حياتي اولاددي :

صادقه انا بولادتي السابقه ما نفعتني لوتس وضليت بلبس المستشفى واستخدمت كثير عاد هذه المره بأخذ حق كبار السن بس هل يبيعونها بكل الصيدليات

صادقه انا بولادتي السابقه ما نفعتني لوتس وضليت بلبس المستشفى واستخدمت كثير عاد هذه المره بأخذ حق...

Nonnah13 :

والله انا شلت همك جريحه وصرت افكر في نفسي موعدي ٢٠الشهر عاد اشوف الراس وين صار 😫

والله انا شلت همك جريحه وصرت افكر في نفسي موعدي ٢٠الشهر عاد اشوف الراس وين صار 😫

مرام البطله :

صباح الخير لحبيبات قلبي ❤❤ والله يسهل للجميع ومشكوره لكل وحده باركت لي ومانسيت دعيت لكم ربي يرزقكم مثل ولادتي وافضل يارب التسهيل من عنده للكل بكتب لكم الاكشن انا لي اسبوع افطر شوفان مع قرفه او اشرب كاس حليب بالقرفه والزنجبيل والحمدلله حسيت يجيني مغص بعدها بس خفيف ويوم الاربعاء قلت بروح اتطمن واشوف وقاست لي طلع ١ سانتي وطلق خفيف وقالت لي توكلي بداء الخميس الطلق يحمى شوي بس محتمل وتحجر والحركه قلت مره وكنت طايحه بتمر العجوى وللجمعه والالام محتمله بس منتظم الطلق كل ربع ساعه واحس كاني بروح حمام تحملت لسبت وماقدرت شد علي الصباح ورحت الساعه ١٠ للولاده وسوولي كشف قالت ١ سانتي والتخطيط يعطيهم طلق منتظم خافوا واعطوني مغذي مدري اش الحكمه بس اعطوني المغذي وعادو التخطيط والكشف ونفس الحاله جلسوني بالطواري كان زحمه مووووت من الصباح لين الساعه ٥ ونص المغرب خلاص اخر شي قاست قالت قبل تروحين البيت خليني اكشف وطلع ٢ سانتي هذا كله والطلق بينهم ٥ دقايق او ٧ دقايق احسب له وقالت العنق مدري الرحم قاسي باقي روحي واذا زاد تعالي رحت بيتي وانا اطلق كل خمس دقايق ومتحمله واخذ دش دافي جدا هههه علىى ظهري وماطلعت من الحمام تكرمون الا الطلق يزيداكثر ويسير كل ٤ دقايق والاخت تستشور ماهي مفكره كل مامسكني تركت شوشتي مدري وش جاني مسكت لما خلصت كلمت امي وانا اتطوى من الالم وتقولي يابنت روحي والله كان مارحتي مايشيلك غير الاسعاف انتي ولاده وعلى طول وانا اصرخ اقول لبنتي صحي بابا ويفز من نومه مفجوع مسكين هههههههه واركب السياره انا واسرتي المصونه والكل قامط وانا اتونون ومره اصرخ ومره اجعر وهكذا واول ماوصلت المستشفى ويخذوني بالعربيه وانا اتولول مره اشم ورده واطفي شمعه مره اتفل العافيه واطلع صوت البعير النائم بداخلي وتقيس والا سته سانتي وعلى طول على الكشك شكله كان اكثر من سته بس مااعطيتها فرصه تكشف زين واشوفه يجهزون المقصات والعده وانا بعباتي واقولهم خلاص ولاده ماتوقعت وينقلون على السرير الولاده ويقولون يالله ادفعي وانا اعطيهم ذيك الدفعات الي بعد ثلاث دفعت شرفت المحروسهوحطوها على صدري وربي يبنات حسيت كاني بحلم زوجي يستناني ارد عليه تحت هو والبزوره لكن ماشاءالله مااتصلت الا قلت له خلاص ولدت انفجع☻وفرح بنفس الوقت والحمدلله بس والله الولاده تغيرت معاملتهم بالكشك صارو روعه اهتمام صدق يجنن ولحفوني ودفوني الحمدلله وتساهيل يارب لك الحمد اهم نقطه يابنات لاتسون زيي ترا مو شرط تجيك علامات انتبهي الطلق يكفي اذا كان متقارب لاتسكتين على نفسك روحي على طول انا لو تاخرت شوي ولدت بببتي او بسياره الراس مررره قريب مرره

صباح الخير لحبيبات قلبي ❤❤ والله يسهل للجميع ومشكوره لكل وحده باركت لي ومانسيت دعيت لكم ربي...