بجيبهم اليوم ان شاء الله

الحمدلله البيبي بخير بس نومها قليل الله يعينا على السهر

صح بالتاسع رمضان وثقل النوم متقطع وبعد الولادة زاد

اكشن ولاده الي تخاف لاتقراه احسن لها
ليلة ولادتي كنت ماكله رطب كثييير
وانا منسدحه فجاه حسيت بمويه تنزل مني وناظرت الا والله مويه الجنين واضحه ولاتحركت من مكاني جاني خوف فضيع هذا الي تعبني الخوووف والتوتر النفسي رحت اتصلت ع اختي الكبيره واشكي لها وخايفه وهي تهديني تقول هذ الفرج مفروض تفرحين بس ماقدرت وتقولي قومي روحي الحمام وخذي دش دافي واشربي شي دافي ماقدرت جلست تكلمني تقريبا ساعه وطبعا كان ينزل مني مويه بدون اي الم هذا الي مخوفني اكثر
المهم بعد جهد جهيد قفلت من اختي ورحت الحمام وخذت دش دافي وطلعت وسويت لي يانسون وشربته وحاولت اهدي نفسي ماقدرت ابدا زوجي جا وجاب لي مويه مقري فيها هديت شوي بس بعدين رجع لي الخوف بعد الفجر انتفض بقوه ورجولي تعورني واصيح يعني مافي الم طلق بس في الم برجولي غريب وزوجي خاف وتوتر معي ويقول خلينا نروح المستشفى وانا اقوله خاف يحطون لي طلق صناعي خاف يحولوني عمليه يعني كل وقتي خايفه وبس واخر شي ساعه ٦ رحت المستشفى خفت ع البيبي لان المويه مستمره تنزل ومافي الم يوم وصلت كنت خايفه مره حتى الكل لاحظ علي ويحاولون يهدوني كشفت علي القابله لقته ٣ سم وبعد ساعتين لقته ٣ ونص تحطمت حسيته يفتح ع شوي شوي مو بسرعه المهم دقو ع الدكتوره تجي قالت اذا فتح ٨ سم نادوني وكشفت بعد ساعه وشوي لقته ٥ سم وانا مستغربه مااحس في الم !!! ودوني لغرفه الولاده وبعد ساعتين بعد كشفت ولقته نفسه ٥ سم ضاق صدري وجتني نفضه قويه وبرد وقمت اصيح وعطوني مهديات كثيره كل شوي يحطون لي ابره وانا ع نفس الحال وهي تقولي خلاص نامي وماقدرت انام بس اترقب الساعه وانتظر الفرج والخوف ملازمني ويوم كشفت علي بعد ساعه وشوي بدا يفتح قالت بين ٦ و٧ وركبو لي الطلق الصناعي اااه يارب الحمدلله ع كل حال وبعدها استدعو الدكتوره لاني طولت والطلق بارد وجت الدكتوره واشوف وجهها تعابيره غير مبشره قلت في شي قالت ان راسه بعيد تحطمت والله قالت بس بننتظر انتي اذا جاك احساس بالدفع ادفعي وجت طلقه قويه واحاول ادفع وهي تقول لسا الراس فوق والطلق الصناعي تعرفون كيف معاناته تعبت منه تعب اه بس الحمدلله يارب وطلقات قويه بس ماينزل الراس صرت اصيح اقولها تكفين خلاص قيصيريه ماعد فيني تعبت مافيني طاقه والقابله خوفتني قالت نبض الجنين ضعيف وتقوله بالانجليزي لازم عمليه وصرت ابكي اقول شفيه الجنين نبضه ضعيف قالت الدكتوره ماعليك منها خليك معي ان شاء الله بتولدين طبيعي قلتلها انا ماعد اقدر ادفع خلاص قوتي خلصت قالت ادفعي زين دفعك غلط اذا دفعتي زين بينزل راسه بس ماقدرت تعبت وجت طلقه قويه حسيت بكتمه فكيت الاكسجين وفكيت المغذي وقمت اصارخ ماعد اتحمل اول مره يصير لي كذا بولاداتيخوف وعدم تحمل مدري وش السبب للان مو عارفه الحمدلله ع فرج ربي وهي قالت خلاص هذا الراس عشان كذا تحسينن بكتمه واي طلقه تجيك لاتصارخين ع طول ادفعي حطي حيلك بادفع وقالت شوفي انا احس براسه قريب هاذي الكلمه شجعتني وحاولت ادفع مره مرتين ثلاث اربع وصرخت صرخه ووسعتني بقوه وساعدتني والممرضات ثنتين ع بطني يدفونه عشان ينزل والحمدلله طلع 😭 اه ياربي ماصدقت ولاقدرت اضمه ولاشي من التعب والارهاق والدكتوره تقول الي عسر ولادتك الخووووف انتي قلقانه مره ومتوتره ووتترتيني معك كنت بحولك قيصري بس قلت بنتظر نص ساعه والحمدلله فرجها ربي والله يابنات بعد هاذي التجربه حاسه اني بخاف من الحمل مو قادره بس ربي يعظم الاجر الحمدلله على فرجه بعد الشده واليسر بعد العسر الحمدلله الحمدلله

ماادكر اسم الغسول
ابو اسد تقريبا مضاد مش مسكن