراس وخيطوه لي قالت لي الدكتورة ما شاء الله ولادتك كانت ممتازة وسهلة لان فتح عندك مباشرة من ٥ سم الى ٩ و١٠ سم ما طولتي ووقت الدفع كنتي مطيعة وملتزمة بالتعليمات 😂👏🏻 والحمدلله هذا أكشني اتمنى يكون مرتب ومفهوم وخفيف عليكم ويشجعكم هههه طلعت بنتي بوزن كيلوين و٧٠٠ جم وكانت الدكتورة بآخر موعد تقول لي وزن البيبي بالسونار ٣ كيلو ٢٠٠ جم يعني الخلاصة لا تعتمدون على وزن السونار لان مو دايما يعطي الوزن الحقيقي هههه وبعد دايما بكل موعد يقولون لي طويلة طالعة عليك وانا اعتمدت اخذت ملابس كل من ٠ الى ٣ وياقلبي اكي ضايعة فيهم تقول لي النرس ملابسها واجد كبار عليها قلت لها هم قالوا لي في السونار انها طويلة وانا اعتمدت على هالشي 😂🤭 حبيباتي عليكم بالمشي وكثروا من التمر كنت آكل بكثره من دخلت التاسع🤭 الله يسهل عليكم حبيباتي ويرزقكم بالولادة السهلة السريعة الميسرة يارب وتشوفون اجنتكم وهم بصحة وسلامة ان شاء الله 💗💗💗💗💗💗

صباح الخير شخباركم كروشات 😍 أكشن ولادتي : ليلة الخميس طلعت مشيت تقريبا نص ساعة ورجعت وسبحت بماي...