بنت القصيم .. :

سبحان الله يادريم الواحد مايدري طبيعي او قيصيري وانتي المويه كانت ناقصه عندك انتبهي من الصفار كل يومين روحي حللي شوفي نزلت ولا لا كلاب ماعطوك مرهم للعمليه اخبر مرهم لازم يفيدونك البنات

سبحان الله يادريم الواحد مايدري طبيعي او قيصيري وانتي المويه كانت ناقصه عندك انتبهي من الصفار كل...

دريم ويب :

الله يسلمكم جميعا حبيباتي 🌹 والله يسمع منكم ان شاء الله مافيها شيء بس انا اللي لاحظته انه رجولها ضعاف حيل حيل حيل فقلت يمكن عشان كذا اهيا نتفه حدها وزنها كيلوين ونص بس كآنها دجاجه 😂 ام العنود انا بنتي مثلك انا احيانا اخاف اني سويت لها شيء بالغلط النهار تكون اشوي اهدأ وآخر الليل تصحصح وتسلمها بكى

الله يسلمكم جميعا حبيباتي 🌹 والله يسمع منكم ان شاء الله مافيها شيء بس انا اللي لاحظته انه...

دريم ويب :

بكتب لكم اكشن ولادتي يوم الاثنين جلست الصباح بروح موعد التحويل للمستشفى الولاده ورحت الطوارئ وانا من الليل عندي طلوق بس متعوده عليها لانه من اول التاسع كذا دخلت عليهم اللي في الاستقبال قلت لها عندي موعد تحويل قالوا لي روحي الطوارئ قالت هذي تحويل للعيادات طلعي روحي يوي موعد لك انا اندق بدني روحه بدون فايده قلت لها عندي آلاآم وقالت في اي شهر قلت لها التاسع قالت خلاص دخلي على الآسره رحت المهم بعد ماجات الدكتوره قالت عندك شنو قلت عندي طلق من مده بس الحين اقوى وسوت سونار قالت عندك علم انه البيبي راسه فوق وانا 😳 قلت لها شنو فوق تو في الثامن كان راسها تحت قالت فوق قلت لها كشفي شوفي كم فاتح الرحم قالت روحي يوي تخطيط واذا عندك طلق بكشف قلت لها شلون الحين انا في التاسع والبيبي مقعدي يعني الولاده قيصري قالت هذا تتفقين مع الدكتور اللي بيولدك طبيعي مقعدي ولا قيصري المهم رحت سويت وطلق منتظم يوصل ل80ومرات 100 وانا احس بالالم بس متصبره خلص منصدمه تقولي عندك الم !!قلت لها اي ورحت قالت الدكتوره عندك طلق انتي عندك الم قلت اي قالت انتظري الاخصائيه المهم جات الاخصائيه وكشفت قالت الرحم فاتح 3سم انتي خلاص تنويم للنه عندك طلق والرحم فاتح والطفل مقعدي وانا اللي انخبص بنتي بره في السياره مع ابوي قلت له خلاص امشو حتى ابوي انصدم جايبك مافيك شيء شلون بتولدين المهم صعدوني ويزيد الالم سالوني متى ماكله قلت لهم الليل الساعه 11قالو ممتاز لاتاكلين شيء بتشوفك الاستشاريه رحت سوت لي سونار قالت انت نزل عليك مويه قلت لا قالت مويه الطفل ناقصه قلت لها عندي افرازات مائيه قالت لا انا اقصد مويه كثيره زي الحنفيه قلت لها لا قالت المويه ناقصه كثير قلت لها انزين شلون الولاده مايصير طبيعي قالت ياماما اي طبيعي انتي الطفل مقعدي والمويه ناقصه كثير والزحم قاست فاتح 5وعندي طلق عالي الحين قيصري مستعجل رحت بصلي العصر وانا ميته من الالم يالله صليت بس لانه جى وقتها جات لي الساعه 4وربع قالت بركب لك قسطره قلت لها لا مابي الا بعد البنج المهم انه بصموني على القيصري وانا نزلت دموعي قعدت اقرا سورة البقره ومريم المهم الساعه 5 قالت لي لبسي المستشفى ولا تخلين شيء عليك وجابت السرير انا من كثر الخوف نسيت اغراضي ودوني غرفه التخدير جى لي دكتور قطيت وجهي قالي انا دكتور التخدير كذا كذا شايفك وقال بنعمل لك بنج نصفي قلت اوك وقعد يهذر وانا مو حوله دخلوني ونقلوني لسرير مادري هالحديده وحط ابرة الظهر حسيت نقزت من الالم قال خذي نفس وبس بعدها ركبو علي الاجهزه وجات الدكتوره اللي بتعمل القيصري بس بعدها تخدرت رجولي 5دقايق الا سمعت الدكتوره تقول جبت لكم عيل انما ايه صوروه انا لفيت انصدمت امدى طلعوها قلت لهم هذي بيبي تبعي قالت اي قلت لها بنت ولا ولد وهيا تطلع اللي في فمها بعدها صاحت قالت بنت ماتبين بنت قلت لها الا انا ابي بنت ودمعت عيوني وصحت لما شفتها اللي هناك يقولون لي ليش تصيحين خوف ولا فرح قلت لهم فرحانه حسيت انه راح تعب 9شهور وشفت نتيجة تعبي واهيا تطالع وجابتها لي بس ماعرفت امسكها لانه ممدين ايديني بس حبيتها وتمنيت اضمها بس اخذتها بسرعه وبعدها طولو ماحس بشيء بس انه كآنه بطني يرتج يمين يسار بعدها حسيت ضاقت انفاسي وكآني بفقد الوعي حطو لي اكسجين وبعدها ودوني غرفه الافاقه تحت الملاحظه 8ساعات احس اسوأ ساعات عمري احس اني ميته وزي اللي بيغمى علي وفقك البنج اه بدأ العذاب الم الم موت عطوني مسكن وصرخت ابي مسكن غير وعطاني ثاني ومافي فايده احس انه سكاكين تقطع فيني ماوداني القسم الا الساعه 2الفجر اه يالعذاب اول يوم مب في الدنيا قسم اني ابكي من قوة الالم ويعطوني مسكنات ولا احس انهم يسوون شيء لما شالو القسطره قالو لي امشي حاولت امشي قلت يمكن يخف الالم امشي وانا بموت نفس الشيء بعدها بيوم جات الدكتوره قالت لي شخبارك قلت لها ميته تعب الم مو طبيعي قالت بعطيك مخدر قوي وقالت شربي سوائل عشان تتحرك الامعاء وتخرجين غازات وترتاحين قلت لها حتى ماي ماقدر اشرب من الالم المهم عطتني الابره والحمدلله حسيت انه الالم اشوي خف من يخف المسكن رجع الالم الحمدلله على كل حال مستغربه من اللي يقولون القيصري اخف من الطبيعي 😓 وامس الحمدلله كتبو لي خروج بس بنتي احس عيونها صفر حيل مع انهم ماقالو انه فيها صفار بس خوفوني قالو روحي شيكي على العظام عندها في مستشفى ثاني فيه اخصائيين عظام يقول ابوها مادري شنو شاكين لانه رجلينها كله رافعتهم بس هذي اهيا تحركهم طبيعي بس شايله هم ادعو انها بس اجراء روتيني مافيها شيء

بكتب لكم اكشن ولادتي يوم الاثنين جلست الصباح بروح موعد التحويل للمستشفى الولاده ورحت الطوارئ...