ريحآانـهـ _
•
فتحته
الله يسعدكم جميعا ويبارك لكم والحمد لله على سلامتكم وانا انتظر موعد الطلق الصناعي والفرج من رب العالمين 💔الله يسعدكم جميعا ويبارك لكم والحمد لله على سلامتكم وانا انتظر موعد الطلق الصناعي والفرج من رب...
قلبي معك الله يسهل امرك ويرزقك شوفته بصحه وعافيه
الف مبروووك للي ولدو والله يسهل للبقيه ماقريت التجمع كله سبحان الله ياسرع الايام تمر باقي كم يوم وخلص الاربعين قضيت معكم احلى ايام تشاركنا فيها فرحة الحمل وتعبه عسى الله الي جمعنا هنا يجمعنا في جنات النعيم 💐💐💐💐الف مبروووك للي ولدو والله يسهل للبقيه ماقريت التجمع كله سبحان الله ياسرع الايام تمر باقي كم يوم...
اللهم امين يارب جد كانت ايام حلوه وكثير خفت عني امور لما شاركتها معكم
اكشن ولادتي طبعا زي ماقلت لكم من قبل نزلت مني المويات بشكل متقطع من بداية التاسع وقلت اني راح اولد بدري بس سبحان الله كملت شهري وقبل ولادتي بيومين نزل مني دم وقلت ولاده رحت للمستشفى ومارضت الدكتوره تكشف علي كشف داخلي سوت تخطيط وما كان معي طلق قلت لي روحي البيت اذا نزلت عليك مويه او حسيت بوجع ارجع لهم ويوم ولادتي طلعت انا وبو الشباب في استراحتنا اخذنا سحور وتسحرنا وما كان عندي اي الم يذكر رجعنا البيت وكنت ابدل ملابس بنتي وحسيت بشي دافي نزل عرفت انها المويه نومت اولادي بعد صلاة الفجر وجهزت نفسي وقلت اذا حسيت بالم بروح بس ماحولي الم وعلى الساعه ٨نزل افرازات بنيه مع خيوط دم ومويه انا وقتها خفت على البيبي لايصير له له شي قلت يا بنت خليني اروح اكشف عشان اطمن على البيبي لايصير له شي وكل هذا ولافي الم طلق بس مويات وافرازات رحت لهم على الساعه ٩ وستودعت اطفالي تركتهم وهم نايمين 😭 لما جيت لهم كشفت علي قالت مفتوح ٣سانتي ومارح نخرجك بس مافي طلق قلت لزوجي يجيب لي تمر ومويه عشان افطر ويمكن يخفز الطلق انه يجي وجت الساعه ١٢الظهر ووصل ٤سانتي بدون الم طلق الرحم ماخذ راحته يفك براحته ونا النفسيه صارت تحت من كثر السهر وخوف الولاده وبعدين على الساعه ٤العصر جت قاست الدكتور ووقف على ٤ سانتي مو راضي يفك قالت لي الدكتوره احنا مانقدر نعطيك طلق عشان عندك قيصريه من قبل بس بنصبر عليك ولازم ناخذ تخطيط للعمليه عشان لو اظطرينا نسويها لك قلت اوك اهم شي اني افتك وولد تعبت من الانتظار وطلق بارد مافي وجع قلت لها يادكتوره انا معي امساك لو تصرفي لي تحميله وبلفعل اخذت التحميله وبعد ساعه اروح ورجع للحمام ولالم بدا يجي ويروح ونا اخذ نفس عشان يزيد سبحان الله شكله من الامساك هو الي ماييخلي الطلق يزيد المهم انه بعد المغرب بداء الالم الصدق الي يروح ويجي اذا شد علي اخذ نفس اشم ورده وطفي شمعه لين وصلت الساعه ١٠ ونا اصارخ عليهم تعالو جت الدكتوره تلمس بطني تقول مافي وجع تحسب اني استهبل تقول مو متحجر قلت وجع مره نسيت اقول لكم اني طشيت الجهاز الي مربطيني فيه عشان يشوفو النبض وقوة الطلق وهي تكشف علي قالت خلاص ولاده عشره وهم يتجمعون النيرس والدكتوره ونا صوتي واصل اخر الم وهي تقول لي بدون صريخ اذا حسيتي وجع دفي المهم ان ساعه الولاده كانها حلم حسيت اني في عالم ثاني يمكن من جهاز الاكسجين الي اشفط منه وبعد الصريخ والازعاج ودكتوره تقول لي بطلي صراخ عشان تولدي ونا قلت في نفسي خليني اسكت شوي عشان افتك وبلفعل سديت فمي وضغط على تحت وطلعت احلى قمر لدنيا في يوم ١٤ وهي بلفعل قمر ١٤ الله يحفظها ويخليها لي ويرزقني برها وانا مافي على لساني غير الحمدلله الحمدللهاكشن ولادتي طبعا زي ماقلت لكم من قبل نزلت مني المويات بشكل متقطع من بداية التاسع وقلت اني راح...
