وانطلقنا وانا بس افكر ووصلنا المستشفى واخذت شنطتي الصغيره قال زوجي بنزل شنطه البببي قلت لاخلها لحدماادخل الغرفه مابي احديناضرفيني ويعرف اني بولد قال يالله طيب وندخل مكتب المواعيد قالو سريرها جاهز وطلع معنا ممرض عشان يودينا الغرفه وانا امشي ودمي ناشف وخايفه ورحنا للاستقبال اللي بقسم التنويم قالو الممرضات يالله وزن والضغط اخذوو تحاليل ودخلت الغرفه وجابت لبس التنويم وقالت بدلي وراح زوجي يجيب الشنطه وشوي جابت التخطيط وانا قلت خلاص هالحين بيولدوني وقلبي يدق بقوووه

وخوفتني الممرضه تروح وتجي تناضرالتخطيط وشوي تقولي على جنب وقالت لزوجي جيب لها عصيروخفت تكون نبضات الجنين ضعيفه ونادات الاخصائيه قالت مافي مشكله عادي وارتحت شوي وجلس عندي زوجي الى المغرب وقال خلاص برووح احس اني معطلهم وطلع وجلست وحيده😟

وشوي جابو جنبي وحده عندها سكر وبيولدونها طلق مثلي وانبسطت عليها نسولف سوى وشوي جاء العشاء وبدينا نمل انا على بالي بيدخلوني ولاده على طوول قلت العشاء وانا خالصه وبدى الخوف يخف وشوي جت 10باليل ولاجوو وندق على الممرضه قالت الاخصائيه مشغوله عندها قيصري شوي وتجي وننتضرالى 12 خلاص ملينا مره واختفت مشاعر الخووف وابي اولد خلاص وتجي الممرضه قالت لسه الدكتوره مشغول قلت اجل بنام يمكن ماتجي الا الفجر ونمت شوي الاجايه الساعه 2باليل

وتكشف من تحت قالت مفتووح 2كويس وتحط تحميله في برواز سايله مثل الكريم وبعدها ماحسيت الاشويه تحجر وحراره بالمهبل وبعد ساعه اختفت الاعراض ونمت وقمت الصباح وانتضر وجو عند اللي جنبي الساعه 8كشفو عليها مافتح ولاشي وعطوها جرعه 2وقامت تتالم وانا مكاني ماحدجاني ولا عطوني شي قلت شكلي بطوول وشوي تجي الدكتوره وتكشف ويدها ثقيله وتالمت مررره وقالت مفتوح 3يالله على غرفه الولاده وانا مستانسه حسيت قرب الفرج ولااحس بالم ابدا وجابت لي ثوب غرفه الولاده وقالت البسيه وركبتني عربيه وانطلقنا💪

دخلت الغرفه الاالقابله مجهزه كل شي بشوشه ومبتسمه وحنونه وارتحت لهاوطلعت على السرير مافيني اي الم وركبت التخطيط وعطتني ابره الشرج وقالت 5دقايق وعلى الحمام وشوي فكت التخطيط ورحت الحمام فرغت وجيت وركبت التخطيط وهي تبتسم وحطت جنبي الاكسيجين حق البنج وقالت اذا فيه الم حطيه واذا كان الالم مررره قوي نعطيك ابره بالعضل مسكنه