ليالي نجد1991 :

عندي سؤال .. بعد الإفاقه يعطونكم منوم أو لا ؟؟ اليوم أتناقش مع دكتورتي عن هالشيء قالت يمكن عطوك لأنك تنومتي يومين قبلها وتعبتي طول الوقت صاحيه فـ يعني حنّو عليك 😅 قلت لا مابي كذا ، ولدت ٢ الليل وبعدها نمت ولا صحيت الا من بكره ٢ الظهر ومره احس بدوخه ، لما جت الممرضه توديني الحمام الله يكرمكم دخت . مدري هو عشان لي ٣ ايام ما أكلت شيء أو طبيعي بعد العملية ، أو من هالمنوم 😞 المهم تفهمت وضعي وقالت خلاص راح نعطيك مسكن وبس . وإلى الآن ما استقريت على تاريخ 😩 لما قلت عادي بعد أسبوع من التاسع قالت لا ، احتمال ١٠٪؜ يجلس البيبي بالحضانه ، مو عشان الوزن ، عشان الرئه والتنفس بيكون توه . أفضل شيء من ١٠ أيام إلى أسبوعين لغير البكرية ، وفضلت لي أسبوعين . و قالت اذا حسيتي بألم مكان الجرح أو طلق أو نزل مويه أو دم على طول تجين الطوارئ .

عندي سؤال .. بعد الإفاقه يعطونكم منوم أو لا ؟؟ اليوم أتناقش مع دكتورتي عن هالشيء قالت...

ليالي نجد1991 :

عندي سؤال .. بعد الإفاقه يعطونكم منوم أو لا ؟؟ اليوم أتناقش مع دكتورتي عن هالشيء قالت يمكن عطوك لأنك تنومتي يومين قبلها وتعبتي طول الوقت صاحيه فـ يعني حنّو عليك 😅 قلت لا مابي كذا ، ولدت ٢ الليل وبعدها نمت ولا صحيت الا من بكره ٢ الظهر ومره احس بدوخه ، لما جت الممرضه توديني الحمام الله يكرمكم دخت . مدري هو عشان لي ٣ ايام ما أكلت شيء أو طبيعي بعد العملية ، أو من هالمنوم 😞 المهم تفهمت وضعي وقالت خلاص راح نعطيك مسكن وبس . وإلى الآن ما استقريت على تاريخ 😩 لما قلت عادي بعد أسبوع من التاسع قالت لا ، احتمال ١٠٪؜ يجلس البيبي بالحضانه ، مو عشان الوزن ، عشان الرئه والتنفس بيكون توه . أفضل شيء من ١٠ أيام إلى أسبوعين لغير البكرية ، وفضلت لي أسبوعين . و قالت اذا حسيتي بألم مكان الجرح أو طلق أو نزل مويه أو دم على طول تجين الطوارئ .

عندي سؤال .. بعد الإفاقه يعطونكم منوم أو لا ؟؟ اليوم أتناقش مع دكتورتي عن هالشيء قالت...

um**arroo** :

