EMAN H H :

حبيباااتي ربي يبارك فيكم جميعا وعقبال فرحتنا بالبقية ربي يهون عليكن ويقومكن بالسلامة يارب أنتن وأطفالكن ياحي ياقيوم الأكشن أن الخميس كان عندي موعد عند الدكتور وقاس لي الحوض بيشوف اذا اقدر اجيب طبيعي او لا لانه كان ينصحني بالقيصري عشان حملي عزيز، وانا رافضة طبعا القيصري قلت احاول طبيعي ولو لاسمح الله لاحظتوا فيه خطورة ع الجنين حولوني قيصري ، المهم بعد ماطلعت من الدكتور كان فيه كوفي بالمستشفى مريتهم وأخذت عصير اناناس وشربت منه وكذا ويوم جاء الجمعة الصباح حسيت بمغص صحيت من النوم الا رجل الجنين اللي كنت أحسها في ضلوعي صرت ما احس فيها واتقلب براحتي ماتوجعني قلت اكيد انه نزل الجنين للحوض ، المهم رحت دورة المياه الا جاني اسهال تكرمون جميعا قلت بس هذا اللي يقولوا عنه بنات التجمع ان الاسهال علامة ولادة 😁، والله واقوم اتوضأ واصلي الضحى وادعي ربي واقرأ سورة البقرة وانفث بماء واقرأ الادعية والايات اللي نزلتها لكم وانفث بعد بالماء وكذا ، وبعدها قمت اسوي تمارين القرفصاء واسوي لي كوب معه ملعقتين عسل ونص ملعقة حبة سودا واشربه ، واسوي لي ابريق من ( كمون. يانسون . حبة سوداء. حلبة ) واشربهم واكل تمر مع سمن ومعاه كمان كمون وشمر وحبة سوداء، وامشي بالبيت واصعد الدرج وانزل يمكن اربع مرات المهم لين جاء الظهر ورحت تروشت وارسلت زوجي يجيب اناناس طازج ماحصل غير عصير اناناس واشرب كوب منه وبدا المغص معاي يجي شوي ويروح واشم وردة واطفي شمعة واحسب له يجي كل خمس دقايق ومرات كل عشر دقايق ومرات كل ثلث ساعة ملخبط يعني ومتقارب ، المهم وادخل دورة المياه الا تنزل افرازات جدا جدا ثقيلة توقعتها السداداة لازم اسحبها سحب وكذا مره ادخل وينزل نفس الشي اخر مرة نزل معاه شوي دم تكرمون وتأكدت انها السدادة وانتظر لين اذن العصر واصلي واروح المستشفى ويكشفون علي طلع فاتح ٣ الى ٤ سم قالت ارجعي للبيت وامشي وكذا ولاتجين لين يشتد ماتقدرين تتحملين، وارجع للبيت وامشي واشرب نفس المشروب وحسيت ان فيني جوع واكل توست وكذا بين الطلقات 😁😁 كلش ولا الجوع ههههه ، المهم لين جت الساعة سبع المغرب خلاص ماقدرت انحمل الالم واروح لهم طلع فاتح ٥ سم 😞 قالت اوك خلاص انتظري عندنا ووقعوا زوجي ع الطبيعي والعملية قالوا لو لاسمح الله صار شي نحولها عملية ويركبون لي جهاز كشف الطلق وكذا واجلس تقريبا ساعة وفتح سبعة سم وبعدها ودوني لغرفة ثانية وجلست فيها وجتني الدكتورة اللي بتولدني ومعها دكتورة ثانية ولبست ملابسهم ورحت غسلت بدورة المياه وجلست تجيني الطلقات قاسوا الرحم فاتح تقريبا الا فتح كله بس الجنين مو راضي ينزل الحوض وبدت تجيني الطلقات القوية حقت الدفع واصرخ وبعدين احاول اخذ نفس بس الالم اقوى وشوي اصرخ وشوي اخذ نفس المهم والدكتورات فوق راسي يقيسوا نبض الجنين وكل شوي يقيسوا من جوا اذا نزل للحوض او لا ومارضي ينزل وشوي الا الدكتورة تغير وجهها قالت الجنين ضعف نبضه لازم نحولك عملية مو راضي ينزل للحوض قلت اللهم اني وكلتك امري فدبرني بما تراه خيرا لي ف وحدة من الدكتورات تدق ع زوجي والثانية تدق ع دكتوري اللي متابع حالتي عشان هو اللي يسوي العملية لان الدكتورة فقط تولد طبيعي المهم جاء دكتوري وهو عليه لبس البيت لان اجازته اصلا ويجي يكشف عليه وتجيني طلقة قوية وهو يصرخ علي قال يالله ادفعي ادفعي وخوذي نفس مو تحلسي تصرخي بلا فايدة حرام وصلتي المرحلة هذي ونحولك عملية يالله ساعدي نفسك قلت كيف ادفع 😭😭 قال تخيلي نفسك معاك امساك ومن تحي الطلقة القوية ادفعي المهم واسوي كذا مرتين الا شوي قال يالله انزلي انزلي وروحي مشي ع رجولك للغرفة الثانية قلت وين اي غرفة😢 قال غرفة الولادة اجل بتولدين هنا؟ 🧐 والله واروح مشي والعفش من ورى طالع 🤭 وامشي بالاسياب لين وصلت كشك الولادة ع ماوصلت للسرير قبل اصعد الا وتجيني طلقة قوية وماقدرت اصعد وهو يصرخ علي الدكتور بسرررررررررعة اصعددددددي تبين البيبي يطيح ع الارض 😡، والله واصعد ويوقف ع راسي قال يالله اول ماتجي الطلقة ادفعي كلها دفعتين ثلاث وانتي والده بالسلامة طبعا الدكتور بس واقف عند بطني وراسي والدكتورة عند رجولي وهو بس يوجهني بالكلام ايش اسوي ، والله وازفر وازفر مع مل طلقة شوي الا طلع الجنين وياخذونه ماسمعت صوته 😭😭 شوي الا صرررخ حبيب قلبي يوم غسلوه 😭😭😭 واقعد احمد ربي احمد ربي احمد ربي 😭😭😭😭 وبعد ماغسلوه جابوه لي ابوسه وعلى طول خذوه للحضانة والدكتورة جلست تخيط فيني وخيطتني لين فتحة الشرج صار تمزق ع كلامهم وبعدها ودوني للغرفة السابقة وجابوا لي اكل بس نفسي مسدودة ما اكلت شي جلست تقريبا ساعة الا ويجيبون لي حبيبي بسرير الحضانة ع اساس اشوفه وابوسه اول مارفعت جسمي من الفراش عشان اخذه الا وتضربني حمى ورعشة برررررد جلست انتفض انتفض واصرخ ع الممرضة جيبي لي زيادة غطا تقول مافيه بس هذا غطا واخذ ملابسي القديمة والبس البس والف المفرش علي وانتفض وراحت الممرضة بطفلي ماخلتني اشوفه وابوسه وزوجي يقول اشبك تنتفضي شكلك خفتي يوم شفتي الطفل ، قلت ايش خفت ؟! لا هذي حمى النفاس جتني حتى بطفلي الاول ربي يشفع به، بس مو راضي يصدق 😒، المهم بعدها نزلوني لغرفة الملاحظة وطفلي حبيبي ماشفته غير من بكرا الصباح جابوه لي وضميته ولبسته ملابسه 😍 وطول ماهو قبالي بس جالسة اتأمله واحمد ربي 🙌🏻😭 وبس هذا اللي صار معاي والحمدلله ربي سهلها ويسرها وفكني من العملية بآخر لحظة الحمدلله وقومني وطفلي بالسلامة وعقبال البقية يارب افرح فيكم وفي اطفالكم.

