دمعة الاسلام :

السلام عليكم بنات اخباركم تبون الاكشن ان شاء الله بس قبلها بشكر كل وحدة باركتلي فديتكم مع اني ماشاركت كثير بالتجمع بس اول ماكتشفت الحمل سجلت دخول معكم وبعدها فترة الوحام قطعتني وبعدها سحبت ع المنتدى كله الحين اخر حملي رجعتلكم ومامداني اشارك كم مشاركة ولدت 😂 بنات انا موعدي 20 نوفمبر يعني ولدت بدري ولدت اول التاسع وكنت متفاااجاة جدا صراحة توقعت بخلص التاسع وحاطة في بالي اروح اولد طلق صناعي مثل حملي الاول ولا فكرت بولادة ولا شي لكن قدر الله وماشاء فعل حتى ماكنت مخلصة اغراضي كاملة ولا اغراض البيبي وبيتي ناقصه اشياء كثير.. السالفة ومافيها ان نفسيتي كانت مرة تعبانة الايام الاخيرة ومتهاوشة مع ابو الشباب واخلاقي زفت قبل احس بالطلق سبحان الله تهاوشت معاه وعصبت مرة وصرت اتكلم بعصبية وقمت واصايح واهزأ ههه يعني فعلا بذلت مجهود وامشي سريع واروح غرفتي وسكرت الباب بقوة يمكن هالمجهود جاب الولادة وبعدين لما هديت قمت سبحت بماي ساخن وطلعت اخذت ملعقة عسل مع ماي كنت مزكمة وقلت يخفف عني ويرفع مناعتي ونمت بعدين صارت تجي الام بسيطة نفس الم الدورة وهيومن الثامن تجي بس كنت احسها شوي اقوى بدرجه والم خفيف جدا لا يكاد يذكر اسفل ظهري قلت ممكن مع العصبية والنرفزة والحركة الدفشة وكذا لين بعد الفجر صار الالم يزيد بس ابد ماتوقعت طلق وصرت اتضايق من مثانتي احسها تمتلي وكل عشر دقايق اقوم للحمام لين س 7 شكيت بالامر الالم صار يتكرر قلت لزوجي بروح مو متطمنة واخاف تروح دوامك ويجيني شي وانت مو هنا وطلعت من البيت دخلت طوارئ النسا فحصتني قالت 3 سم تفاجأت مرة يابنات مرررة قلت طيب بطلع قالت لا ادخلي احسن لك بعدين جت وحدة ثانية حطتلي التخطيط ع بطني قالت مافي غرف الحين وانت 3 سم ماراح يدخلونك يوفرون الغرف سمكن احد يجي 5 او 6 يحطون لهم اولوية احسن اطلعي ساعتين امشي ثم ارجعي لنا تكونين وصلتي 5 سم راح يضطرون يدخلونك قلت طيب هذا الي ابيه غير ان التخطيط مابين معي طلق . بس نبهتني لو الالم صار كل 5 دقايق ارجع بسرعة او نزلت المويات وطلعت. قلت لزوجي يلا سوق قال مجنونة قلت ماخلصت شغلي بخلص قال طيب نروح نفطر بمطعم لين ونتمشى لين تفتح الاسواق قلت طيب وافطرنا وجلسنا لين 9 دخلت المول وتقضيت سريع والالم معاي والاعصاب زفت كل ماجت طلقة يجي ببالي اتهاوش مع الكاشير او البايع ههه وخلصت سريع خلاص ماعاد فيني امشي ورجعت للبيت قلت برتاح مابروح لين تتقارب الطبقات ورجعت بيتي وجهزت شنطتي واغراض الببيبي وطلقي مو منتظم جنني مرة كل عشر دقايق مرة كل نصف ساعة واحيانا يمط كل ساعة وهنا بديت اتهاون لين صارت 5 خلاص احس الالم زاد رغم عدم انتظام ااطلق معي وقلت لزوجي خلاص بمشي للمستشفى ورحنا وفحصتني قالت تمام 5 سم ودخلوني غرفة الولادة ومعي ابو الشباب يخفف علي كل ماتجي طلقة يقعد يهديني لين نزلت الموية خلاص ماعاد فينس صرخت عليه قلت تكفى نادهم انا خلاص قربت اولد وراح يناديهم ثواني وهم عندي فحصتني الاخصائية قالت 9 سم ونادوا على دكتورني الي راح تولدني وجت وقالت مع الطلقة اكتمي