وبسم الله الأكشن... المستشفى اللي ولدت فيه كنت مجربته آخر ولادة قبل هذي وطلق في الوريد بس قبلها سوت لي توسيع 3 سم وفتحت كيس الماء وطول الوقت علي جهاز التخطيط والمغذي لين ولدت هذي المرة غييير واعجبني تطورهم مرررة لكن السلبية اللي ازعجتني ان الدكاترة اللي مروا علي كلهم رجال مافي ولا دكتورة المهم اول ما دخلت حطوني في غرفة مستقلة ومعها دورة مياة قريبة من غرفة الولادة وانتظرت الدكتور كثير من الضحى لين بعد العصر وعاد مع القلق والتوتر وكل شوي اسمع صياح حرمة وبعدها صوت الطفل💞 واقول يااارب وصلني لهالمرحلة بالسلامة والتيسير وكل ما مرت ساعة توترت زيادة مابي أتأخر أبي أخلص وارتاح.. المهم جاء الدكتور وقال بحط لك تحميلة تحرض عنق الرحم وعادي لو ما استجاب بعد 24 نشيلها ثم نخليك يوم راحة ثم نحط لك ثانية انا هنا قلت شكل السالفة مطولة وضاق صدري زيادة💔 سووا لي تخطيط قبل واشوف فيه طلق يوصل 60 بس ماهو منتظم والالم كان معي من اسبوع يروح ويجي خاصة في الليل وقاس لي الرحم صار مفتوح 2سم وحط التحميلة على س4:30 وقال خذي راحتك بالحركة واطلعي امشي في الاسياب لما توصلي 4-5 سم ننقلك لغرفة الولادة هو طلع وانا قمت اصلي العصر وجلست اقرا قرآن والاذكار بعد المغرب جابوا العشاء وكنت خلاص ميته جوع ما تغديت وقايمة من الفجر وما جاني الم الطلق فقلت اكل واشبع دام الولادة مطولة ومتى ماجت بيصير عندي طاقة بعدها صليت العشاء ثم صليت الوتر مع ركعتين وادعي ان الله يفرج لي وييسرها واكلم عيالي يقولون ما ولدتي قلت لا يمكن اقعد كم يوم وضاقت صدورهم💔 انا سكرت منهم بدا معي زي الم الدورةواستبشرت خير قريت ورد الولادة في ماء زمزم ماخذته معي واشرب كل ساعة منه شوي وامسح على بطني وامشي في السيب واسوي القرفصاء بس ما كثرت خفت من البواسير والدوالي تزيد.. وصار الام يزيد بس نفس الدورة ما جاء الطلق اللي اعرفه واذا مشيت توجعني رجلي مررررة بسبب الدوالي ارجع للسرير واشرب من زمزم وارش علي واتمدد وادعي تخف وما توجعني لين الولادة.. ثم زاد الالم وكل دقيقتين طلقة بس كان محتمل مو الحار وعلى نفس وضعي امشي واتقرفص وصار يزيد ويزيد واقول لا بتحمل دام اني ماخذه راحتي ماعندي احد فجأة زاد دقيقة الم دقيقة يسكن واطلب الممرضة ابي مسكن قالت مو هنا في غرفة الولادة بسوي تخطيط اشوف الالم كم وانادي الدكتور واحط المغذي ثم جاء الدكتور قال 4سم ياله لغرفة الولادة وخليها تمشي احسن من العربية ويجيني ذاك الالم اللي يعصرني وما يسكن الا ثواني واصيح مع كل طلقة تذكرت حمام السلام طول الوقت مالي صوت وهادية وصار صوتي يلعلع في الاسياب هههه بعد ما وصلتني الغرفة وقالت انزلي وامشي ومشيت لين السرير وماسكيني وانا صياح واجلس على السرير خلاص معد استحمل ماما نامي ماما مايصلح كذا خذي نفس انا خلاص حسيت اني واصلة ما اقوى اتحرك وتبي تحط التخطيط وشوي بديت احس بالدف والممرضات يضحكون لسى ياماما مو الحين ويسألون اسئلة روتينية كم عندك اطفال ولاداتك كلها طبيعي عندك سكر ضغط وانا في عالم ثاني اقول ما ادري ويضحكون علي اقول خلاص البيبي بتطلع يقولون لا لسه وتجي وحدة تسأل ماما خلاص انتي فيه ولادة؟!!!! قهرتني .. لا بالله استهبل عليكم يعني.. وتحط التخطيط وتقول خلاص للممرضات يله بسرعة وتكشف قالت اوووه دكتووور وتناديه ويجهزون السرير ويجي ركض يلا يا امي لفي وارفعي رجولك وادفعي والحمد لله شوي وطلعت بنتي وحطوها على صدري 💕💕 آخخ هدا جسمي بعد النفضة والعصرة اللي جاني شيء حااار حااار الحاقط الماقط على قول توتو هههه حتى ما امدا اخذ مسكنات لان طولوا مع التخطيط والمغذي طولت وهي تدور فيني عروق مدري وين اختفت وتغز وتشيل والمشي مع الطلق خلاني اتأخر زيادة ما اوصل للسرير مع ان التجربة بالطلق الصناعي مؤلمممة الا انها لما خلصت قلت خيرة ما طولت وارتحت وجلستي بغرفة لحالي ماعندي احد واطلع للسيب وارجع براحتي وحركتي ساعدتني نفسيا وجسديا على تحمل الألم وعلى نزول بنتي والا الطلق الطبيعي اجلس يومين ومن يوصل 5سم اجلس كم ساعة على السرير لين اولد ودايم الممرضات يقولون طولتي ميزة الصناعي الوحيدة يخلصك بسرعة بس حرارته تطيرك بين الارض والسماء والحمد لله على كل شيء

