روشيها وانت جالسه طول ماانت بالاربعين اريح لك جسمك بعدة مفكك واكيد ببتتوجعي او خلي حد يحممها ويغير لها لاتضغطي ع نفسك

السلام عليكم مسااااء الخيييير

بنات صار لي٣ايام من الولاده ولحد الحين معي الم باخر بطني زي الشد والطلوق واخر ظهري
انا بس اشرب شاهي شجر وشوربه والظهر مطازيز بلحم ...مابديت بالحلبه وشلته خوفا من الامساك والتعصصصر ....فيه شيء يخفف الالم 😪


أستغفر الله وأتوب اليه

ربي يفرج كربتك وييسر لك انت وغيوم ونورة ومن هي رايحه تولد

مناير مرا غالية الشغالة ليش انا جبت وحدة كان سعرها ٢٠٠٠بس تنظيف وتمسك عيالي

مناير وش ٩٠٠٠😳😳😳

حسبي الله استغلال




اكشن ولادتي

طبعا دقوا الاثنين قسم التنويم ورحت الحمدلله في سرير جاهز لي طبعا مع الزحمات وصلت سبعه الرياض صايره تقرف
طبعا ماعلمت امي وابوي عشان مابي اشغل بالهم وابوي مايحب طاري العمليه وامي ياعمري اخاف اجيب لها السكر من التفكير والصياح
الحمدلله دعيت ربي يارب رحمه في والديني ماقلت لهم انك ترحمني حطني زوجي وعيالي والعبره خانقتني مدري وش بيصير علي اقول لزوجي ودي انحاش معكم😭😥 وهو صوته تغير واخذ العيال ومشا للبيت المهم جابو العشا تعشيت جا طبيب العمليات يكشف ويساءل بعدها طبيب التخدير المهم ابي انام ماش طار النوم من التوتر طفيت اللمبات والي جمبي ماشا الله نامت شوي الي النور كشح بعيوني وتدخل السيستر ماما دكتوره يجي جت قالت كلمتين مثل وجهها !!قالت تعرفي ايش معنى عمليه ومخاطرها !يالله وقعي وجع يعني انا لي حل ثاني غير العمليه ليش التخويف انا نصي نوم ضاعت علومي وارتعت راحت وعجزت انام واقعد ابكي وادعي ربي اقول بنفسي اعلم امي ولا لا ابي احد معي جد خفت المهم إذن الفجر وصليت جابو لبس العمليات وسوت لي قسطره ونظفت مكان العمليه من الشعر وانتظرتهم الين ثمان ونص جت وحده من العمليات حطتني بسرير واتكلنا على الله انتظرت بسيب قبل غرفه العمليات بدور يدخلون وجا دوري وجت دكتوره عسوله ربي يسعدها حقت البنج ومعها استشاري هندي كبير بالعمرويشرحون كيف يحطون انسدحت على سرير العمليات جاني رعب وقمت ارتجف وحرارتي ارتفعت قالو ايش فيمي قلت خايفه واقعد ابكي وتجي نيرس تجيب بطانيه دافيه تحطها علي يوم دفيت استرخيت الحمدلله وقعدت اذكر الله بدو بالبنج جلست وحطو مخده بحظني ونيرس قدامي تساعدني والدكتوره والاستشاري يشتغلون فظهري الحمدلله عقم المكان وحطت ابره بنج عشان ماحس بابره الظهر وشكتها شوي احس زي الحراره على ظهري بسرعه سدحوني وحطو الستاره وبدو يشتغلون وحق التخدير الدكتوره والاستشاري عند راسي واذكر الله وادعي قلت لها اخاف احس بألم تذكرت اني راعيه قهوه خخخخ قالت ماحتحسي تقول اي شي قولي قلت احس بدوخه ويغمى علي ويعطوني شي بالمغذي صحصحت شوي بديت استفرغ وانا منسدحه حطت صحن عندي وإذا تعبا تحط ثاني الين ارتحت توترت من سالفه الاستفراغ الله يعزكم لان احس بضغط شغل الدكاتره وضغط معدتي تعب شعور اليم عسا على اجر الحمدلله خلصو من العمليه طبعا طول شوي بسبب العمليات المتكررة طلع رحمي رقيق
اي نسيت بنص الشغل وروني بنتي بعدين عطوني منوم بعدها على الافاقه بعدها على غرفه التنويم الحمدلله الحمدلله الحمدلله الي ربي خلصني على خير ولاتنسون الصدقه أدعو الله استغفروا فوضي امرك لله



اشهد ان لااله الا الله حسبي الله عليه توكلت وهو رب العرش العظيم