الحمدلله على خلاصك وسلامتك صارت ذكرى ماشاءالله
غروب :
اكشن ولاده الي تخاف لاتقراه احسن لها ليلة ولادتي كنت ماكله رطب كثييير وانا منسدحه فجاه حسيت بمويه تنزل مني وناظرت الا والله مويه الجنين واضحه ولاتحركت من مكاني جاني خوف فضيع هذا الي تعبني الخوووف والتوتر النفسي رحت اتصلت ع اختي الكبيره واشكي لها وخايفه وهي تهديني تقول هذ الفرج مفروض تفرحين بس ماقدرت وتقولي قومي روحي الحمام وخذي دش دافي واشربي شي دافي ماقدرت جلست تكلمني تقريبا ساعه وطبعا كان ينزل مني مويه بدون اي الم هذا الي مخوفني اكثر المهم بعد جهد جهيد قفلت من اختي ورحت الحمام وخذت دش دافي وطلعت وسويت لي يانسون وشربته وحاولت اهدي نفسي ماقدرت ابدا زوجي جا وجاب لي مويه مقري فيها هديت شوي بس بعدين رجع لي الخوف بعد الفجر انتفض بقوه ورجولي تعورني واصيح يعني مافي الم طلق بس في الم برجولي غريب وزوجي خاف وتوتر معي ويقول خلينا نروح المستشفى وانا اقوله خاف يحطون لي طلق صناعي خاف يحولوني عمليه يعني كل وقتي خايفه وبس واخر شي ساعه ٦ رحت المستشفى خفت ع البيبي لان المويه مستمره تنزل ومافي الم يوم وصلت كنت خايفه مره حتى الكل لاحظ علي ويحاولون يهدوني كشفت علي القابله لقته ٣ سم وبعد ساعتين لقته ٣ ونص تحطمت حسيته يفتح ع شوي شوي مو بسرعه المهم دقو ع الدكتوره تجي قالت اذا فتح ٨ سم نادوني وكشفت بعد ساعه وشوي لقته ٥ سم وانا مستغربه مااحس في الم !!! ودوني لغرفه الولاده وبعد ساعتين بعد كشفت ولقته نفسه ٥ سم ضاق صدري وجتني نفضه قويه وبرد وقمت اصيح وعطوني مهديات كثيره كل شوي يحطون لي ابره وانا ع نفس الحال وهي تقولي خلاص نامي وماقدرت انام بس اترقب الساعه وانتظر الفرج والخوف ملازمني ويوم كشفت علي بعد ساعه وشوي بدا يفتح قالت بين ٦ و٧ وركبو لي الطلق الصناعي اااه يارب الحمدلله ع كل حال وبعدها استدعو الدكتوره لاني طولت والطلق بارد وجت الدكتوره واشوف وجهها تعابيره غير مبشره قلت في شي قالت ان راسه بعيد تحطمت والله قالت بس بننتظر انتي اذا جاك احساس بالدفع ادفعي وجت طلقه قويه واحاول ادفع وهي تقول لسا الراس فوق والطلق الصناعي تعرفون كيف معاناته تعبت منه تعب اه بس الحمدلله يارب وطلقات قويه بس ماينزل الراس صرت اصيح اقولها تكفين خلاص قيصيريه ماعد فيني تعبت مافيني طاقه والقابله خوفتني قالت نبض الجنين ضعيف وتقوله بالانجليزي لازم عمليه وصرت ابكي اقول شفيه الجنين نبضه ضعيف قالت الدكتوره ماعليك منها خليك معي ان شاء الله بتولدين طبيعي قلتلها انا ماعد اقدر ادفع خلاص قوتي خلصت قالت ادفعي زين دفعك غلط اذا دفعتي زين بينزل راسه بس ماقدرت تعبت وجت طلقه قويه حسيت بكتمه فكيت الاكسجين وفكيت المغذي وقمت اصارخ ماعد اتحمل اول مره يصير لي كذا بولاداتيخوف وعدم تحمل مدري وش السبب للان مو عارفه الحمدلله ع فرج ربي وهي قالت خلاص هذا الراس عشان كذا تحسينن بكتمه واي طلقه تجيك لاتصارخين ع طول ادفعي حطي حيلك بادفع وقالت شوفي انا احس براسه قريب هاذي الكلمه شجعتني وحاولت ادفع مره مرتين ثلاث اربع وصرخت صرخه ووسعتني بقوه وساعدتني والممرضات ثنتين ع بطني يدفونه عشان ينزل والحمدلله طلع 😭 اه ياربي ماصدقت ولاقدرت اضمه ولاشي من التعب والارهاق والدكتوره تقول الي عسر ولادتك الخووووف انتي قلقانه مره ومتوتره ووتترتيني معك كنت بحولك قيصري بس قلت بنتظر نص ساعه والحمدلله فرجها ربي والله يابنات بعد هاذي التجربه حاسه اني بخاف من الحمل مو قادره بس ربي يعظم الاجر الحمدلله على فرجه بعد الشده واليسر بعد العسر الحمدلله الحمدللهاكشن ولاده الي تخاف لاتقراه احسن لها ليلة ولادتي كنت ماكله رطب كثييير وانا منسدحه فجاه حسيت...
ياعمري ياغروب قد ايش عانيتي بس الحمدلله اللي خلصك من العمليه ولا احتجتي لها الحمدلله انا بعد هالمره الالم اللي حسيته بالولاده من ٤ سم مو طبيعي والله وماني عارفه ليه كان كذا وقعدت افكر الف مره بتاخير الحمل لاكثر من ٣ سنين لعلي انسى
الصفحة الأخيرة