jenan123 :

بالنسبة لولادتي قالولي لازم تصومين وبصراحة نقزني قلبي من هالسالفة لأن طول عمرنا ناكل قبل الولادة الطبيعية فما ارتحت واكلت بصراحة بس ما قلت لهم اني ماكلة بعدها نزلوني قسم الولادة تحت وحطولي البلونة الكلام هذا كان فجر السبت اول يوم بشهر فبراير البالونة مشكلتها بطريقة التركيب مزعجة لأن يستخدمون الحديدة اللي يسمونها بوز البطة فيها ألم شوي بس محتمل وخلوني لحد ما تنزل والكلام هذا اخذ أكثر من 14 ساعة كان يجي خلالها ألم طلق لكن محتمل مو قوي طلبت منهم كمام وعطوني خفف علي كثير بعد ما نزلت البالونة اختفى الطلق وماعاد فيه ألم فحصت الدكتورة لقت الرحم فاتح 2سانتي والمفروض يكون فاتح 4 اهني بديت اتوتر قالت بنزل لك الموية قلتها طيب عطوني شي يلين عنق الرحم لأن كان قاسي وبعيد قالت الطلق الصناعي بالوريد يكفي وانا للأمانة ما اعرف شي عنه قلتها اوك نزلت الموية بعود بلاستيكي ما يعور وبعدها عطوني الطلق بالوريد وكان الطلق خفيف جدا وماكنت ادري انه في قوي وخفيف احسب انه واحد المهم واقعد تقريبا 12 ساعة والفحص كل شوي ومافي جديد والطلق بالجهاز كان خفيف مع اني احس بألم قوي بعدها قالت الدكتورة مافي تقدم والرحم مو راضي يفتح وقاسي وبعيد والموية مفتوحة من أكثر من 12 ساعة وهالشي ممكن يكون خطر عليك وعلى البيبي يالا عمليات قلتلها طيب عطيني شي يلين عنق الرحم قالت دام فتحنا الموية ما ينفع نعطيك شي غير الطلق الصناعي بالوريد وهذي الشغلة انتبهولها يا بنات قلتلها طيب الغلط منكم كان المفروض تعطوني تحاميل أو جل وبعدين تفتحون الموية وانتو عارفين انكم ماراح تقدرون تتصرفون بعد تنزيل الموية ضلت تناقشني انه هذا الصح وانا حسيت انه انضحك علي وتورطت قلتلها تدرين شلون ماني مسوية عملية واللي فيها فيها وحسبي الله ونعم الوكيل فيكم لأن ورطتوني قالت اوك وقعي على مسؤوليتك انك رافضة قلتلها اوك طالما نبض الجنين كويس ماراح ادخل عملية ووقعت على مسؤوليتي قالت بموقف عنك الطلق الصناعي وبنخليكي كذا لأنك والدة أكثر من مرة من قبل وممكن يصير عندك انفجار بالرحم بسبب الطلق الصناعي وانتي والدة من قبل كان المفروض تولدين خلال خمس ساعات قلتلها وين كلامكم قبل قلتوا الموضوع سهل وبنعطيكي وقتك وما قلتوا هالكلام مع اني نبهتكم اني من النوع اللي أطول وولادتي ماهي بسريعة ابد المهم راحت وخلتني والطلق موجود احس طلعت روحي بس بالجهاز مو قوي كان واصل 70 بس والله يوم كامل وكل شوي يجون يفحصون ومافي تقدم الا بسيط وصل الرحم 4 قلتلهم ها بشروا انشاء الله خير قالوا لا مافي فايدة وكل شوي يكلموني على العملية وانا رافضة ما اقولكم عن حالتي شلون صارت قمت ابكي مثل الأطفال وادعي ربي بالفرج واحط ايدي على بطني واقرا سورة الزلزلة والانشقاق واحس بالألم يزيد بس بالجهاز هو هو وطول الوقت حاطة الكمام علشان يخفف الألم وضليت على هالحال لحد يوم 3 فبراير بالليل على الساعة 10 عطوني مضاد قالوا لأن الموية نازلة من زمان وخاف تنتقل عدوى للجنين واتصل الدكتور على زوجي وقاله بس تعال وقع وانزلها عمليات على طول ما نحتاج موافقتها وانا وزوجي متهاوشين من قبلها فقاله مالي شغل فيها وسكر التلفون وحمدت ربي اني متهاوشة معاه وما ورطني المهم على الساعة 11 بالليل جوني مجموعة دكاترة ويصارخون ويقولون مو بكيفك وخطر ونقدر ننزلك عمليات الحين قلتله ما تقدر انا موقعة ومالك شي عندي دام نبض الجنين كويس ماراح اسوي عملية لو اقعد الأسبوع كله راحوا وخلوني المهم وانا احس بالألم صار شي مو طبيعي واقوم اصارخ واقول احس بشي تحت وتجي الممرضة تفحص تقول رأس البيبي نزل وتتصل بالدكتورة وتجي تركض تقول بدى الراس ينزل والرحم 7 سانتي حمدت ربي وشكرته وصرت ابكي من الفرح وبعد ساعة بالضبط الساعة 1 الفجر يوم 4 فبراير شرفت البنوتة حسيت كأني ماخذة كأس العالم 😁 نفس شعور اللي طالع من معركة حمدت ربي وشكرته على فضله وتيسيره نصيحتي لكم لا تستعجلون بالطلق خصوصا اللي طبيعة جسمها تطول مثلي لأن ماراح يصيرون عليك ولا ترضين انهم ينزلون الموية والرحم مو فاتح عندك كثير لأن وقتها ما يقدرون يستخدمون شي والله ييسر للجميع الولادة السهلة بحوله وقوته

بالنسبة لولادتي قالولي لازم تصومين وبصراحة نقزني قلبي من هالسالفة لأن طول عمرنا ناكل قبل الولادة...

ورد أحمــر11 :

السلام عليكم رفيقات دربي😢 الحمدلله ولدت اليوم الأحد ٩-٢ الساعه ٣ ونص وأنا والبيبي تمام ومانسيتكم من دعائي♥️

السلام عليكم رفيقات دربي😢 الحمدلله ولدت اليوم الأحد ٩-٢ الساعه ٣ ونص وأنا والبيبي تمام ومانسيتكم...

جريحة الرياض :

صباح الخير❤️❤️ صحيت من النوم على خبر وفاة خالي أخو امي الله يرحمه ويغفرله فجأه والله بدون مرض ولا شيء دعواتكم له

صباح الخير❤️❤️ صحيت من النوم على خبر وفاة خالي أخو امي الله يرحمه ويغفرله فجأه والله بدون مرض...

جريحة الرياض :

أجرنا واجركم يارب ويصبر زوجته وعياله يارب ويربط على قلوبهم وأخوانه يارب❤️💔💔💔 والله ودي اروح اصلي العصر وشايله هم لو تنزل مويه والا شيء اختي تقول صابر كل هالاسابيع بيجي هاللحظه🙂🧐💔

أجرنا واجركم يارب ويصبر زوجته وعياله يارب ويربط على قلوبهم وأخوانه يارب❤️💔💔💔 والله ودي اروح...

Nonnah13 :

ابشركم جاني موعد من الحرس المساء والحين توني طلعت من موعدي في الخااص البوابه مسكره والمفتاح ضايع وتقول طرتي وقعتي مافي شي هالاسبوع 😂 عاد شوي بسير على الحرس والله يكتب الخيره

ابشركم جاني موعد من الحرس المساء والحين توني طلعت من موعدي في الخااص البوابه مسكره والمفتاح ضايع...