بالنسبة لاكشن ولاداتي
مافيها اكشن كثير لان رايحه موعد العمليه بدون طلق ولاشي طبعا سبب العمليه الطفل مقعدي وقالت بعطيك طلق صناعي فيه امل يلف بس للامانه رفضت مالي نفس اتعب واستخرت ووافقت ع القيصري
ورحت المستشفى ع الفجر عمليتي كانت الساعه ٨ ودخلت وسويت اجراءات الدخول وكنت انتظر وقت العمليه وحاطين لي الجهاز اللي يشوف الطلق ونبض الجنين استغفر الله نسيت اسمه 😂🤭
المهم المضحك انه قبل موعد العمليه بخمس دقايق جاني طلق يطلع لهم في الجهاز الظاهر مع الارتباك
ودخلوني ياربيه يابنات والله احس الموقف يخوف قلت تكفون ابي بنج كامل خايفه مابي اشوف وجوا ثلاث يقنعوني النصفي احسن واصروا علي وعطوني ابرة الظهر والله للامانه حسيت فيها وهي تدخل جسمي كانها كهرررب مرره ارتبكت من ذي اللحظه وتوترت وارتفع الضغط عندي قلت تكفون نوموني سووا لي اي شي خايفه مرره ماقدر وحمدلله نوموني وماحسيت بشي وعدت العمليه ع خير وطلعت للافاقه وانا مهلوسه مره وفكوا لي القسطرة تقريبا الساعه ١٠ الليل
وبدوا يمشوني يالله اول قومه تجيب الدوخه وكل مره تصير اخف من اللي قبلها حمدلله
والحمدلله على نعمة المسكنات والله مسكن ورا مسكن ماتتالمين كثير حمدلله انا ولدت في الحبيب مررره تجنن عنايتهم دلع صراحه واهتمام انصح فيه من كل قلبي خصوصا القيصرية حتى لو تجلسين بدون مرافق عادي ماتحتاجين الممرضات يكفون
اليوم الحمدلله توني ارجع للبيت ومشيتي والالم مرره اخف وفكوا لي اللصقه اللي على الجرح وقالوا بس مسحيه بمسحه طبيه
هذي بالنسبة لولادتي واعتبرها ولاده حلوه واجابية اللهم لك الحمد اللي عندها سؤال انا حاضره والله يهون عليكم يارب
بالنسبة لاكشن ولاداتي
مافيها اكشن كثير لان رايحه موعد العمليه بدون طلق ولاشي طبعا سبب العمليه...
الف الف الف مبررررررروك
الحمد لله على سلامتكم💜💜