صباح الخير كروشات 💕كيفكم جميعا وكيف النفسية مع قرب الإنجازات😁أمس قفلت شنطة المستشفى ونقلت أغراضي وأغراض أطفالي لبيت اهلي استعدادًا للولادة وكأنها البنت اتحمست تروح بيت جدها طول الليل ما ني قادرة أنام احس بمغص وألم يمسكني في ظهري وعلى طول حمام وأنتو بكرامة وحركتها زائدة والقلب صار يقرقع 🥺
ودي اقعد اسبوع كمان اروق بيتي واتفضى لنفسي وأروح الصالون اسوي تنظيفات شاملة قبل الولادة 💅🏻💆🏻♀️💅🏻
بالنسبة للاستقبال الحمد لله جهزت كل شيء وحتى التوزيعات والاستاندات والسبتات وديتها محل ورد زينتها باقي أعبيها شوكلت وموالح على النفاس ان شاء الله🥳🥳
لأني اعتبر الاستقبال فرحة للأم قبل الناس يعني مفرش سريري وكمان سرير البيبي هذا شيء بيفرحني أنا واستفيد منه لمن ارجع بيتي فصراحة شريت شيء يجنن والحمد لله لقيت نفس القماش وديته للخياط وسوالي لسرير الأميرة نفسه طقم مع الكوفله وكل التبعات 😍
والزينة والتنسيقات الكمالية هذي تخصص اختي مبدعة جدا فيها وهذا تخصصها عاد خلها تبدع لي 😘😘
أما مين بيزورني صراحة ما راح أرد أحد وبنفس الوقت ماراح أنادي أحد الناس صار عندها وعي يعني البعيد ماراح يتعنى لكن القريب زي اخواتي وحريم اخواني وجداتها وأخوات زوجي وسلفاتي اكيد دولا يعنيهم انهم يزوروني فعيب أردهم خاصة اني بعمارة أهل زوجي يعني هم جاراتي قبل كل شيء وأنا شايفتهم ملتزمين بالحظر لا روحه ولا جيه كل وحدة ببيتها ومنها ما تقعد في نفسي انو بنتي الحلوة ماصار لها شيء زي اخوانها خاصة اني كنت أتكلف كثير في استقبال أخوانها وسوابعهم
لكن بدون تلامس جسدي لا بوس ولا سلام وهذا الشيء اصلا من بدأ كرونا كلنا ملتزمين فيه حتى أمي قلب قلبي صارلي ٤ شهور وأكثر ما سلمت عليها ولا لمستها وكذلك أم زوجي وكل من قابلتهم عادي كلنا نقول السلام نظر ولا حتى نقرب الأطفال ولا نبوس ولا نحبب ولا نتلامس والوضع ماشي والحمد لله ما عندنا اَي إصابات 🥰
صباح الخير كروشات 💕كيفكم جميعا وكيف النفسية مع قرب الإنجازات😁أمس قفلت شنطة المستشفى ونقلت أغراضي...
حنين الف سلامة عليك الله يهون ما تبقى من حملك ويستهلك الولادة السهلة الميسرة 😘
خفايا الوجود أنا رأي الشخصي مو البر اسمي على أمي أوجه البر متعددة
وأمك ماشاء الله عليها اختارتلك أحلى الاسماء قمر 😍 وه بس وه أنا ميته على الإسم الله يسخر لي زوجي ويرضى اسمي قمر >> فديت الدلع بس🥰
زوجي فكرته زيك انو البر يسمي على أمه وليت اسمها فاطمة كان سميت لكن اسم جدا قديم وأنا والله احب ام زوجي لكن أبدا مو البر اني اسمي عليها البر أنا أبرها وأحث ولدها وأحفادها على برها
دين الوالدين مستحيل نوفيه لكن اسأل الله عز وجل إن يسخرنا لبرهم وادخال السعادة لقلوبهم ❤️
لبى قلبي وكل كروشه نفسيتها متأزمة 🥺 والله العظيم كلنا مثقلين جدا جدا تعب نفسي وجسدي وحجر ومافي عاملات أتوقع كل مامات أزمة كرونا نفس المعاناة 😰
أنا كل ماوصلت لهذي المرحلة من الضيقة والغلقة اذكر نفسي بأسوأ شيء قيد مريت فيه “ وهو فقدان طفلي قبل “ وكنت اتخيل انو الدنيا خلاص وقفت لكنها ما وقفت استمرت وعشنا وفرحنا وانجبرت خواطرنا💕
وأكيد هذي الفترة راح تعدي والحمل منتهي منتهي إن شاء الله والله يرزقنا لذة احتضانهم بصحة وعافية ويفيض الفرح في قلوبنا بعد معاناتنا >> لا تفكري في الوضع الراهن واللحظة اللي عايشتها فكري بالحصيلة النهائية وفرحتها صدقيني راح تتجاوزي الضغط النفسي دا
وإحساس الضياع طبيعي جدا الإنسان يخاف المجهول والجاي كلو مجهول في علم الغيب لكن نتفائل وندعي الله الفرج 🙌🏻