فديت قلبك ..


اذكر انك تراجعين بعسكري الرياض ..
كيف عناايتهم وتعاملهم ؟

الله ييسرلها لك ويجعلها برد وسلاما عليك وتقومي بالسلامة يارب استودعناك الله

السلام عليكم ورحمه الله وبركاته كيفكم يا حلوات وحشتوني كثيررر و وحشنى التجمع بس تعب ونوم ملخبط ماني عارفه الحق علي ايش ولا ايش بس عاد يا زين اسمي في قائمة التباشير ههههههه يعطى راحة نفسيه هههه عقبالكم يا كروشات تولدو بالسلامه وترتاحو وتحضنو بيبيهاتكم بالسلامه بنتي سميتها شهد ودحين حكتب لكم اكشن ولادتي

راحو الحمدلله تعبت تعب الوقفه كسرت ظهري ونمت من عشر ونص وقمت الساعه ١

اول مره اكتب اكشن ولادتى 😅 انا ولدت الخميس بس قبلها يوم الثلاثاء ماحسيت للبنت حركه فخفت وقلقت خاصة بعد مابحثت بقوقل زاد خوفي اكثر كان الوقت بالليل بعد العشاء فقلت اروح اول مستوصف علشان اسرع من الطوارئ المستشفى فرحت والحمد لله دخلونى بسرعه علي دكتورة النسا وعملت تخطيط علي بال ماتخلص المرضى الى معاها وطمنتني ان النبض كويس بس قالت لازم ثاني يوم الصباح روحى طوارئ المستشفى الى راح تولدي فيه وبس رحت لهم ثاني يوم وجلست عندهم اربع ساعات سويت تخطيط وانا اصلا كان معايا تحجير بس ما احس بحركتها الاقليل مره فقالت لي الممرضه ان في طلق عملو تحاليل وخلونى احسب حركاتها ودكتورة الطوارى فهمتني انتبه لحركتها واحسبها كل مره احط علامه بورقه الا التحجير قالت هذا طلق لا تحسبيه والحمد لله حسيت ب ١٠ حركات وتحاليلي كويسه وسو مسحه للمهبل وموعد جديد ومشيت الاربعاء حسيت الالم زاد بس مو ولاده وتعالو يوم الخميس الصباح راحو العيال مدارسهم وزاد الالم وصار متقارب كل ٨دقايق بس مو الالم الشديد فقمت شربت قهوه تنشطني خخخخ ورتبت البيت ونظفته ورتبت ملابس اولادى واغراضهم عالعصر خلاص صار الالم اقوى ومتقارب اكثر اتروشت بمويا دافيه وسويت مغطس يا انه مريح راحه مو طبيعيه المويا الدافيه تخفف الم الطلق بطريقه خياليه تمنيت اولد فيه بس يادوب قمت لبست ملابسي علشان خلاص اروح المستشفى والحمد لله مرتبه شنطة المستشفى وعبايتي من بدري الا موية الراس انفكت خلاص اول نره تنفك علي المويا بالبيت وعلي فكره ترا هذه المره مانزلت علي سدادة ولا شفتها وطيران عالمستشفى الساعه ٥ العصر ودخلوني خلاص ولاده كان الرحم مفتوح بس ٤ واتنفس شمى ورده وطفى شمعه خففت صراحة من الالم لان سرت اركز بالتنفس لحد ماخلاص استويت وزاد الطلق وصار متقارب اكثر بس الرحم مفتوح ٦ فسارو يسو زي التحريض لان خلاص انا صرت ادفع غصبا عنى مو بكيفى لحد ماخلاص ولدت الحمد لله الساعه ١١وثلث الليل وسمعت صوت بنتى وارتحت خلاص الحمد لله والشكر وخيطو المشكله الى صارت معايا ان مسحة المهبل كشفت ان عندى بكتريا gbs فاعطوني مضاد حيوي جرعتين وحده اول ما دخلت كشك الولاده والثانيه وانا خلاص اولد بعدين بنتي الحمد لله مافيها شي بس احتياط تنومت بالعنايه المركزه للخدج علشان خافو انها انعدت من البكتريا وقت الولاده تنومت ٤٨ ساعه وسو لها مزرعه دم ونستنا النتيجه بعد ٢٤ ساعه وبعد ٤٨ ساعه والحمد لله يارب لك الحمد والشكر طلعت كلها سلبيه وكتب لها الاستشارى خروج واعطونا تقرير بالحاله لاى طارئ لا سمح الله طبعا بسبب البكتريا هذه اتنومنا ٣ ايام وخرجنا الحمد لله ورجعت البيت يارب لك الحمد والشكر كما ينبغي لجلال وجهك وعظيم سلطانك اللهم امين يارب.