أولياندر :

يازينكم الله يسعدكم ويبارك فيكم ويسهل ولاداتكم دعيت لكم كلكم والله وخصيت اللي عندهم مشاكل في الحمل بالإسم الله يسر نواظركم و خواطركم بسلامتكم وأطفالكم يارب.. أبد ياطويلات العمر الأكشن تقريبا كتبت لكم يوميات بديت احس بتلبك معوي وعسر هضم لي كم يوم وبدأت بالخلطة يانسون كمون شمر نخوه حبه بركة مع حلبه وعسل وصحن رطب وبدأ معي كثرة دخول للحمام اعزكم الله.. واحس تطور التحجر لشد في الفخذ اليمين من الداخل وكهربا في الظهر اول امس كانت آخر جرعة حديد لي في الطواري وانا راجعه البيت اخر الليل قلت لزوجي لي سنه ونص ابغى اسوي محشي ويتكاسل عن الخضار لما اطلبه ونكنسل لطبخة ثانية المهم قلت والله لاتوقف عند أي سوبرماركت برجع اسوي محشي من صباح الله خير ابغى أكله قبل اولد لأني سويته وانا وحام في شوال وصايمه الست وتفننت وكثرت وهو يطبخ ع النار ماتت جدتي وع المطار سافرت ولا ذقته وماعاد سويته وجلس في نفسي المهم واصلت وجت عاملة مهارة وكرفت معها شطبت البيت وحشيت المحشي وحطيته بالثلاجة قلت بنام لي كم ساعه مواصله ومهلوكه ويشد ظهري وافخاذي وتنزل افرازات مايله للأخضر وكثيره تحوس ماكان عندي شي جافه تماما طول الحمل المهم نمت ويوم قمت محصورة مو قادرة اقوم من السرير ألم قوي بس فرغت المثانة تشد رجلي وهكذا قمت حطيت المحشي في قدر الضغط وعرفت لعيالي وابوهم وعجزت اكل قلت له بتروش قال مااخترتي الا ابرد يوم المهم سويت الحمام بخار وحطيت كرسي وسلطت الدش على ظهري وشموع واسترخيت وطلعت سشورت شعري وتقهويت فنجال الا والألم كل ٢٠ دقيقه واسهال كل شوي مايمدي اطلع من الحمام يرجع وبطني فاضي من الصبح قمت حطيت تحميلة جلسرين قلت تنظف بطني عشان لا اتفشل وحاولت انوم صغاري وسحبت شنطي للباب وزوجي يتفرج يقول في مباراة مهمه يبغى شاي ويتكي عليها مو مستوعب ودخلت بسوي خلطتي ومو قادرة أوقف حطيتها بكوب حراري واخذتها معي وع الطواري كان الطلق كل ١٠ دقايق الساعه ١١ ليل وكانت النيه بقيس بمستشفى قريب ولو قالوا ولادة اروح لمستشفى الولادة اللي ابغاه بس نزلت من البيت الألم مايمزح يشد بقوة ماقدرت قلت على مستشفاي على طول دخلت قاست واحد ونص قالت ممكن نرجعك للبيت بدري وانا الطلق شديد ماابغى ارجع وهنا يابنات اذكركم بفضل الصدقة والإلحاح في الدعاء حتى لو تفتحين تطبيق مباشر الراجحي بجوالك تلقين خانة التحويل للجمعيات الخيرية وتصدقي لو بريال لوقف لصدقة لكفالة وهكذا قالت قومي البسي وروحي وحسيت ابغى حمام لازال عندي اسهال قالت يمكنك اكلتي من برا قلت مااكلت شي اليوم هذي ولادة قامت قالت بقيس لقيته ٣ ونص قامت حرضت وطلعتني غرفة الولادة وفكت من حالها موية الجنين وطلبت إبرة الظهر خلاص ماقدرت مجهده من شغل البيت وقل النوم والألم شديد وانا توي وجا الطبيب عطاني وراح وركبوا لي قسطرة كانت الجرعة الأولى تمام خدرت رجليني ومااحس بالطلق الا حركه في البطن واشوف بالجهاز الا طلق قوي واحمد الله وادعي بعد ساعه ثقلت رجلي اليمين زي الصخر واليسار فك عنها التخدير احس بالطلق وحشرة الراس وكل شي ناديتهم قالوا الدكتور راح استدعيناه عشانك ومشي وقالوا طبيعي تحسين عشان تدفعين صح لو مافي احساس تتعسرين صح تعبت لكن نص ألم بنص الجسم أخف من ألم كامل بالجهتين صبرت عليه واحاول اتنفس وادعي ومااصرخ في وحده دخلت معي وصراخها جاب لي رجفه صرت ادعي لها ولي ولكم وعلى ٣ قالت بنحط لك طلق صناعي يسرع الولادة وحطوا والدكتورة اللي جيت خاص عشانها ودفعت وطلبتها استدعاء عيت تجي تقول برد وبيجيها ضيوف تستقبلهم من المطار خذلتني رغم اني ترجيتها وقلت لها حلفت مااحمل لين اجمع قيمة ولادتي عندك لكن لعلها خيرة ولدتني وحده عادية أقل منها رتبه لكن بنت حلال تذكر الله وتشجعني الله يرضى عليها لعلها خير لي من اختياري المهم اذن الفجر قمت ادعي للي تصرخ قلت يارب تولد مع هالأذان الا جتني طلقه قوية قالت ادفعي بسرعه وكتمت نفسي وبقووووة قالت مره ثانيه ممتاز وهكذا رابع مره كاتمه ومن قلب مغمضه اقول اممممممممم الا يضحكون قالت طالعي على بطنك 😂 الا النونو فوقي قد طلع وانا باقي متحمسه ادفع 😂😂 تبرز وقت الولادة ونتيفه ٢ كيلو وشوي وسعوني وخيطوا وماخلوني امسكه قالوا كله براز ننظفه ونجيبه وللحين ماجابوه ماعرفت انام الأدرينالين عالي وابغى اشوفه قالوا نختنه بعد مرور ٢٤ ساعه والله اول ماشفت البيبي طلعت جوالي وكتبت لكم وبعدين ضحكت الدكتورة قالت تبشري زوجك قلت يوووه نسيته 😂 نايم في غرفتي حقت التنويم ويقول صحيني اصلي واودي الصغار المدرسة وبس والله هذا كل شي يحضرني يارفيقات الدرب الجميل واي شي اتذكره برجع اكتبه أحبكم 💞

