الغلا 2016 :

اكشن ولادتي ...... 1 2 3 اكشن 🎬 😂 اول شي انا من قبل قايله لي دكتورتي انه حدي الا يوم الاربعاء علشان المويه ناقصه بس انا من دريت بنقص المويه وانا اشرب ماء زمزم ومستمره علي وكنت متاكده انه المويا بترتفع ان شاءالله وراح اقدر اكمل الا اسبوع المهم قمت الثلاثاء وصليت استخاره علشان ابي اروح لمستشفى بشوف دكتوره فيه اذا كويسه علشان اكمل واولد عندها واول ماصليت قمت واتصلت على المستشفى وقلت للاستقبال اني على وشك ولاده وابي دكتوره تكون كويسه والله يجزاها خير ماقصرت عطتني افضل دكتوره من ناحية الخبره حتى انها اخصائيه مو استشاريه بس قالت انصحك فيها افضل قلت ابي اقرب موعد قالت بعد شوي قلت كيف مااقدر زوجي في الدوام قالت بسجل اسمك وحاولي تجين لايروح عليك الموعد لانه مافيه غيره الابعد اسبوع كلمت زوجي وجاء الحمدلله ورحت المهم اول ماشفت الدكتوره ارتاح لها قلبي وسوت سونار وبدا الاكشن 🎬🎬🎬🎬 قالت ولاتطلعين المويه ناقصه جدااااا والنبض صار يضعف قلتلها طيب بكرا اكتبي لي تنويم يمكن الا بكرا يجيني طلق طبيعي قالت لا مستحيل قلت بروح طيب لبيتي واجيب اغراضي واخذ لي دش قالت مستحيل تطلعين الحين تنويم 😭😭😭 بدا قلبي يرقع من الخوف وولدي معي وتعبانه انفلونزا وحالتي حاله المهم دخلت تنويم العصر وعطوني طلق صناعي بس يختلف عن اللي اخذته يوم ولدي يضرب في الظهر حااااااار جداااااااا وكان الرحم متقفل وبنص الطلق ومع الالام والاوجاع حسيت بدوخه ووجهي قلب احمر قاسوا لي الحراره لقوها مرتفعه وعلى طول سيروم حراره وسيروم مضاد وبلشوا فيني السسترات ياعمري لاني شبه اغيب عن الوعي وبنفس الوقت اتألم من شدة الطلق وجت الدكتوره وكشفت لان الطلق مع قوته صارت تزيد الحراره وكشفت لقته 4 سم وشالت عني الطلق الصناعي << عباره عن تحميله تقدر تدخلها وتطلعها اول مره اشوفها بس قووويه مررره ولان حالة الجنين كانت خطره اظطروا لها >> شالته ويوم شالته ارتحت الحمدلله وصرت اقرا على نفسي ورد الولاده وانفث على مويه واشرب منها وامسح على بطني وعندي يقين وتوكل ان ربي بينظم عندي الطلق وسبحان الله انتظم وبدا يفتح معي الرحم وصرت ادعي واكثف دعاء واسوي طريقة شمي ورده وانفخي شمعه مع كل طلقه احس فيها واشوف جهاز النبض بدا يقل وكل شوي تجي الممرضه تخليني اقلب على جهه علشان يزين النبض وطبعا الاكسجين مركب علي اول ماابعده لو شوي سبحان الله يقل على طول نبض بنوتتي عرفت ان وضعها خطر واقولهم ابي امشي قالوا لا نبض الجنين مايتحمل انك تمشين وقلت مالي الا ربي وافتح النت وادور ادعية الولاده واصير اقرا واقرا وانا بشدة الالم واستودعها الله جت الدكتوره كشفت قالت 7 وهي تشوفني زي اللي مستغربه وتقول ماشاءالله استمري ان شاءالله يفتح اكثر علشان الجنين نبضه صار يقل اكثر واستمريت ادعي واقراء سورة مريم والزلزله وانفث على نفسي واشرب موية زمزم وامسح فيها على بطني وظهري وخليت زوجي يجيب لي كماده حطيتها ورا ظهري وفجاءه جر السستر تركض تقول تنفسي كويس تنفسي كويس انا هنا قلت خلاص راحت بنتي وصارت تحرك بطني وجت الدكتوره قالت اشفطي اكسجين كثييير الجنين بحاله خطره جدا واستودعها الله وارجع ادعي تجاهلت وجودهم عندي وصرت ادعي ربي وادري وش يقولون لي كان عندي يقين سبحان الله انه ربي بيحفظ بنتي وماستسلمت للخوف وفجاءه قلت للستر فيه دف طارت عيونها قالت لسى قلت لا الحين فيه دف وانا اصرخ ركضت جابت الدكتوره قالت الدكتوره دفي عادي كانوا يحسبونه براز وانتم بكرامه لانه ماامدها كشفت كان 7 سم وكانت تقول يبيلك وقت انا صرت ادف نفس طريقة رولا ابوجابر الا شافت السستر وتصرخ على الدكتوره قالت الا فيه بيبي انهبلت الدكتوره وقامت تلبس ملابس الولاده واقولها بسرعه وسعي يادكتوره وهي زي اللي منفجعه ماحطت ببالها اني بولد الحين المهم وبنوتتي ماصبرت لهم يوسعون صرت ادف وطلعت وشقت الله يصلحها 😭😭 وبعد ماولدتها ابي اشوفها ماقدرت الدكتوره صارت تنادي الممرضات وبسرعه ومادري ايش عرفت انه فيه شي طلعت المشيمه وبدا معي نزف شديد وجلست ساعه كامله معي بعد الولاده تحاول توقف النزف وعطتني ابر بفخوذي والحمدلله جلستني عندها 6 ساعات بعد الولاده لما حست انه خف وبعدها رقيت لغرفتي وشفت بنوتتي وارتحت الحمدلله 😍😍😍😍😍 وخلص اكشني ولله الحمد والمنه بس شفت عيون بنتي نسيت كل الالم اللي حسيت فيه ...... ونصيحه بنات توكلوا على الله ولاتحرصون على الطلق الصناعي سبب لي ارتخاء بالرحم وهو اللي سبب لي نزيف توني صغيره وعندي ارتخاء بسبب الطلوق الصناعيه والحمدلله على كل حال .........

اكشن ولادتي ...... 1 2 3 اكشن 🎬 😂 اول شي انا من قبل قايله لي دكتورتي انه حدي الا يوم الاربعاء...