وبسم الله الأكشن... المستشفى اللي ولدت فيه كنت مجربته آخر ولادة قبل هذي وطلق في الوريد بس قبلها...

Majesty84 :

الف مبررررروك ماجبتي ❤️الله يجعلها من الصالحات البارات مدري ايش فيني لما قريت بشارتك بكيت حسيت الكلام مررررره لمسني 😭

الف مبررررروك ماجبتي ❤️الله يجعلها من الصالحات البارات مدري ايش فيني لما قريت بشارتك بكيت حسيت...

تواقه .. :

الله يبارك فيكم جميع حبيباتي ♥️ ودي والله ارد عليكم وحده وحده .. عقبال الباقين ب التيسير والخلاص الحسن .. اكشني ماينقال عنه اكشن .. يوم الثلاثاء لاحظت ان البيبي ماتتحرك والاربعاء برضو تحركت مره وحده بس .. رحت على اساس بسوي تخطيط وبطلع يوم وصلت هناك قالو لي خلاص ننومك ونسوي لك تحريض وولاده .. قاس عنق الرحم لقاه مسكر للاسف وقاسي .. بس التخطيط مو مطمن الحركه خفيفه ودقات القلب سريعه جداً .. بدؤو معي بشريحه ملينه لعنق الرحم ومُحفزه للطلق الساعه ٢ ب الليل صباح الخميس .. وقبل يركبها فحص لقاه ١ سم حط الشريحه وبدأ الطلق معي من الساعه ٤ منتظم ومتقارب صبرت الى الساعه ٨ وناديتهم وجت قاست لقته بس ٢ سم .. قالو لي اذا وصل ٤ سانتي راح نسحب الشريحه ونبدأ معك طلق صناعي ب الوريد .. جلست الى الساعه ١ الظهر وهو مازال على ٢ سانتي وقمت امشي وفجأءه انفكت المويه .. وجت وقاست لقته وصل ٥ سم الحمدلله .. سحبت الشريحه ونزلتني لكشك الولاده وهناك بدأ الجد .. بدأ الالم يقوى ويصير شي غير محتمل بس كنت ماسكه نفسي واشم ورده واطفي شمعه وكل شوي يجون ويعطوني اكسجين ومسكن .. لييين وصلت معي .. فحصت لقته ٧ وبعدها بدأ معي الدفع .. نزلت بنتي بعد اذان العصر مباشره اللهم له الحمد وكلنت بخخير وصحه وسلامه .. وزنها ٢٤٠٠ .. تعد نتفه شكلها مره مره نتوف .. بس الحمدلله المهم جت ب السلامه .. ومن هنا انتهت رحلة وهن على وهن .. وابتدى مشوار الامومه

الله يبارك فيكم جميع حبيباتي ♥️ ودي والله ارد عليكم وحده وحده .. عقبال الباقين ب التيسير والخلاص...