حبيباااتي ربي يبارك فيكم جميعا وعقبال فرحتنا بالبقية ربي يهون عليكن ويقومكن بالسلامة يارب أنتن...

ليالي نجد1991 :

وين أحصل نفس هالكاسات ؟؟؟؟ دايم يجيبونها الصبابات وحقين الإستقبال ، تعبت ادورها وماحصلت شيء 😩😩

وين أحصل نفس هالكاسات ؟؟؟؟ دايم يجيبونها الصبابات وحقين الإستقبال ، تعبت ادورها وماحصلت شيء...

Noony_95 :

ماشاءالله تبارك الله 😭😍💙💙💙 ألف الحمدلله ع سلامتك وسلامة الشيخ يتربى بعزكم يارب دخلت جو وانا اقرا اكشنك 😩😂 طيب بنات ع طاري نزول البيبي للحوض اذا كان البيبي نازل ع تحت بس مو داخل الحوض ممكن تتعسر الولاده ؟ أفيدوني بنات شايله هم ، لاني تو كان عندي موعد اليوم والدكتوره تقول راس البيبي متوجه تحت بس مو داخل الحوض ووقت الطلق والولاده ينزل الحوض هل صحيح كلامها أو لا ؟

ماشاءالله تبارك الله 😭😍💙💙💙 ألف الحمدلله ع سلامتك وسلامة الشيخ يتربى بعزكم يارب دخلت جو وانا اقرا...

رومآنس :

ايمان اتوقع الدكتور خلاكي تمشي للغرفه الثانيه عشان ينزل الجنين في الحوض

ايمان اتوقع الدكتور خلاكي تمشي للغرفه الثانيه عشان ينزل الجنين في الحوض