الاسلمية :

مساء الخير،،، بقول لكم اكشن ولادتي اللي كانت سهله الحمد لله،،، الساعه 10 الصباح نايمه في امان الله وصحيت ابغى اتقلب من جهه للثانيه وفجأه حسيت شيء طق ونزلت المويه دفعه وحده وبدون أي ألم قمت ع طول للحمام تروشت وغيرت ملابسي وطلعت لقيت زوجي يتجهز لصلاة الجمعه وقلت له عاد هو ما خلاني اجلس قلت خليني اصبر ساعتين أو ثلاث حتى يجي الطلق ما تركني في حالي وطلعنا على المستشفى فحصتني قالت 1 سانتي ومافي اي طلق مررره والمويه نزلت كامل لازم تولدي وبعطيك تحاميل طلق،، طبعآ رفضت التحاميل وقلت نستني ثلاث أو أربع ساعات إذا ما جاء طلق طبيعي اعطيني،، جابت لي ورقه أوقع عليها اني رافضه ودخلتني التنويم واعطتني مضاد حيوي عشان لا ينتقل اي التهاب للطفل لأنه خلاص مافي مويه،،، وجلست في غرفتي وقمت توضيت وصليت الظهر ودعيت الله في التسهيل والساعه 2 بدأ معاي الطلق خفيف كل نص ساعه ومنتظم حمدت الله وجلست ادعي واستغفر وبعد العصر بدأ يشد معاي بس محتمل كل عشر دقايق وبعدها صار كل خمس دقايق،،، ناديت الدكتوره تفحص لقته 4 فاتح نقلتني على طول غرفة المخاض جلست بس 5 دقايق الا احس بالدفع سبحان الله واقول لهم احس بتطلع فحصتني الممرضة وصاحت خلاص فاتح 9 والراس قريب وقالت لا تدفي خذي نفس حتى نوديك غرفة الولاده وجرى في الممرات وانا احس في عالم ثاني وأول ما دخلوني غرفة الولادة دفعت مرتين وطلعت بنتي الحمد لله وطلعت المشيمه وبعدين طلعتني على سرير الولاده تخيط لي ويارب لك الحمد والمنه،،، طبعا الخياطه كانت عذاب إلى الآن ما اقدر اجلس ولا اقوم طبيعي كأني رجل آلي وانا امشي 😂 الحمد لله على كل حال،،، مع ان بنتي طلعت مررره صغيره 2 كيلو وأربع مائة غرام،، بس الخياطه القديمه انفكت 😓 وعسى الله يرزقكن الولاده السهله الميسره يارب،،،

مساء الخير،،، بقول لكم اكشن ولادتي اللي كانت سهله الحمد لله،،، الساعه 10 الصباح نايمه في امان...

أم سعود 💜 :

الحمدلله على سلامتك وسلامة الامورره ماعليه كم يوم ان شاء الله ويخف الم

الحمدلله على سلامتك وسلامة الامورره ماعليه كم يوم ان شاء الله ويخف الم

الاسلمية :

الله يسلمك 🌹،،، أن شاء الله تخف مدام الولاده تيسرت كل شيء يهون الحمد لله

الله يسلمك 🌹،،، أن شاء الله تخف مدام الولاده تيسرت كل شيء يهون الحمد لله