هذي السفرة الكحلية اللي عاجبتني وأخذتها من لولو ماركت مررة جميييله ع الطبيعه سعرها مرره بطل رخيصة لقيت عليها تخفيض كانت ب199 واخذتها ب139 الكرتون بس القطع المفرقه ماعليها تخفيض،

الف حمد لله ع سلامتك وسلامة البيبي يتربى في عزكم

مقت
طفات

هاي صبايا
كيفكم شعلومكم من زمان عنكم ماشاءلله اخر رد لي عندكم جا بعده فوق 30 صفحه تصفحت سريع واحب ابارك لكل من ولد ومنهم شيراز مانسيتها الله يقومكم بالسلامه يارب
الحمدلله احس نفسيتي بدت تزين مر على ولادتي 12 يوم واحس غرت لما شفت الكل يكتب اكشنه هههههه وبكتب لك اكشني المأكشن 😩
طبعاً انا بكريه واول مادخلت الاسبوع الاربعين درعمت براسي انا وزوجي للطواري نحسب السالفه خطيره و لازم اولد اول العاشر😂 مدريت ان الناس تعوشر وتاخذ اسبوعين كحد اقصى الزبده الدكتوره كشفت على الرحم وطلع مقفل وقالت خذي موعد تنويم عشان نظام الاسره حجز وناخذ موعد وسبحان الله السرير متوفر بنفس اليوم لاحجز ولايحزنون واقعد بالمستشفى من الاحد الى الاربعاء عالفااضي ماغير اناظرالسقف وصحتي زي الفل انا والبيبي والممرضات ماغير رايحين جايين يقيسون ضغطي وحرارتي والنبض وكم تحليل وقتها مليت وطقت كبدي كل يوم يقولون بنعطيك طلق صناعي من دخلت ويطنشوني وانا تعبت نفسياً من الانتظار ماغير كل يوم والده تجي تتنوم الي قيصري والي طبيعي وانا اسمع بصياحهم واخاف زياده وشكل رحمي مع الخرعه مايفتح هههه الزبده جا الاربعاء وقلت للدكتوره انا انهرت من الانتظار وازعاج الممرضات والمريضات نفسيتي تعبت قبل الولاده ابغى اطلع يوم وطلعت الخميس بيتي تقل داخله الجنه غيرت جو وسويت كل الحلول الي تحرض الطلق ولانفع واروح الخميس الصباح المستشفى ويعطوني الطلق ابره مهبليه نفس الجل الساعه 2 الظهر وتمر 9 ساعات ولا احس بشي بعدها اعطوني دفعه ثانيه الساعه 10 بالليل ومشيت شوي على الساعه 2 ونص يبدا الرعبببب والم تدريجي ويزيد حتى الفجر وانا اون اون اون وادق على زوجي ابكي واترجاه يجي يكلمهم يولدوني لو قيصري ويجي المسكينورفضوا يدخلونه قسم التنويم يقولون لاراحت كشك الولاده مسموح ، الممرضات ازعجتهم اقولهم تعبانه فيني المممم ابغى مسكن ولدوني مااقدر هههه وبكل برود يردون لازم ولاده فيه الم ، وانا بتجنن نايمه على جنبي ومقفله رجولي الم ااااااه بس الله يكتب اجري واقرر اني الجهم بالصراخ دام مطنشيني وانا مره احس فيه شي ضاغط على تحت وزي الكهرب يضرب بظهري :( ويقيسون يطلع رحمي فاتح 6 سم ويودوني الكشك واعاني من 6 مدري 7 الصباح واقولهم ابغى دكتور ماابغى دكتوره بعد ماسمعت نصايح الحريم المنومات ان الدكاتره احن من الحريم وجربت الحريم بالكشف المهبلي ولما عطوني طلق صناعي يتعاملون بدفاشه حسبي الله عليهم ويخلوني اتشنج وتشد المنطقه واتالم بس الدكتور الله يجزاه بالجنه صبر علي وشجعني ويعلمني اول باول الوضع من تحت وقالي ادفعي اقوى وانا ادفع بكل ماوتيت من قوه واقولهم مااقدر هذا اقصى حد اشفطوها ههههههه ويقولي لا حاولي الراس باين واحاول واحاول واحاول واخذ نفس عميق وادفع الدفعه المطوله مع التشجيع طلعت بنتي بالسلامه وكل الالم سبحان ربي انسحب معاها يارب لك الحمد اما البنج عطوني كمام زي قلته وقت الولاده روح صوتي بس الخياطه ماحسيت بأي الم وقتها بنجهم كويس وبشروا زوجي وامي الي كلمها زوجي وجات علطول وجات حبيبتي ، زوجي للحين يقول ماانسى صوتك لما كلمتيني تبكين ولا صراخك باذني والحمدلله انه حس بمعاناتي و هذي بنتي ربي عوض صبري وصبر زوجي جات بعد 3 سنين زواج وتاخر حمل بسبب مشكله بسيطه اسمها التشنج المهبلي كنت ارفض الجماع والجماع سطحي الين ربي دلني على الدكتوره اماني شلتوت عالجتني وجزاها الله الجنه بعد علاجها عشت شعور العروس الي انحرمت منه باول ليله و بعدها ب6 اشهر حملت ندمت على مماطلتي بالعلاج لكن هذي حكمة ربي والحمدلله على كل حال ولانكم اخواتي ذكرت لي قصتي هذي الي مايعلم فيها الا ربي وانتم حتى اهلي ماكانوا يدرون سبب التاخير وفضلنا الصمت والتجاهل انا وزوجي