ماشاءالله أم راشد الف الحمدالله على سلامتك وسلامة الاميرة دانة تتربى بعزكم يارب💜🥰

الف الف مبروك ام راشد والحمدلله على سلامتك الله يجعلها من الصالحين البارين ومن حفظة كتاب الله تتربى في عزكم 🤍

.
. ورده واظن ام عزوز لاتسوون زيي الدكتور قالي استمري وطنشت قلت اصلا نفاسي لوحدي وطبعا راح اتحرك
ولما حملت لسى يادوب حللت على طول جاتني جلطه وسألني انتي بعد ولادتك كملتي على ابر السيوله قلت لا
واذا جاتكم جلطه لاسمح الله انسو حبوب منع الحمل للابد

ام راشد الف مبروك وتتربى بعزكم يارب
الحمدلله على سلامتكم

بالنسبة لاكشن ولاداتي
مافيها اكشن كثير لان رايحه موعد العمليه بدون طلق ولاشي طبعا سبب العمليه الطفل مقعدي وقالت بعطيك طلق صناعي فيه امل يلف بس للامانه رفضت مالي نفس اتعب واستخرت ووافقت ع القيصري
ورحت المستشفى ع الفجر عمليتي كانت الساعه ٨ ودخلت وسويت اجراءات الدخول وكنت انتظر وقت العمليه وحاطين لي الجهاز اللي يشوف الطلق ونبض الجنين استغفر الله نسيت اسمه 😂🤭
المهم المضحك انه قبل موعد العمليه بخمس دقايق جاني طلق يطلع لهم في الجهاز الظاهر مع الارتباك
ودخلوني ياربيه يابنات والله احس الموقف يخوف قلت تكفون ابي بنج كامل خايفه مابي اشوف وجوا ثلاث يقنعوني النصفي احسن واصروا علي وعطوني ابرة الظهر والله للامانه حسيت فيها وهي تدخل جسمي كانها كهرررب مرره ارتبكت من ذي اللحظه وتوترت وارتفع الضغط عندي قلت تكفون نوموني سووا لي اي شي خايفه مرره ماقدر وحمدلله نوموني وماحسيت بشي وعدت العمليه ع خير وطلعت للافاقه وانا مهلوسه مره وفكوا لي القسطرة تقريبا الساعه ١٠ الليل
وبدوا يمشوني يالله اول قومه تجيب الدوخه وكل مره تصير اخف من اللي قبلها حمدلله
والحمدلله على نعمة المسكنات والله مسكن ورا مسكن ماتتالمين كثير حمدلله انا ولدت في الحبيب مررره تجنن عنايتهم دلع صراحه واهتمام انصح فيه من كل قلبي خصوصا القيصرية حتى لو تجلسين بدون مرافق عادي ماتحتاجين الممرضات يكفون
اليوم الحمدلله توني ارجع للبيت ومشيتي والالم مرره اخف وفكوا لي اللصقه اللي على الجرح وقالوا بس مسحيه بمسحه طبيه
هذي بالنسبة لولادتي واعتبرها ولاده حلوه واجابية اللهم لك الحمد اللي عندها سؤال انا حاضره والله يهون عليكم يارب