الف مبروك للي ولدو وعقبال البقيه يارب،،
بالنسبه لمنقوع التمر انا اعطي ولدي مرتين باليوم حبتين تمر على ٦٠ مل مويه والحمدلله ارتاح عليها وسهل بطنه وطلعت الغازات نصيحه بنات عطوا مواليدكم
.
وبالنسبه للعمليه لازلت اعاني منها اذا قمت واذا نمت واذا جلست اول مره يصير معي كذا. مع العلم ان عمليتي هذي صاير تمزق في واحده من الطبقات على كلام الدكتوره وأنها خيطت طبقتين مع بعض ماقدرت طبقه واحده لأنها متمزقه،، احيان اقول الألم منها 💔
الف مبروك للي ولدو وعقبال البقيه يارب،،
بالنسبه لمنقوع التمر انا اعطي ولدي مرتين باليوم حبتين...
طبعا انا المويه عندي قليله وقالتلي الدكتوره كل يومين تعالي نشيك وانتبهي للحركه ..
المهم انا بكريه ومندفعه مررررره وحاطه ببالي اني بكون قويه وقدها ومراح استسلم لالم الولاده "هياط"☺️
لدرجة رافضه ابرة الظهر اقول خلوني اجرب بتحمل!
المهم الله يسلمكم كان عندي موعد ورحت وشافت كل شي تمام الا المويه قالت مره قليله ولازم تنويم ،دخلت تنويم الساعه ١١ الليل الاحد واعطوني تحميلة طلق صناعي وطبعا من قبل الرحم عندي فاتح ٢ ونص..
الى الساعه ٧ المغرب الاثنين وانا عاااادي الوضع ومافي الام تُذكر والرحم فتح ٦ وقالت لازم نفك باقي المويه ونعطيك بالوريد.. طبعاً ردي انا كان اي تكفين دكتوره اعطيني اقوا شي ابي اولد <ماكنت اعرف تاليها🌚
المهم يوم دخلو الصناعي بالوريد هنا بدا الموت ..قسم بالله يابنات اني اتشهد ،احس نفسي مكتووووومه ومخنوقه ومع كل طلقه صراخ وبين كل طلقه وطلقه ادوخ واغيب عن الدنيا وهكذا ...لين الساعه ١فجر العيد (من ٦-١وانا اطلق) الصدمه مو هنا الصدمه جت الدكتور بتقيس الا انه نفسه ٦ ماتغير!!!!!! قالت بنزيد الجرعه لازم توليدين بدت تقل النبضات ... انا هنا قسم بالله مافي شي ماضربته..السرير..النيرس.....الخ
يوم جت الساعه ٣ الفجر واقول لزوجي عمليييييه ماتحمل واصارخ قال طيب وتجي الدكتوره قالت ماباقي شيء تحملي واقولها انا الي بولد وابي عمليه تفهميييين!!!!!
قامت جابت الاوراق ويوقع زوجي ..شوي جت الدكتوره قالت اخر مره بقيس وقاست والصدمه انه صار ٩!!!!!!مستوعبين!!!فرج ربي جا حمدالله ويرفعون رجولي وابدأ بالدفع طبعا راس البيبي كان طالع ويشوفون شعره لكن حوضي قااسي وماساعد وطولت بالدفع وطلع البيبي ازرررق مخنوق وماصاح (الساعه ٥ الفجر)
لكن حمدالله على كل حال وعقب خيطتني وهي تخيطني تقول ترا بيألم <قلتلها خليه يألم على راااحته دامني ولدت وخلصت 😂
بما اني اول تجربه ولاده
اول شي بسويه بالولاده الجايه ابرة الظهر واخلي عني الهياط😅
طبعا ولدت في مستشفى السلام بالرياض وشهادة حق ان كل دكتوره تقول انا الطف من الثانيه هذا غير النيرس الي يذكروني بالقران ويقرون علي تخيلوا .. (طبعا جلست بالمستشفى يوم ونص تقريباً جربت كل القابلات)
هذا اكشني والحمدالله الي صار سواليف وخلصنا منه😅