طينة جنة :

هيه والله الحمدلله عقبالكم يا رب تقومين ب صحة وعافية

هيه والله الحمدلله عقبالكم يا رب تقومين ب صحة وعافية

طينة جنة :

شوفو هذا الله يسلمكم انا من بعد المغرب وانا التحجر بدا يزيد عندي بس يروح ويرجع ما توقعت اني قربت ع الساعة 12 بالليل صار فيه ويع دورة بس بعد يروح ويرجع قلت انا بنام اذا هي ولادة تراني بقوم من الويع المهم وأنام حول النص ساعة شوي يقومني ريلي يقول لي سوي لي مكان شوي محتلة السرير كله وتوني بلف أحس فيه شي ينزل مني صرخت وقلت له قوم بسرعة قومني قام هو وكان أكثر شي يحاتيه الفراش لا يتوسخ 😭 المهم ويوقفني والماي بدا يصب صب قلت له شكلي بولد خلاص بس مافي ويع إصبر لين تصير الساعة 3 ولا 4 بيزيد الويع وبنروح بس هو ما رضى قال لي طيران المستشفى تولدين علي مو متفيج المهم وأقوم أتسبح بماي حار وأسوي لي حليب زعفران وصلت المستشفى والويع مو موجود بس ويع دورة فحصتني من تحت قالت مفتوح حول ال4 بس في التخطيط أبد مافي ويع وطلعوني غرفة الولادة كانت الساعة حول 2 هناك شافتني الدكتورة قالت مبين عندنا في التخطيط النبض قاعد ينزل والطلق أبد مو مبين شو الحل قالت لي ولا شي حتى ما نقدر نصبر عليج ولا نحط لج طلق صناعي رجعت ع الساعة 4 ونص فحصتني من تحت على نفس ال4 قالت لأنه مافي طلق الرحم ما بيفتح تتحولين عملية كيف وليش عشان البيبي النبض صاير ينزل المهم انا إستخرت وسلمت أمري لله وصل دكتور التخدير قال لي البنج لازم يكون نصفي الكامل بيتعب الياهل فوق ما هو تعبان قلت له تمام حطولي قسطرة البول ولبسوني لبس العمليات وطلعوني الغرفة وانا طالعة بدا وياي الطلق كانت الساعة تقريبا 5 إلا ربع قلت لها دكتورة إستعيلي يتني طلقة وخايفة ع البيبي قالت لي تمام المهم ودوني الغرفة وقعدني الدكتور بدا يعطيني إبرة الظهر والله 5 ولا 6 مرات يحاول يركبها ومو راضية تركب وبين كل مرة هو يحاول كنت أحس بالطلق وأقولهم وتقول لي تصبري الحين بيخلص المهم في المرة الخامسة قال لي آخر محاولة إذا ما صار بعطيج بنج كامل قلت له تمام طبعاً ما ظبط معاه تونه يقول لي نامي على ظهرج بعطيج الكامل وأصرخ بأعلى صوتي أحس بدفع دكتورة لحقي علي ويلتمون كلهم على راسي وأترجاهم خلصوني بنجوني الدكتورة تقول لي خليني بس أشوف وأفحصج يمكن صدق فتح الرحم وأنا أصيح أقولهم لأ البيبي تعيان ما بولد طبيعي ولدوني قيصري تمت تترجاني بس فتحي ريلوج بشوف وغتحت ريولي صرخت الدكتورة أشوف الراس أشوف الراس يلا دفع دفع ويوقفون 10 دكاترة مع الممرضات يترجوني إدفعي وانا معنده اقولهم البيبي بيتعب لين قالت لي وحدة والله انا دكتورة أطفال وأقولج ساعديهم عشان البيبي ما يختنق وانتي ماسكته هني إقتنعت وبديت أدفع ماشاء الله تبارك الله لا إله إلا الله من ثاني ولا ثالث محاولة طلع الياهل وسمعت صرخته وقعدت أصييييييييييييح مو مستعوبة إنه طلع ماشاء الله ما أمداني والكل قام يهنيني ويبارك لي وطلعت المشيمية بسهولة وقالت لي ما تحتاجين إلا غرزة خارجية وحدة سوتها لي بدقيقة و يا رب لك الحمد يا رب لك الحمد يا رب لك الحمد خلال أقل من ساعة كنت أطلق وولدت وخيطوني وطلعت فوق أحس إللي صار حلم لي أبداً ما توقعت تتيسر لي لهاادرجة يا رب لك الحمد عقبالكم كلكم بولادة سهلة ميسرة يا رب العالمين

شوفو هذا الله يسلمكم انا من بعد المغرب وانا التحجر بدا يزيد عندي بس يروح ويرجع ما توقعت اني...

ترد الروح :

ههههههههههه موتيني ضحك يالله ماعليه انا ما ابي اولد هذا الاسبوع صدق ابي اسبوع الجاي مع أني متأكده زي الباقي بختم الشهر كامل اذا مازدت

ههههههههههه موتيني ضحك يالله ماعليه انا ما ابي اولد هذا الاسبوع صدق ابي اسبوع الجاي مع أني...