نفسك وادفعي على تحت و5 مرات بغيت اشوف الموت وانا اضغط وادفع واكتم نفسي لين ولدت تعبت مرة مرة وبعدين المشيمة عذبتني والخياط احس بوخزة الابرة وكل هذا وانا اصايح من الالم والوجع واادكتورة تقول غريبة تحسين بوخز الابرة وانا حاطة المخدر بكثرة المهم بنات الي استغربت منه ان الدكتورة قبل اولد سالتني تين توسعة وخياط والا لا استغربت انها تسألني هالسؤال قلت اكيد طبعا ابي قالت طيب انا اذا قصيت ترى بخيط تجميلي قلت طيب المهم تعذبت بالخياط وقعدت ساعة تخيط وانا مو متحملة الالم ابد وقالت ترى ضبطت خياطتك مرةوراحت ومن بعدها وانا اصيح من الالم وجع موطبيعي قريب من فتحة الشرج واناديهم ابي مسكن تقولي الممرضة حطتلك الدكتورة تحميلة لازم تخدرك الحين قلت مانفعتني انا احس بالم ابي شي يسكن وتنادي الاخصائيات المناوبات وتجي تفحصني وامووت من الوجع. اصيح باعلى صوتي لين هي قالت وش فيه. اكيد في حاجة غلط وتروح تنادي غيرها وتجي تفحص ونفس الحكاية الم لا يطاااااق وصياح وتقولها حطوا لها بالمغذي مسكن ونرجع بعد ساعة ويحطون لي شي قوي وترجع بعد ساعة واتهاوش معها ولا خليتها تلمسني وهس تحاول فيني ورفضت وانا اصيح مثل البزران وراحت قالت بخليك ترتاحين وارجع بعد شوي قلت عساك مارجعتي مابي فحصك قالت لازم يمكن في شي غلط يمكن ناسين شاش يمكن دم متجمع وبعدين في بول منحبس لازم قسطرة نسحبه قلت عادي بس فحص داخل لا وجابت الممرضة القسطرة وتسحبب بول مرتين والم لايطاق وراحت وترجع بعد ساعة كنت اغفي خلال هالساعة وافز من نومي من شدة الرعب هههه عذاب والله لين جت اول ماشفتها قعدت اصيييييح مثل البزران والله وهس تهديني قالت خليني افحصك هالمرة باصبع واحد ماراح اوجعك وخليني اشوف فتحة الشرج ليش تالمك ومن هنا وهنا وافقت وانا دموعي تصب وتفحصني هالمرة بخفة ورقة وقالت مافي شي ويلا الحين تطلعين ترتاحين بغرفتك وتنامين وفرحت كثير وقلت لها بس ابي دكتورتي الي ولدتني ابي اتطمن اكثر ليه اللالم شديد وليه فتحت الشرج تالمني وليه االمسكنات ماتنفعني قالت حنا انصلنا عليها من زمان وقالت بتجيك وانتقلت لغرفة التنويم ومازال الالم مستمر بس هدأت اعصابي وجت دكتورتي وقلت لها كل شي قالت انا شديت الجلد ورتبته وخياطتي واثقة منها راح تجين تشكريني بس ماعليه تحملي 5 ايام وبعدها بيخف الوجع وكتبتلي على جل مسكن احطه مكان الالم ومرة ارتحت واعصابي هدات بس الى الان يابنات لازم اخذ المسكنات طول اليوم عشان اقدر اتحرك واجلس واقوم اه مرة تعب لكن الحمدلله والله يكتب اجرنا ويبارك لنا في ذريتنا والحين انا محدثتكم من على سريري في بيتي وولدي محمد جنبي 😄 دعواتكم ربي يخفف علي وجع الخياطة والام النفاس وعقبال كل الكروشات بالملف بولادة سهلة ميسرة يارب

السلام عليكم بنات اخباركم تبون الاكشن ان شاء الله بس قبلها بشكر كل وحدة باركتلي فديتكم مع اني...

الغلا 2016 :

لاتنسين حطي للنونو لبس معك في شنطة المستشفى بصراحه الواحد بس يخلص منها يحس انه ارتاح

لاتنسين حطي للنونو لبس معك في شنطة المستشفى بصراحه الواحد بس يخلص منها يحس انه ارتاح