بقولكم اكشني
طبعا يوم الجمعه بالعاده اروح لاهلي بس قلت هالمره ماني رايحه بشتغل على نفسي عشان اولد
( لاني يوم الجمعه من الساعه سته الصبح صاحيه الآلام طلق )
طبعا قلت لكم اني شربت حلبه حليتها بالعسل ويانسون واكلت رطب وتبخرت بقشر البصل والكمون وسويت .... وبعدها تسبحت بمويه دافيه مائله للحراره وبعدها نمت وصارت تجيني طلوق كل ثلث ساعه وانا دايخه نوم ( لاني صاحيه من ٦ الصبح مانمت الا ١٢ الليل ) والطلوق بدت من الساعه وحده وانا دايخه نوم اقوم عالالم اطلع آهات وارجع انام داااايخه وبعدها صارت كل ربع ساعه وانا برضه نايمه 😂 ليييين صارت كل عشر دقايق وماعاد قدرت انام وانتظر وأصبر نفسي لين صارت كل ٥ دقايق ( رغم من المستشفى مو قريب زين ماولدت في السياره 😁) واصحي زوجي اقوله
( عادي تقوم توديني المستشفى 🌚) >> مسويه ذربه استأذن 🌚 ولما جيت ابدل نزل مني زي الكتله فيها بني وهي شفافه وانا بالطريق للمستشفى اكلت ثلاث تمرات
ووصلت المستشفى وصلت تقريبا عالساعه ٥ ونص وجا وقت الجد الكشف 😈 بس كذا ولا كذا ي بنات انا عارفه ان اللي فيني ولاده واني فيها فيها
وخليتها تكشف قالت ٦ سم استأنست اول مره تصير معي دايم بولادتي أتنوم قبل الولاده واتبهذل وهو مفتوح ٢ سم ( قلت ي ميوم انتي بطله صبرتي وصرتي حرمه 😂) أحفز نفسي 😂وربطوني على قولتكم والساعه ٦ ونص او سبعه الا ثلث ودوني الكشك ( طبعا ماخلو مغذي الا وأعطوني ويقولون ليه مااكلتي عشان تقدرين في الدفع ) ودوني الكشك وجا الكشف الثاني وقلت يلا انا فيها فيها ابي اتخارج بس وجا وقت الدفع ي بنات تعبت تعب عيالي رغم من اني اتنوم قبل الولاده والداخل والطالع يكشف علي الا ان ولادتي ذي الا خلال ساعتين او اقل تعبتني
قوه الدفع عندي ماش يقولون لاني مااكلت
ووزن الجنين كبير ووصل الجرح قررريب من فتحت الشرج والخيااطه كثير بسبب كبر الجرح وكتبت لي الدكتوره مضاد
سبحان الله الساعتين ذي تعبت فيها تعب بس الحمدلله ربي عوضني بنونو زي القمر
انا حساب موعد في القائمة بناء على دكتوره في مستوصف خاص
والمستشفى العسكري حسبو لي ولادتي ٩ / مارس
وفعلا ولدت بِنَفس التاريخ
بقولكم اكشني
طبعا يوم الجمعه بالعاده اروح لاهلي بس قلت هالمره ماني رايحه بشتغل على نفسي عشان...
انا شايله هم لايكبر زياده الله يعين
من ولدت اول مره عمليه ماطلع بطن كثير بس ترهل الكرش الي تحت
الولاده الثانيه صحيت من البنج بطني كبييير ماكاني ولدت مع الوقت رجع نص ونص بس الي تحت صارت مترهله اكثر
انتي نصيحه لاتاكلين نشويات ورز نهائي خاصه بالاربعين
واشربي قشر قهوه ممتاز
والله يعينك حبيبتي لازم البطن بس مع الوقت يخف ان شاء الله