يازينكم الله يسعدكم ويبارك فيكم ويسهل ولاداتكم دعيت لكم كلكم والله وخصيت اللي عندهم مشاكل في...

خلصت الاسامي عن :

الطخمى الحمدلله هانت الله ييسر لك وعقبال التاسع الفكس والملح 🙈 اكلهم اكل وعجزت امسك نفسي بس خلاص اتوقع من فقر الدم ام عبدالملك امييين يارب وكل حامل ويتمم للبقيه على خير ويرزقنا هون الطلق واليسر ويسخرلنا الله ييسر لك توتو ويرحم اميمتك ام تومي شوفي اسم بانه يعجبني بس زوجي رااافض معناته ماخوذ من غصن البان كنت برد على اكثر من رد بس نسيت امس اخذت اول ابره حديد واحس تعبااانه الصبح كنت بالمستوصف عند الاستشاريه وزحمه عندها وتخيلو وحده رصتنا ساعه الله يهديها واخر شي قاعده تشتكي زوجها للدكتوره بغيت اصيح يوم دريت 💔 الدكتوره نساء وولاده بتشتكين روحي لدكتوره نفسيه الكراسي حديد والجلسه موووت قصت ظهري قص المهم بعد الظهر يوم طلع زوجي من دوامه وداني للطوارئ علشان اخذ الابر ومن صيدليه لصيدليه والدكتوره نفسها شششينه وماودها اجي وتقول تعالي بكرا اليوم مافيه !!! قلت لها انا بالتاسع ودمي ٨ لازم ارفعه لو شوي ماادري متى تجي الولاده المهم دخلوني بس قالت مافيه سرير نقاهه انتظري واروح للنقاهه واسال قالت مافيه وتلحقني مصريه الله يوفقها ويسعدها هي مريضه قالت ترى فيه سريرين فاضيات وارجع للدكتوره واقولها يله دخليني فيه سريرين ومن ثنتين ونص لين خمس ودخلوني اليوم جسمي مكسر وتعباااانه احس بثقل بكل مكان وتحجر فضيع ماودي اتحلطم بس شي بقلبي قهروني الله لايسامحهم هذي وظيفتهم وياخذون عليها راتب ليش يسون بي كذا واللي فجعني وانا طالعه للصيدليه برى قدامي وحده تنزف اجهضت ومعها امها وخواتها واضح حملها عزيز وحده من خواتها تصيح الله يجبر قلبها ويعوضها بالعوض اللي يسلم الله يخلف عليها

الطخمى الحمدلله هانت الله ييسر لك وعقبال التاسع الفكس والملح 🙈 اكلهم اكل وعجزت امسك نفسي بس...

خلصت الاسامي عن :

امشي بالبيت احسن لك مره جربت المشي برى وتعبت ودي افتش وابي اجلس ومافيه مكان احسن ببيتي امشي واخذ راحتي بلا عباه بلا هم وبالصاله تكفي

امشي بالبيت احسن لك مره جربت المشي برى وتعبت ودي افتش وابي اجلس ومافيه مكان احسن ببيتي امشي...

جنه الدنيا86 :

هم عطوني اول موعد ١-٣ وبيعطوني مهله الى ٥ او ٦ راح يولدوني ،،

هم عطوني اول موعد ١-٣ وبيعطوني مهله الى ٥ او ٦ راح يولدوني ،،