Maiasm :

الله يبارك فيكم جميع حبيبات قلبي وعقبال اللي ماولدوا يارب تسهل عليهم وتخلصهم الخلاص الحسن بقولكم الآكشن قبل انشغل مع اختبارات عيالي 🥺 البارح الساعه ١١ بالليل جاني مغص ع شد من تحت وتحملت قلت يمكن مو ولاده وصليت الوتر وانسدحت بنام الا شي يشد بقوه ع تحت وفجأه انفتحت المويا وع طول اخذت شنطتي وطرت ع المستشفى والألم يزود وكنت خايفه أولد فالسياره ويوم وصلت وكشفت الدكتوره قالت مفتوح ١ سم بس 😳هنا انا خفت وقلت كل هالالم وبس ١ المهم طلعوني غرفة الولاده وكل ماكشفت معلق ع ١ سم وانا تعبت من الطلق وبعد ساعتين وصل ٣ ونص وعلق انا تعبت وقلت خلاص ي دكتوره ابي عمليه وطبعا الدكتوره كل ماقاست وشافت مافيه تغيير احس نظرات الشفقه بعيونها😭قالت خلينا نستنا نص ساعه وجات قاست والحمدلله صار خمسه وعلق لمدة ساعه وكشفت عشان تشوف الراس قريب او لا قالت لسا بعيد هنا انا تحطمت وتمنيت العمليه اخر شي قلت لها خلاص ويحتوي ابي عمليه قالت بنشوف الى الساعه ٥ اذا مافتح الرحم والراس ماصار قريب خلاص عمليه وجت الساعه ٤ ونص وصار مفتوح سبعه وانا ادعي اقول يارب ان كانت العمليه شر لي اصرفها عني وفجأه ي بنات جتني ذيك الطلقه القويه اللي نفضتني نفض وطلع النونو حبيبي 😭واجلس احمد ربي واشكره والدكتوره تقول معاي الحمدلله الحمدلله الحمدلله ويارب لك الحمد والشكر وي بنات بنصحكم نصيحه امشوا ترى المشي هو اللي ينزل الراس عشان يلين عنق للرحم انا ماكنت امشي ابد بس جالسه وكنت خفيفه مااحس الراس ضاغط تحت عشان كذا دخلت الشهر العاشر والرأس مرتفع نصيحه امشوا كل يوم ساعه اي صح وعطوني ثلاث ابر ملينه لعنق الرحم والدكتوره تقول مره قاسي مو راضي لين وسألتها ليش طيب؟ قالت لان الراس مرتفع مانزل عشان يضغط ويلين عشان كذا انصحكم المشي مهم بس مشي معقول مو تهلكون نفسكم ساعه باليوم يكفي والله يهون عليكم جميع ويرزقكم الطلق الهين اللين🌹

الله يبارك فيكم جميع حبيبات قلبي وعقبال اللي ماولدوا يارب تسهل عليهم وتخلصهم الخلاص الحسن...

نـــ. nøør ــوّاره :

رحت للطوارىء اليوم عشان التهاب الحلق والكحه وجات وحده تعبانه وتتألم اسمع الدكتوره تقول خمس سم مفتوح ويدفون السرير بيطلعونها الكشك حسيت بخوف بشرد خلاص حسيت أنا اللي بولد يارب ثبتنا في ذيك اللحظه وقوي قلوبنا وييسر ولادتنا يارب

رحت للطوارىء اليوم عشان التهاب الحلق والكحه وجات وحده تعبانه وتتألم اسمع الدكتوره تقول خمس سم...

منــــولة :

انا مثلك الهام لي يومين مغص مثل الدورة يروح ويرجع لي الله يسهلها ويهون علينا...

انا مثلك الهام لي يومين مغص مثل الدورة يروح ويرجع لي الله يسهلها ويهون علينا...