روز ٢٠١٨ :

هلا بأغلى اخوااات وجينا للأكشن طبعاً كان الرحم مفتوح ثلاثه سم بس بدون طلق وطلعوني يوم الخميس ومن طلعوني مسكتني الماما عندها فطور وسحور بس وقت النوم ارجع البيت طبعا هيا تبغاني انام عندها بس انا اقول ارتاح في بيتي اكثر وبس اجلس من النوم اجيكم مره ثانيه لما ربي يسهلها والحمد لله عدى الخميس وقلت لكم شنو صار والجمعه بعد الفطور كذا عالساعه ٩ طلعت وتمشيت حدود الساعه وقال زوجي اذا تبي تطلعي بعد تمشي قبل السحور نطلع بس انا خلاص نفذت الطاقه قلت بعدين اشوف الوضع رجعت بيت اهلي وجلست مع خواتي والاوضاع تمام اوجاع عاديه من الثقل بس امي كانت متيقنه اني راح اولد وانا اقول لها مافي شيء قلت بخاطري اذا رجعت البيت بسوي لي كبو البصل لان ماارجع الا بعد صلاة الفجر بس هيا بعد الامساك قالت لاختي تشب الجمر وبخرتني بالعوود خنقتني قالت اليوم بتولدين وتشوفين وانا وضعية صاامدون 😅 بعد ماتبخرت وكان مافيني اي الم جلست شوي ورحت الحمام وانتم بكرامه اتجهز للصلاه حسيت كأنه وخزه والم في ظهري حاولت اتحمل وتالي راحت وانا ماتكلمت وطلعت وصليت ورحت البيت وصلت البيت وانا اصعد الدرج حسيت بألم زي الطلقه بظهري قلت بخاطري شكله خلاص جا الفرج بس بتحمل اكثر لمن اتأكد ويتقارب بعدين قلت لزوجي شكل الطلق ووصل بس بصبر شوي ماابي اروح ويلعبون فيني جلست اقرا سورة مريم والادعيه والاذكار وقلت له يقرأ لي سورة مريم ويدعي بتسهيل الولاده وتصدقت واستغفار وخلاص بدأ الطلق واضح قال لي لاتنسي تحسبين حساب الطريق لان يبي له مشوار انا هنا خفت وبدلت وتجهزت وطلعت رحت المستشفى والحمد لله كشفت علي قالت ٦ سم مفتوح والراس فوق لسا مابعد ينزل 💔 تالي قالت انتي شاربه دارسين ؟ قلت لا ليش قالت اشوفك تتلوين من الالم والجهاز يبين ان الطلق خفيف 😫 تالي قالت متبخره ؟ قلت اي قالت ليش قلت والله امي اللي بخرتني قالت البخور يسبب للك هالالام والا الطلق خفيف انا هنا 😣 مت من الخوف الله يعيني عالالم رجولي ترجف مع اني ميته حرررر الغطا صار رطب واهم لابسين قميصين تقول المكيف باارد 😢 بس طلعت الدكتوره وجات القابله الحمد لله من سخرهاا لي كل شيء تغير في لحظه جابت لي الكمام قالت اذا حسيتي بالطلق خذي نفس اول مره اجربه بس صدق خلاني بعالم ثاني وقالت بس تجي الطلقه واحس بالدفع اعطيها خبر وعطيتها خبر وحاولت تساعدني وتفتح وتكشف قالت خلاص ثمانيه والمويه اللحين بتنزل بدت المويه تنزل وجات الطلقه اللي بعدها خلاص البيبي يدف قالت وقفي الكمام ذا بيبي از كمنق👏🏻 ودفعتين وخرج حبيب قلبي للدنيا 😭 وانا مو مصدقه من الفرح حطته على صدري اهو يبكي وانا أبكي من الفرحه والخلاص وتالي اخذوه وبدت تنزل المشيمه وتنظف قلت لها في جراحه قالت انا ماشقيت بس اشوف البيبي اذا شق والحمد لله البيبي ماشق ومافي جراحه 😀 الحمد لله استانست حييل هذا امنيتي طبعا ارتحت ساعتين علشان يطلعوني الغرفه بس حسيت الدم كثيير يطلع وقلت لهم ونادو القابله وجات مره ثانيه تنظف 😫 قالت كويس بالعكس لو باقي مانزل كان تحتاجي عملية تنظيف ونظفتني مره ثانيه وانتهت رحلة وهن على وهن ❤️ وصعدت وانا أحمل فرحتي بين يدي واشكر خالقي الذي بلغني هذه اللحظه 🌸 طبعاً ولادتي من دخول المستشفى حدود ساعه وربع وربي ماتوقعت بتكون بسهاله هااذي بعد كلامهم والحمد لله على سااعة السهااااله اللي كنا ندعي فيها ولاندري متى وربي يرزقكم ياررب سااعة الخلاص وتكون زي شربة المويه أحبكم في الله يامن شاركتموني رحلة وهن على وهن ❤️

هلا بأغلى اخوااات وجينا للأكشن طبعاً كان الرحم مفتوح ثلاثه سم بس بدون طلق وطلعوني يوم الخميس...

ام الحلويين505 :

الحمد لله الذي وهبني روحاً من روحي ونبضاً ثاني من قلبي واكرمني باجمل العطايا لدن❤ اللهم انبتها نبتاً حسناً وجعلها قره عين لي ولوالدها الحمد لله ولدت الساعه3 الاكشن بعدين التعب هالكني

الحمد لله الذي وهبني روحاً من روحي ونبضاً ثاني من قلبي واكرمني باجمل العطايا لدن❤ اللهم انبتها...

وطن لا ينتهي :

ما شاء الله الحمد لله والشكر له تاثرت مره😭😭

ما شاء الله الحمد لله والشكر له تاثرت مره😭😭

عناقيدالغلا :

الحمدلله الذي تتم بفضله الصالحات .. و الحمدلله واهب الذرية من البنين و البنات .. و الحمدلله على تمام النعمه و اكتمال المنه .. و لله الحمد من قبل و من بعد .. الحمدلله رزقني الله بمولودتي 💕😭 اليوم الساعه ١٠ مساء ربي يجعلها من الذرية الصالحه ويجعلها قرة عين لي ولوالدها

الحمدلله الذي تتم بفضله الصالحات .. و الحمدلله واهب الذرية من البنين و البنات .. و الحمدلله على...

وطن لا ينتهي :

الله يعينك خوذي مسكن لا تتعبين نفسك

الله يعينك خوذي مسكن لا تتعبين نفسك