مادري ليش احس اننا مع التأخير بنولد فالسيارة فجأة 🤣

انبسطت بردودكم وتهوينكم على دريم ويب هذا وشغلتها هينه بإذن الله والله انكم افضل من يواسي وافضل من الخوات بهالزمن


والله يابنات ماتوقعت اجي وافك صدري احس مخنوقه
احس خلصنا من هالموال ياربي ترد كيدها بنحرها بنت بليس وتاخذ هالمعتوه اللي عندي معاها الرجال تكبر وتعقل وانا يكبر ويدبر


انا قبل خمس او ست سنوات كنت توني متزوجه مالي كم سنه ونخطط لحملنا الثاني وزوجي مجنني يبيني احمل ذيك الفتره وفجأه زوجي يتكلم عن موظفه معاهم انا وقتها كنت طالبه بالجامعه وحسيت بشيء مكالمات بينهم ووو وبعدها بفتره جاني رقم عالواتس يقولي ( هلا كيفك يافلانه ) اقولها من معاي ماترد خذت رقمها بالنمبر بوك طلع اسم ( بنت بليس اللي معاه ) دقيت عليه انهبل وجا ركض للبيت شكلها كانت ناويه تفضحه قالي هذي مريضه ووو سبها انا بس كنت ابي اعرف كيف لقت رقمي اكيد من جواله الغبي ولا تسالوني كيف وصلت لجواله طبعا عديتها مثل ماعديت غيرها كثير قلت بيتغير بينضج وهو ردي مايعتدل له سنه سنتين الا ينهبل جنني
المشكله يقول يحبني حبته القراده ومدلعني مره بكل شيء يعني امور مايسويها الا واحد يحب زوجته طيب يطرد ورى الحريم ليش بفهممم بفهممم




حملت والحمدلله وهو يحب الزين يببني ٢٤ ساعه متزينه وجسمي حلو ويبي علاقه ويبي تراب بعينه لان مايملاها شيء صمدت للسادس البي رغباته بعدين معاد قدرت انهديت ..من شهر حسيته متغير اعرفه خبز يديني الرجال يتزكرت بزياده وينتف الشيب اللي بدقنه ويشتري ماسكرا لعيونه وحواجبه عديتها .. اخر شيء حسيت يقينا فيه شيء .. وافتح جواله اللي لي سنين ماسكه نفسي عنه والقى المصيبه ( بنت بليس عجوز النار رجعت له ) لا بعد ومكالمات بالهبل والمشكله بعد مايكلمها يدق علي استغفر الله بس ! وابشركم تطور الامر ويكلم شاليهات يبي حجز مدري حجز وقضى ومطاعم وحجوزات !!! وش رجعهم لبعض خلاص انتهينا منها ومن ايامها على الاقل احترم كوني على وشك ولاده ! والله صحت وانقطع قلبي تعبت اراكض وراه هالمهبول خلاص كبر كبر بنص الاربعين وش عقبها وزاد المغص ومدري وش اسوي اتكلم ولا انطم ولا كيف شخصيته قويه وهو شمالي تصنيفه ومركزه كبير جدا بدوامه كيف يجازف بعلاقات وقرف ومع نفس الادميه اللي من بداية زواجنا هذي ماعندها زوج يضفها ولا زوجي هو زوجها خلاص صداع صداع
تذكرت كلامه له فتره يزن عالزواج الثاني واذا كلمته جد جا وتعذر لي وقال امزح معاك والله ماخذ عليك ! وان خذت عليك لا تخافين ماني حقير باخذ عقب النفاس وعقب مااسوي لك اللي تبين ؟!
قبل فتره يحاول فيني ماسوي استقبال ولا اصرف كثير ولا اخذ جناح .. وكنت برضى رحمته قلت اكيد مزنوق بس زين الله كشفه يحط هالفلوس لي بدال الشاليهات وقبل امس جوالي طاح وتفتت وقلت جب لي جوال ايفون ١١ قال كثرتي علي ورحمته و سكت الان بروح اطلع جوال من عينه والله ماينفع اسكت وفلوسه مشاعره واهتمامه تروح لغيري وانا مالي الا الكلام على فكره وضعنا المادي ممتاز عشان كذا استغربت انه يبي يوفر الان عرفت ليش عشان يوفرها لها حسبي الله عليه وعليها حسبي الله اعتبروها فضفضه ماتوقعت يطلع لي موضوع يشق الصدر زي كذا وانا على وجه ولاده تعبت حسبي الله ونعم الوكيل

والله اللي لفت انتباهي السرة ما فيهم وحده طالعه شبر 🤣🤣🤣🤣

انا سرتي ماطلعت ابد 🤣

يا بحر عالي
كلامك يوجع القلب لكن زوجك نفس نظام واحد من اخواني مشاكلة مع زوجته اذا حملت وتوصل للطلاق ويتزوج عليها لكن يحب زوجته اذا رجعها طلق اللي تزوجها عليها هو عنده نقص بسبب الحمل وان زوجته ماتقدر تهتم فيه مثل اول وهذا طبيعي لكن مايملى عينه إلا ام عياله مهما جرب
مرتين تزوج عليها وزوجته خربت علاقتها معنا ليش نحضر زواجه تبينا نخليه قدام الناس احنا نعرف اللي بينهم ونعارضه ونقول خاف ربك لكن اذا حط زواج قدام الناس لازم نحضر وماعجبتنا حياته ابد
انتي زوجك يبيله وقت يتعدل نظامه كذا لكن لا تزعلين نفسك عشانه هو اكيد يحبك لكن غريزته تخليه يغلط ويرجع لك نصيحتي لك اثقلي وياجبل مايهزك ريح اخوي الآن فالخمسين وركد زوجك يبيله وقت حتى يمل من نفسه ويركد اصبري وطنشي
والوقحه ليش تتصل بأي حق تتصرف كذا لكن اكيد انها منقهره منك أكثر لأنك اهم منها ولأنه يخاف على زعلك وهي بس تقضية وقت وعارفه هالشي وانك اليد اللي توجعه
تذكرت مسلسل فيه فوز الشطي زوجها كل شوي متزوج شوفيه بترتاحين نفس معاناتك وشوفي كيف تتصرف يمكن تفش خلقك شوي