روبي الرياض :

بنات شكل ماحد عارف انه عمليه غيري😎😎😎😎 باذن الله بتاريخ ٢٢/ ٩ بيحددون موعد عمليتي الله يجعلها سهله هينه علي

بنات شكل ماحد عارف انه عمليه غيري😎😎😎😎 باذن الله بتاريخ ٢٢/ ٩ بيحددون موعد عمليتي الله يجعلها...

أم غنو :

صباح الخير جميعا وربي يفرج هم كل واحده يارب . نبدأ بالاكشن كان عندي موعد الاربعاء عشان يشوفون قياسات العمليه واسوي تحاليل حاطتها الدكتوره عالسستم الأهم رحت العصر سويت تحاليل والسونار كان مقفل ماسويت ورجعت البيت وبعد مافطرت رحت للمشفى عملو السونار ورحت للدكتوره قالت الأفضل لصحتك اسوي عمليتك بكره تقصد الخميس ترددت بعدين وافقت قلت الحمدلله لي اسبوع من تاسعي خير وبركه ورحت لدكتور التخدير وكنت حاطه براسي تخدير كلي لكن اقنعني نصفي واقتنعت وحددنا وقت العمليه وكل شيء ورجعت البيت ولما جات ٩ الصبح جهزت اغراضي واغراض البيبي واستودعت ربي عيالي عند ام زوجي ومشيت المشفى جيتهم على ١٠ كذا ودخلت وكان كل شيء تمام الأهم عمليتي مفروض ١١ تأخرت لحد ١٢ لان فيه حاله طارئه قبلي،، وأنا من النوع اللي ماحب الانتظار وجلست ابكي زوجي يحاول فيني وانا موب مع العالم كله. ووقت قال المؤذن الله اكبر للظهر وانا بالسيب لغرفة العمليات ودخلتها ١٢ وربع بالضبط عطاني الدكتور ابره مخدره م ضعيه صغيره عشان يعطيني النصفي لاني زي ماقلت لكم ماحبها وماحب اسمع صوتها بظهري اول مايغزونها ومن فضل ربي واحمده واشكره ماحسيت فيه سدحوني وانا اتشرط عطوني مخده وجابو لي استروني من تحت قالت بس يركبون قسطره باغطيك وخلصو وغطوني الاهم اني كنت احس بالعمليه واقول للدكتوره وتضحك تقول مابديت وانا احس بالشغل ياربي وجاني زي الغثيان من الروعه وعطاني الدكتوره بالمغذي ابره والحمدلله اختفى الشعور بالغثيان وبس طلع ولدي حبيبي سمعت صوته وشفته قلت نومني يادكتور ماعاد ابي شيء وعطاني زي البخار ونمت ماحسيت الا انا بالافاقه وولدي الله يحفظه ودوه العنايه يقولون شارب مويه وقاعدين يسحبونها من الرئه والحمدلله أوضاعه تمام وانتظرهم يجيبونه الحضانه عشان اقدر اجيبه عندي . و رجعوني الجناح مع أذان العصر. ولازلت احس بالمغص جنني اذا حسيت بالدم ينزل جاني المغص والحمدلله على كل حال

صباح الخير جميعا وربي يفرج هم كل واحده يارب . نبدأ بالاكشن كان عندي موعد الاربعاء عشان يشوفون...